|
والله مايفكنا من كماتشو... احد ولا حتى الدكتور الربيعة هالمدرب عيني عينك مع هالبرازيليين يسمسر عليهم وفارضهم بالقوة الله لا يوفقه هالحين ماعندنا من الشباب من يقدر يلعب بدال هالنكبة كماتشو؟! تعتقدون ان الدكتور الربيعة يقدر يفصل بين كماتشو وضمان اللعب اساسي كل مرة؟ والمشكة انه مايصاب ابد واذا اغلقت فترة التسجيل الثانية يبي يصاب وقولوا ماقلته |
والله كماتشو كويس واليوم الحمدلله صحيح أنه ماقدم مستوى لكن إذا راح الشلهوب للمنتخب جبلي صانع لعب يلعب مكانه وعيبنا حنا ياجمهور الهلال نبغى اللاعب على طول ممتاز ويعطيك العافية أخوي |
والله يا اخي كلامك سليم ليت يفكونا من كماتشوا ودسلفا واليقيه عشره على عشره والله الموري او المطرف او مازن الفرج احسن من ذا النكبه تكفا يا ولد محمد فكنا من كماتشوووووووو |
يا جماعة ما تطوف مباراة الا ونشوف بصمة الى كماتشو وادا كلامك هدا على حساب البلنتي الضايع فلاعبين كباااااااااااار ضيعو بلنتيات مثل باجيو ورونالدينهو |
اقول انتم من جدكم يعني علشان ضيع ركله جزاء اقول يا شباب هدوّا اعصابكم كماتشو ساد النقص اللي موجود وغير كذا وشتبون احسن من كذا اهداف وتصليح والبارحه انهزم برشلونه 3/0 وقدام فريق صغير يعني الحين تلقى جماهير برشلونه يقولون الغوا عقد رونالدينو وايتو علشانهم ما قدموا مستوى اقول يا شباب المطرف وش عنده الا التسدح والفرج اه يالفرج العن ام الواسطه اللي تخليه يلعب في الهلال اقول شباب هدوا اعصابكم ولا تتهورون .... |
يا شباب كماتشو قدم مستوى ممتاز على طول الموسم بعدين نجي اللحين من مباراة وحدة نقول ما نبيه ؟؟ و مثل ما قال اخوي هذي مشكلتنا يا جمهور الهلال نبغى اللاعب على طول مستواه ممتاز .. يعني عشان في هذي المباراة ما قدم مستوى تقولون ما نبيه .. ارجو منكم عدم التسرع .. |
والله عيب اقسم بالله عيب كل هالمستوى وجاي تقول (هالنكبه) يحرث الملعب حرث وكل مباراة يايصلح اهداف يايسجل واخرتها علشان بلنتي جاي تقول نكبه لكن اقول انتم حدكم (لازار وصوماليا وبياز)هذولا اللي يصلحون لكم |
كماتشو لاعب ممتاز اصبروا عليه ودايما يبدع في المباريات الكبيره |
من جد لا يعجبكم العجب ولا صيام برجب اشهد انه يلعب ولا وش رايك تنزل بداله وتلعب |
اقول من اللي مصلح الهدف الثاني؟؟؟؟ عسا مهوب معجبك المطرف ولا الفرج الحمد لله ان المدرب ما اقتنع بهم ولا كان علووووووم... |
كماتشوا بصراحة انا أثق في لعبه لكن فهد سرور هو اللي مايستاهل انه يلعب غير مفيد لولعب الصويلح يعني مهاجمين اثنين ونقل كماتشو ايمن يمكن أحسن |
اقول واله انه من جنبها لو الشلهوب موب موجود كان كماتشو ضايع سلملي على الشلهوب |
مساء الورررررررررررد بالفعل حبايبنا جماهير الهلال من المستحيل أن يتفقوا !! كماتشوا في الحقبة الحالية يًُعد من نجوم الزعيم !! وتجده في جميع أنحاء الملعب :) وكذلك تافاريس أفضل لاعب أجنبي في الملاعب السعودية :) كل ما أخافه أن يكون حكمك على كماتشوا سببه ركلة الجزاء !! باكيتا مدرب رائع وصاحب تكتيك ومنهج واضح ومميز :) فمن خلال مجريات اللقاء بإمكانك رؤية الإنتشار السليم وعدوم وجود فراغات في الملعب الهلالي ولا أنسى الكثافة الهجومية :) رجائي دعوا الرجل يعمل في جو صحي :) تحياتي :) |
والله إن السباك كماتشو يمكن ينجح في نادي غير الهلال مثل مرخ أو الخلود أو الفيحاء بصراحة أشك انه لاعب كرة قدم بعدين سألت الدكتور الربيعة عن فصل كماتشو عن الهلالل قال : إذا شفت النجوم بالظهر وحجت البقر على قرونه راح ينفصل لا ومن زين الطبايع لابس رقم 11 ( ياشين السرج على البقر ) |
قاتل الله الجهل .,.,. ضياع ضربة جزاء يؤدي الى المناداة بالغاء عقد لاعب لاغنى عنه ولكن ادعو الله العلي القدير ان يفتح بصائر بعض الاخوان .,.,. |
| الوقت المعتمد في المنتدى بتوقيت جرينتش +3.
الوقت الان » 05:03 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd