الهلالي ابو سارة يعود لكم من جديد ..

اليوم شفنا المباراة وشفنا مستوى كماتشو كيف ..

مستوى سيء .. تمريرات مقطوعه .. لا صناعة لعب ولا هم يحزنون .,

اقصى مايفعل هو الآتي ودققوا تلقون كلامي صح:

يحط الكورة تحت رجله .. يحط يده على المنافس اللي جنبه .. يلف يمين.. يلف يسار.. يطيح..

هذا باختصاار المدعو كماتشو ..

قد يكون مستواه جيد في مباراة اومباراتين لكن ليس الطموح ..

بعد مباراة النصر مدحته .. توقعت انها البدايه لمستوى رائع..

أثر الموظوع .. مكانك قف .. واحيانا للخلف در ..

لما نطلب اجنبي فنحن لانطلب لبن العصفور ..

نطلب يالربع واحد يؤدي ولو ربع مستوى الشلهوب محمد في الوسط ..

المشكله الادراة مقتنعه فيه .. والمدرب مايسمع فيه ..

واليوم اصر على التنفيذ لركلة الجزاء حتى يغطي مستواه السيء .. وتكون له بصمه ..

يالربع احد تكفون يخطفه ويجيبه عندي وانا اتكفل بالباقي .. بـ أذبه في المطار والتذكره من عندي !!

مشكله تناظر واحد بالملعب .. انت احسن منه يالمتفرج رغم ان مستواك جنب القده !!

قلت لواحد من الربع اليوم مفقوعه مرارته والاثني عشر وبنكرياسه من كماتشو :

الكورة بوادي حنيفه وكماتشو بوادي فاطمه !!

وعز الله اني صادق..

* وجهة نظر .. قد تكون عرجاء عوراء خاطئه لكن تظل وجهة نظر .. والاختلاف لايفسد .........

سلام

8
8
8
8
8
8
8
8
8
لااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا ااا

أبوســـــــــــــــــــــــــــــــــــــــــــــــارة عاد كل شئ نطاوعك فيه إلا كماتشو...................
بس الغريب انك دققت على عيوبه .........

وطنشت هدف الخثران ........

اللي احلى مافيه نقشة كماشتو للكورة...........

وطنشت تقول تمريراته مقطوعه .... اجل ابو سارة انت شايف مباراة ثانية اسمح لي .......

بالعكس اكثر الهجمات الهلالية ماتمر إلا من قدم كماتشو..................

عموما اختلاف وجهات النظر لن يقلل من معزتك وغلاتك عندي ...........

أنا مع الرد اللي فوق على طول


كماتشو ممتاز


ويعطيك العافية أبو ساره

لاتعليــــــــــــــــــــــــــــــــــــــــــــــــــــــق .......

^
^
^

اجل ليش جاي تعلق <<<<<و انت وش دخلك

>>>>خلاص اسف

ما علينا بصراحه لحسه مخ ها الاعب ما ينعرف له مره فوووووق و مررره ما يدري وين ربه حاطه بس العوض ولا القطيعه وش نسوي اخاف الادراه تتهور و تجيب واحد كل مباراه ما يدري وين ربه حاطه خلونا ذا يقول المثل (تمسك ..... لا يجيك .......) .

ويعطيك العافيه اخوي ابو ساره >>جايه باخر الرد

<<<<وش اسوي تو ما تفطنت .

وسلامتكم

انا اشوف والله انه مبدع



بس اصبرووو عليه

بعيدا عن مستوى كماتشو هل هو جيد او سئ انا اخالفك الرأي في موضوع (خطف)وهذا في علم الجريمه وحنا كجماهير هلاليه اكبر من ذلك وانا استغربتها من شخص مثلك ولوكانت من خيرك ما استغربتها ولكن لو كان موضوعك مبني على احصائيه بعدد التمريرات الناجحه ......الخ في جميع المباريات اقدر ارد عليك وايضا لو كان الموضوع لبق وهذي وجهت نظري وبمقولتك (الاختلاف في الرأي لا يفسد للود)

إقتباس الرسالة الأصلية كتبت بواسطة دمعة المقهور والله الاعب الى الحين ماعرفنا وش عندهـ .. مرة يبدددع ومرة ماعندك احد . . !! - - - وان شاء الله نشوف ابدعاته في المباريات القااادمة ويتحسن مستووواهـ .. بس هدى اعصاابك يابو ساارة

