#16  
قديم 12/01/2005, 02:30 AM
موقوف
تاريخ التسجيل: 14/09/2004
المكان: أرض الحرمين
مشاركات: 218
المـــوضـــوع ما يســــتـــدعي كل هذا ..

كلهـــــا مبـــــاراه واحــــــده .. والمبـــــــاراه لا تلغــــي الافضـــليـــه الهــــلاليـــــه طوال المبـــــاريـــــات الســــابقه ..



نعم كمــــاتشـــو عادي .. وعـــــزيز حــــــــدث ولا حـــــــــــرج ..

العنـــــــــبـــــــــر >> قلنــــاهــا من زمــــــان ,, مهـــــــاجم عـــــــادي عاادي عااااااااادي ..




تحياتي
  #17  
قديم 12/01/2005, 02:57 AM
زعيــم جديــد
تاريخ التسجيل: 15/12/2002
المكان: اللاب الكبير
مشاركات: 43
-الأصرارعلى تغيب بعض الاعبين رغم افضليتهم والواضحه حتى للمتابع العادي مثل:
الجري - العلي(ماكينه الأهداف) - الشريده
الجري .. ما شفت التشكيلة حبيب قلبي؟

محمد الدعيع
عبدالعزيز الخثران فهد المفرج مارسيلو تفاريس احمد الدوخي
محمد الشلهوب عبداللطيف الغنام مارسيلو كماتشو عمر الغامدي فهد المبارك
محمد العنبر
عد معي .. الغنام المبارك العنبر .. وتفاريس ... لاعبين شباب لا يتمتعون بخبرة طويلة
تزيد عليهم الجري ليه؟
المباراة مهمة عندك في نفس المجموعة الافريقي الجريح والاسماعيلي المنظم .. يعني تبي تظمن اكبر قدر من النقاط
وواضح محاولة المدرب في تثقيل خط الظهر باشراك عناصر الخبرة
بالنسبة للشريدة فهو لاعب مبطي ما لعب مع الفريق .. هذا من جهه .. ومن الجهه الثانية كبير بالسن ويجب ان نحترم تاريخه كلاعب قدم الكثير .. لكن في الفترة الحالية ماهوب الانسب
بالنسبة للعلي ... متى اخر مره لعب؟

2-اللعب بطرق لا تناسب فريق كالهلال.
خمسه وسط ومهاجم واحد ما فيه مشكلة .. خمسة دفاع ما فيه مشكلة .. ما فيه طريقة تناسب الفريق لكل مباراة .. كل مباراة لها ظروفها ولو تشابه التوزيع في الملعب يختلف التكتيك حبيب قلبي

3-مشاركة الاعب الأجنبي حتى وأن اتضح ضعف مستواه.
كماتشو لا بأس به .. ولاعبين وسط مهاجمين كانت مشكلتنا العام الماضي .. الشلهوب لوحده ما يقدر يسوي كل شي تراه موب جونقر!!!

الشلهوب وكماتشو يؤديان نفس الدور!!!
فرق بين يؤديان نفس الدور وبين تبادل ادوار .. انتبه الله يرضى عليك

الهلال يلعب بمهاجم واحد !!!!
طيب وين المشكلة؟
ريال مدريد لعب بمهاجم واحد واي سي ميلان لعب بمهاجم واحد والمان يلعب حاليا بمهاجم واحد ولعب بمهاجم واحد والارسنال لعب بمهاجم واحد .. ما عندهم مهاجمين؟ والا يلعبون بطريقه دفاعية؟
تدري ان 5-3-2 ممكن تصير طريقة هجومية بحته؟
طيب تدري ان 5-4-1 ممكن تصير ايضا طريقه جدا هجومية .. اذا تبي اشرح لك شرحت لك ما عندي اشكاليه علمني بس

تغير المدربين والاعبين ومازالت ضربات الجزاء تضيع!!!!!
ههههههههههههههههههههههههههههههههههههههههههههههههههههههههههههههه
يعني بتجي تقول للاعب شلون يشوت بلنتي؟
البلنتي لعبة اعصاب قبل كل شي .. فيه لاعبين تعطيهم الكورة جوى السته بوسط اللعب ما يجيبها وتعطيه البلنتي يجيبه
اخوي البلنتي صحيح يعتمد على دقة التسديد .. لكن دقة التسديد تعتمد كثيييير على الهدوء وعلى قوة الاعصاب
ما سألت نفسك ليه فيه لاعبين متخصصين بلنتيات؟ يعني عشان المدرب يدربهم لحالهم على البلنتي؟
التدريب على البلنتيات الهدف منه بس انك ترفع ثقة اللاعب بنفسه وتهدي اعصابه عند البلنتي .. موب عشان تعلمه كيف يشوت البلنتي

