11/01/2005, 04:51 PM
|
زعيــم مميــز | | تاريخ التسجيل: 23/10/2003
مشاركات: 1,612
| |
الهلالي ابو سارة يعود لكم من جديد ..
مسهم بالخير ..
شوي شوي يالربع تراها وجهة نظر بحته ..
اللي يقول تمريرة الخثران.. واللي يقول ليش تقول خطف .. واللي مولع السكن وماشي ميتين يقول
اني بس ضد اللاعب .
وش دعوة عناااد هي .. يعني الرجال لاعب صح وانا قايل لا ..
يالربع .. هدف الخثران .. سوى فيه الخثران كل شي .. المسكين نط وطلعت روحه وسجل ..
لا تكون تمريرة كماتشو بينيه بين المدافعين وخلت الخثران قدام الباب وانا مدري ..
جماعة الخير.. والله ان ودي يطلع مامعي سالفه ويخفس عيني بمستوى صح .. بس الشكوى لله..
اخوي اللي قال الموظوع خطف وماني عارف ايش .. وسع صدرك .. ترى التعبير مجاازي ..
يشرفني انك تشرهت علي .. وتحياتي ..
اما انت ياتغيب الشمس .. مو مشكله الاختلاف لايفسد للود قظيه ومعزتك باقيه بس الوعد الطلعه يادب
اخوي مجلعد.. لي الشرف واتشرف اعرفك والله.. ودام الموضوع فيه مفطح اجل تكفى خذ اقرب رحله
وتعال الرياض .. ذبحتنا النواشف ياخووك ..
تحياتي وتبقى وجهة نظر ..
يقول المثل:
مشكله أن تشاهد صانع ألعاب انت افظل منه .. مع ان لعبك زي وجهك و لو لعبت لوحدك انهزمت واحد صفر ..
ولحد يسالني من قال المثل .. مو ىافلاطون ترىى .
تحياتي |