والله انك صادق مره كماتشو فوق ومره مايدري وين الكوره

يا اخي الكريم ترى كماتشو تطور مستواه مع مباريات الدوري تدريجيا وهذا لعدة عوامل شرحها رئيس النادي واهمها انه لاول مرة يلعب او يحترف خارج بلده وهو البرازيل ولازم تقدر هذا الشي والاختلاف الكبير في كل شي عن بلده وهنا فلابد له من وقت لكي يتاقلم ولكن الحمدلله بدأ اللاعب يتاقلم ويقدم مستويات طيبة مع زميلة تفاريس واتوقع لو استمروا لنهاية الموسم بمستوى تصاعدي راح تطالبون بالتجديد معهم
اما بالنسبة لمباراة اليوم اذا ما قدم كماتشو مستوى مثل المباريات السابقة فهذا شي طبيعي لان اللاعب من المستحيل ان يظل على مستوى واحد فمثلا تجده في مباراة شعلة من النشاط وفي اخرى لا تراه الا نادرا وهذا على فكرة حال كل اللاعبين في العالم وتذكر - ان دوام الحال من المحال -
ولكن احب اذكرك بان كماتشو قدم مستوى لاباس بها واما لموضوع ضربة الجزاء فهذه نقطة تحسب عليه واعتقد انها ثاني ضربة جزاء يضيعها ولذلك عليه ان يطور نفسه في تنفيذها وخصوصا المدرب عليه تدريبه عليها او ان يتركها للمتخصصين امثال سامي او الشلهوب ، واذا كل واحد ضيع بلنتي راح تخطفونه ما راح يبقى لاعب ما بينخطف !!!!!!!!! صح ولا لا
اجمل تحية لك وللجميع سلام

كماتشو ممتاااااز 00

ولكن اليوم مستواه سئ يمكن الرقم 11 السبب00

ههههههههههه00

هلا ابو سارة صباح الير ياقلبي


عموما : .
اختلاف وجهات النظر لن يقلل من معزتك وغلاتك عندي بالغالي


ولكن مستوى كماتشوا اليوم زي الزفت بكل صراحة اوافقك الراي ولكن لاننسى وش سواء مع الهلال خدم الهلال قبل وما قصر بس الان مابقى الا يجيبونة عندي اوعندك ياابوسارة والتذكرة بيني وبينك ...... واللة سهل علية



وتبقى غاااااااااااااااااااااااالي ياابو سارة

اخوي الكلام في هالموضوع مضيعة وقت
لان كماتشو خلاص شارك في البطولة العربية ولا يمكن تغييره

مهما قدم سيظل اساسي وسيظل لنهاية الموسم

الحين ادعو ربك بس لا ننصاد بالمطفوق الثاني باولو ديسلفا
ترى الادارة والمدرب مقتنعة فيه

إقتباس الرسالة الأصلية كتبت بواسطة تغيب الشمس بحلم يومي 8 8 8 8 8 8 8 8 8 لااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا ااا أبوســـــــــــــــــــــــــــــــــــــــــــــــارة عاد كل شئ نطاوعك فيه إلا كماتشو................... بس الغريب انك دققت على عيوبه ......... وطنشت هدف الخثران ........ اللي احلى مافيه نقشة كماشتو للكورة........... وطنشت تقول تمريراته مقطوعه .... اجل ابو سارة انت شايف مباراة ثانية اسمح لي ....... بالعكس اكثر الهجمات الهلالية ماتمر إلا من قدم كماتشو.................. عموما اختلاف وجهات النظر لن يقلل من معزتك وغلاتك عندي ...........

والله كلام عين العقل , لكن بزيد عليه ....

كورة كماتشو في الشوط الثاني كان في نص الملعب و ناولها للشلهوب على اليسار لكن الشلهوب ما استلمها بطريقة صحيحة (او بالاصح ما جت معه) ولا كان ينفرد الشلهوب ...
كورة مثل هذه هدف
يعني على الاقل ناول كورتين هدف وحدة صابت و وحدة خابت...
غير تحركاته اللي اشوف انها ممتازة...
بعد ضربة الجزاء صار متوتر شوي لكن يظل ممتاز وافضل من غيره....


عموما وجهات نظر
ومثل ما قال اخوي spanish eyes
الموضوع ما يفرق الان...
ويعطيك العافية