خالد عزيز ما اعدمه الا المواضيع اللي مثل كذا مع احترامي لشخصك الكريم .. تراك تضر الهلال وانت ما تدري بمثل هالمواضيع .. خالد عزيز لاعب يملك الكثير ... بس لا تحطمه ترى توه في اول طريقه والبعض الله يهديه مدحه اول ما طلع وبعد كم شهر جاب قول ما تدري شلون على مرماه وانطرد بشكل انفعالي في مباراة الشارقة وصار اشين لاعب وكلن يسبه .. بينما في كل وحدة درس ..
بالنسبة للهدف .. الدرس المستفاد اذا مانتب محجور لا تناول الحارس في مرماه خلها بعيده شوي .. ان ما جابها الحارس تطلع برى ما تجي قول
الثانية .. لا تنفعل وتدخل دخلات انتقامية
----------
اخيرا .. ترى التدريب شهادة .. تاخذ كورسات مكثفه .. تختبر .. وتنجح او ترسب .. لا وفيه تقدير بعد ومستويات
وفيه قبل الشهادة خبرة .. لازم تعرف مراحل النمو اللي يمر فيها اللاعب.. بالعربي لازم تصير مجرب تلعب كمحترف .. لكن موب شرط تصير ناجح
اليكس فيرجسون .. انجح مدرب على مر تاريخ كرة القدم .. له قصه كلها عبر وعظات
بدا كلاعب مع مدري رينجرز او سيلتك .. عموما ما نجح كلاعب واعتزل بدري .. بعدين اتجه للتدريب الى ان درب فريق دندي الاسكتلندي خلال سنتين او ثلاث صار ينافس سيلتك ورينجرز .. صار اول فريق اسكتلندي غير رينجرز وسيلتك يحصل على كأس اوربي .. الدوري الاسكتلندي ثاني اقدم دوري على ما اظن
بعدها راح للمان وكان المان ترتيبه 18 ..يعني مهدد بالهبوط .. وصله لـ11
فريجسون مسك المان عام 87 او 88 او 86 .. لكن ما جاب اول بطولة الا عام 92 .. خلالها كلن وصفه بالفاشل .. كل جماهير يونايتد طالبوا بانهاء عقده .. خلال مشواره مع المان حتى الان جايب 11 بطولة او هي 12 مانيب متأكد
  #18  
قديم 12/01/2005, 10:43 AM
زعيــم مميــز
تاريخ التسجيل: 14/01/2004
المكان: منطقة صناعـة اللعب
مشاركات: 1,728
إقتباس
الرسالة الأصلية كتبت بواسطة جنكيزخان
الملعب؟؟؟؟؟؟؟؟
ياخوي لا حشرني ولاشي.......

اكثر من سنه وانواع العناد والمكابره على عزيز واديموس وسيسيه و تراوري........الخ

واكثر من(مثالي) يطلع علينا كل يوم يقول اتركو الاداره تعمل في صمت..........

واخرتها خمسات من اللي يسوا واللي مايسوا......

وتبغى الجمهور اليوم بسرعه ينسى ويحضر ........

طيب نفرض الجمهور كله مثالي وينسى بسرعه مثل جمهور الانديه الاخرى(اهانه لجمهورالهلال) وطبعاً مثالي مثلكم وحضر المباراه وانهزم الفريق بالخمسه ........

خمسه في هالبرد......والله صعبه.
اااااااااالاتقول ماقد صارت ....صارت قبل اقل من سنه ولا نسيت بسرعه؟؟؟؟؟
عموماً تبغون الجمهور يحضر ...
اعطوه مستوى ثابت....بغض النضر عن الفوز والخساره.
ابعدوا اشباه الاعبين.
تدخلوا في التشكيله......نعم تدخلوا لان من يضعها للاسف لايفقه شيء...
وانا عادة لااستمع لمن لايفقه(اتضح انه لايفقه).

8
8
8
8
8
8
8
8
8
8
والله ياخوي مدري وش اقولك لكن تدري........
انت وامثالك من الجماهير التي تحمل نفس قناعاتك..... يمكن تكون ميولك هلاليه ... ولكن استحالة نطلق عليك لقب هلالي ميه بالمية....

