تعـــــرفـــون الــــــــــبــــــحـــــــــر يااهل الريـــــــــاض ؟ !!! - نادي الهلال السعودي - شبكة الزعيم

هلاليه خياليه · #1 27/01/2005, 04:58 AM

السلام عليكم ورحمة الله وبركاته

اتمنى يكون الجميع بخير

يازعماء يابني هلال ياسكان العاصمه
الله يرحم والديكم عندي سؤال واحد كم عدد سكان الرياض ؟؟ وكم هلالي منهم ؟؟

ابصم بالعشره اذا ماكان 80% منهم هلاليين

وينكم ياشباب وين الحضور وين الموج اللي يغطي المدرجات
وربي اشتقناااااااااااااااااااااااااااااالكم

يالله تكفون تعالوا
تعرفون البحر ؟ نبي يوم الاحد بحر بالملعب ياجماعه سوا لنا بحر نبي بحر هلالي كذااااااااااا

ازرق يشرح الصدر
نبي جمهور وتشجيع ورجه

عندكم الملعب ليه غايبين

بكل امانه في المباريات السابقه فيه تزايد في عدد الجمهور
بس والله مو هذا جمهور الزعيم بس

فيه ملايين مدري وينهم

دخيل الله اكسروا تحدي البلوي تعالوا وشوفوا اللاعبين وش يسوون لجلكم
نبي كل واحد يشكك بجماهيرية الزعيم نوطي خشته بالأرض

يالله البنات بالبيت والشباب بالملعب ونشجع ونستمتع باللعب ويفوز الزعيم بعزة واحد احد

ملاحظه هــــــــــــــــــــــــــــــــــــــــــــــــــــــــــامه:

اللي عنده صحبه يجيبهم معه ويجيب عياله واذا هو شايب يجيب احفاده بعد ويحفظهم اهازيج وهم جايين بالسياره

تكفون دخيل الله وبعد الله عشان خاطر سامي السامي
تقدرون تكملون 30 الف؟؟؟؟؟ عالاقل

بتردوني؟؟؟؟؟؟؟

ليفربولي · #2 27/01/2005, 05:05 AM

انا من ناحيتي حاضر حاضر الله لا يعوق بشر وكل المباريات الـ 12 الي فاتت حاضرها انا وخمسه دايما على عددنا بس وين غيرنا الي يشوفونها بالمقاهي والا بالبيوت بصراحه هذا الي احس انه ما فيه اي شعور بالهلهله(وش ذي الكلمه ؟ )
المهم انا ان شاءالله بالملعب وابي الغير يتشجعون ما ادري وش المشكله يعني الملز اقرب ملعب موجود بالرياض والتذاكر ويالله لك الحمد ما ادري وش الي يبي بالبيت فصفص وشاهي بالله هذا مشجع ؟
وين المؤازره وين عز هلال اول الي ما عرف الجمهور كيف يخونه ان خانه خان بربع الملعب الكامل ...

تغيب الشمس بحلم يومي · #3 27/01/2005, 05:15 AM

انا لي اسبوع وانا طاق الخيمة عند الملعب

طبعا هلالي !!! · #4 27/01/2005, 05:27 AM

ان شاء الله اكون بالرياض يوم المباراة بس

وان شاء الله حاضر حاضر

هلالي ثنيان · #5 27/01/2005, 05:33 AM

الجمور الهلالي مايقصر أنسالله

هلالي غصب · #6 27/01/2005, 05:43 AM

اذا الله اراد وجيت الرياااااااااااض

راح اسنتر بالملعب ان شاء الله

السيناتور15 · #7 27/01/2005, 07:03 AM

والله المباراه بالملعب موب شينه سجلوني معاكم انا رايح للبرتقاله
نبي نقلع بنور ونهستر فيه
اي كوره عند نور نبي صيحات واقلاع وهستره نبي نجننه
تكفون لاتردوني ياشباب قولوا تم

waal · #8 27/01/2005, 07:31 AM

يلله ياشباب ما لكم عذر اجازة وجو يفتح النفس نبي نشوف الملعب فللللللللللللللللللللللللللل ونقهر برميل الطقا....

ولد وايل · #9 27/01/2005, 07:49 AM

بس هذا اللي تبينه ,,,,, من عيوني لجل الزعيم وسامي وكل هلالي
بس انتي الله لايهينك جمعي لك كم بنت ,,,, يازينكن وانتن صافات قدام التلفزيون
وتشجعن ,,,, صحيح محد طاق خبر لكم << مع احترمه وتقديره ,, ولكن عشان الفوز
يكون له طعم لكم ,,,, ونعيد ونكرر بالنسبه للحضور انا اظمن لك 85% من الملعب ممتلئ
وش عاد تبين ,,,,,, تبين اكثر ابشري والله بالرجال القروم اللي موجودين وقت اللزوم

وعلى فكرة اعتبري نفسك حاضرة ,,,, انا احضر عنك ,, يلله ولايهمك
ولاتنسين الفصفص ابي الارض تمتلي تحتك

تحياتي

Cʜɑᴙᴉƨᴍɑ · #10 27/01/2005, 08:05 AM

وعليكم السلام ورحمة الله وبركاته
:::
حياك اختي

أتمنى مثلك حضور جماهيري مبهر في مباراة الإتحاد
لأن الجمهور الوقود الحقيقي والمميز للفريق الأزرق
:::
لكن لا أعتقد ان الحضور سيتجاوز الـ 3000 شخص..
ولنا في المباريات الثلاث الأخيره خير دليل
::
وراح يحضر الجمهور الإتحادي كعادته امام الهلال
وربما يوازي الحضور الهلالي
ليس كثرة في جمهور الأتحاد ولكن تخاذل من جمهور الهلال في الرياض
:::
وأتمنى من كل قلبي ان يخيب توقعي ويحضر الجمهور
:::

صباحك ورد

يارا الهلاليه · #11 27/01/2005, 08:38 AM

انشااللة انا راح اجي عندك وجهزي نفسك للمبارة عشان نشجع في البيت وكاننا في الملعب

صباحك ورد هلالية

هلالي(موت) · #12 27/01/2005, 08:47 AM

الوعد الملعب

الموت الحمر · #13 27/01/2005, 01:17 PM

سيم سيم هلاليه هستره كلو نفر رياد لازم فيه ملعب شوف مباراة . انت نفر بنت كلو شوف شاشه تلفاز.انا فيه شجع هلال من اسلام اباد وكلو نفر باكستان هند بنقالي ....الخ كلو فيه سوي شجع هلال . يالله نفر ملعب ملعب .
سوكرن انت نفر كويس .

تلميذ هلالي · #14 27/01/2005, 01:46 PM

ان شاء الله اختي جمهور الرياض بيبيضها

ياسيدهم وينك · #15 27/01/2005, 01:47 PM

ان شاء الله الوعد الملعب والله يوفق الزعيم في المباراه .