مثلك من الجماهير التي لاتثق بفريقها خير لها ان تصمت بدلا من الشوشره على عمل الادارة والمدرب المتصاعد والذي اثمر عنه إلى الان بطولة الامير فيصل بن فهد لم يكن اكثر الهلالين تفاؤلا يتوقع ان يحصل عليها الهلال...
وصدارة الدوري بجداااااااااااارة..
وصدارة المجموعه العرية.....

وقبل هذا وذاك يحسب لادارة الهلال هو اخرااااج لاعبي الهلال من جوهم النفسي الكئيب واحلال الروح القتالية مكان روحهم الانهازمية.......

للاسف ان كلامك عبارة عن رجيع للموسم الماضي... ويبدو ان اخر عهدك بالهلال هي مباراة خمسة الاهلي.....
  #19  
قديم 12/01/2005, 01:40 PM
زعيــم فعــال
تاريخ التسجيل: 12/09/2002
مشاركات: 409
* يعني الإدارة كانت تعرف إن كماتشو بيضيع البلنتي
ولا تنسى إن ركلات الجزاء ركلات حظ
يعني المدربين مالهم دخل إذا أضاعها اللاعب
واللاعب مستواه جيد (كماتشو)

* بدينا بانتقاد اللاعبين وصلنا لانتقاد الادارة
طبعا الانتقاد الهدام
لو قلت انا في نظري ان الادارة اخطت بالتشكليلة
رغم ان التشكيلة من اختيار المدرب
كان تقبلنا
لكن تمحي كل اللي سوته الإدارة وتقول علة الهلال الإدارة !!!!!!!!!!!!!!

مع احترامي
علة الهلال
للأسف هي بعض الجماهير
  #20  
قديم 12/01/2005, 03:15 PM
زعيــم جديــد
تاريخ التسجيل: 03/12/2004
مشاركات: 32
الى جميع الاخوان (المثاليين) السلام عليكم :
توقعت بعض الردود ولكن اللى وجدته وقريته كان شىء غريب...... غريب جداً!!!!!!

دافعتوا عن العمل الاداري داخل النادي بكل حماس.......؟
رايكم وانتم احرار.

تكلمتوا عن التشكيله ونظرتوا ووصلتوا للتتكتيك ..... اللي طبعاً عاجبكم.....!!
قلنا وماله قناعات .....( قله خبره بالهلال)...او اى شىء..

ضربات الجزاء...... والمدرب والاعبين والاداره مالهم ذنب ؟؟
وماله يمكن الانديه الثانيه جمهورها اكثر مثاليه منا علشان كذا حتى لاعبين الدرجه الاولى ما يضيعون لان جمهورهم مثالي........

لكـــــــــــــــــــــــــــــــــــــــــــــــــــــــــــــــــــن ........
بدأتم توزعون النسب على الجمهور وهذا 30في الميه وهذا 60 في الميه..........لا والف لا
لالالالالالالالالالالالالالالالالالالالالالالالالالالالالالالالالالا؟؟؟؟؟
لكل المثاليين:
1-( الجري) ما ينفع لان ماعنده خبره وقليلي الخبره في الفريق واجد....
وتقولون من الاعبين قليلي الخبره (تفاريس)؟؟؟؟؟؟؟؟
هذي اللي الواحد يكتب عليها.... ههههههههههههههههههههههههههههههههههههه
الاداره تستقدم لاعب قليل خبره؟؟؟؟
عموماً تفاريس مستواه كويس.
لكن اللي ماهو كويس رفض البعض لاشراك الشريده لانه عباره عن تاريخ فقط وهو لم يشارك من فتره؟؟
طيب هذا كثير خبره وهذا قليل خبره ..... وش نسوي نجيب لاعب خبره نص استوا!!!!!!!!!

2- ضربات الجزاء تحتاج لتمارين خاصه نظرا لان الفريق يضيعها بشكل غير طبيعي .....
والكلام المستهلك بان اعظم الاعبين اضاعوا ضربات جزاء فنحن هنا نتكلم عن فريق وليس لاعب واحد!!!
ولان الجميع يشاهد المباريات فالكل يعرف انه من النادر ضياع ضربتي جزاء لفريق في مباراتين متتاليتين...
فمابالك بعشرات الضربات الجزائيه ....
شئتم ام ابيتم هذه حاله تحتاج العلاج.

3- بالنسبه للتكتيك فخلو عنكم المان والريال !!!!!!!!
تبغون تضمنون النقاط وتلعبون بمهاجم واحد وامام مين ووين ؟؟؟؟؟؟؟؟؟
اجل قدام الاسماعيلي في مصر بنلعب بحارسين!!!!!!!!
يا اخوان القضيه ماهي خساره وفوز القضيه مستوى .....
لاتقولون المستوى في تحسن ......فيه ناس مثاليين كانوا يقولون نفس كلامكم العام لين صار اللي صار.....!

اخيراً ياابنائي هذا ماهو كلام واحد معصب او مبتدء ....
مرت فترات على الهلال لم يحقق بطوله بعضها كان طويل .....
لكن دائماً كان الهلال حاضراً بمستواه المميز...

ياجماعه ارحموا الهلال من اساليب التخدير ودعوا الاخرين يحاولون ممارستها على ناديكم.

لا لاساليب التخدير!!!!!!
  #21  
قديم 12/01/2005, 04:37 PM
زعيــم نشيــط
تاريخ التسجيل: 20/01/2004
المكان: الرياض
مشاركات: 555
جنكيز خان ..
بالعكس أنا أشوف والكل قاعد يشوف إن الفريق قاعد يقدم مستويات حلوة وإن كنا نطمع في المزيد , لكن كلامك مو وقته ..

أنا كنت من أشد المطالبين بالكابتن عبد الله الشريدة لكن دام الدفاع كويس ومتفاهم المفروض يستمر ..
ولو احتجنا ابو مبارك ماراح يقصر وبيكون جاهز إن شاء الله ...
  #22  
قديم 13/01/2005, 01:41 AM
زعيــم نشيــط
تاريخ التسجيل: 08/07/2004
مشاركات: 693
جنكيزخان
اذا كنت تذكر ان الهلال جته فتره ايام البطوله الخليجيه في الكويت جت للهلال ثلاث ركلات جزاء متتاليه وضاعت وضاعت معها البطوله
واعتبرت انها عقدة الهلال ضربات الجزاء
ولكن الهلال سجل بعدها من ركلة جزاء
فيه واحد من الإخوان قال ان ركلات الجزاء والتدريب عليها لتخفيف الضغط النفسي لا اكثر ولا اقل
والهلال في البطوله الخليجيه الي انا ذكرتها الثلاث ضربات ضاعت من لاعبين يختلفون
ضاعت من سامي وضاعت من الثنيان وضاعت من التمياط المشكله صارت نفسيه عند اللاعبين لذلك صار اللاعب يخاف منها
بعدين انت قلت في ردك الأخير في مباراتين متتاليتين ؟؟؟
اي مباراتين متتاليتين تقصد ؟؟
الفيصلي و أحد ؟؟؟؟؟؟؟؟؟؟؟؟؟
لا اعتقد انهم متتاليتين
اما بالنسبه للهلال احنا نتكلم عن ان مستوى الهلال في تصاعد
هل مستوى الهلال زي مستوى الموسم الماضي ؟؟؟
ام ان فرق النصر والشباب والأفريقي جميعها صنفت من الفرق الضعيفه لديك ؟؟
اذا بتكلم عن الإداره ولازم تتدخل في شغل المدرب او تنبه
ليش ما نجيب مدرب ونخلي الرئيس هو المدرب و نوفر فلوس ؟؟
في اوروبا المدرب هو الكل في الكل هو الي يختار اللاعبين الذين يجب التعاقد معهم المدرب يستشار في كل شي حتى الأمور الماليه هذا المدرب في اوروبا
باكيتا الى الآن يقدم لنا توليفه جديده دائما نرى بعض الجمهور يحتج على إشراك اللاعب الفلاني ولماذا لم يشارك هذا او ذاك ومع ذلك الهلال يفوز في المباريات وفاز في بطولة الأمير فيصل
حسين العلي تعاقبوا المدربين عليه من جميع المدارس الكرويه ومع ذلك لم يعتمد عليه جميعهم الى كلاعب احتياط واقرب مثال لحسين سولسكيار لاعب مان يونايتد الذي لم يشارك المان يونايتد اساسيا ولكن يصبح من الهدافين
اما عبدالله الشريده لا اعتقد ان الخبره هي كل شي في كرة القدم وعبدالله الشريده جت له فتره من افضل المدافعين ولكن حاليا لا اعتقد لديه المزيد
وبعدين تفكير الإداره تفكير مستقبلي والدليل احضارها للاعبين صغار في اماكن حساسه في الهلال وابعادها لبعض اللاعبين التي ترى فيهم عدم قدرتهم على العطاء مع الهلال
وبما ان النادي يسير في طريق جيد لا نحتاج الى عراقيل في منتصف الطريق
و آآآسف على الإطاله للجمهور الواعي
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 09:27 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube