مساكم الله بالخير ..

والله ثم والله ان هذي هي اسعد لحظات حياتي ..

ريال مدريد يفوز وبثلاثية نظيفة على جاره وعدوه اللدود أتلتيكو مدريد في قمة الجولة الثامنة عشر وديربي العاصمة الإسبانية ..

كاسياس .. يابعد قلبي والله , يحق لك تحرس عرين فريق القرن العالمي , خلص الريال من سبع تسديدات بين الخشبات الثلاث وأهداف حقيقية ..

رونالدو .. يلوموني في حبك , من هجمتين خطف هدفين وعلى رصيده لـ10 أهداف ونفذ وعده وبدأ المشوار نحو صدارة الهدافين ..

ابو كارلوس .. قمة الإبداع الدفاعية .. يعني روبرتو كارلوس وش بنقول مانقول الا كبير وأكبر الكبار والله ..

أوربلوا .. عجبتني بصراحة شاب قادم وبقوة وسالجادو 2 اللقب الملائم لك , أحلى حركة سحبته في توريس :D

سولاري .. فن التسحيب في المساحات الضيقة , تكتكة مع زيدان , خلى الحارس يهرول وراه :D , موب غريبة عليك يابو سوسو ..

زيدان .. ماتشوف شر وانشالله الإصابة تعدي على خير ..

بافون و هلجييرا .. أديتوا ماعليكم ماعدا المناولة حقت هلجييرا الي بغى يجيبها بنفسه :D بس الله ستر وكان بافون موجود ..

بيكهام و راؤول !!! وينكم ووين موقعكم من المباراة !! ياليت لو ترجع أيامكم , راؤول صنع هدف سولاري ولكن غير ذلك مابين , بيكهام تسديدة فاول جيدة ,ولكن ضايع في المباراة ..

فيجو .. نشاط في الشوط الثاني بس الجمهور حاقد مادري ليه , تسحيب في سوزا أظن رداً على تصريحات الأخير , وفيجو مايتعامل بالتصاريح وانما يتعامل بقاعدة التسحيب في الملعب , ومن يضحك أخيراً يضحك كثيراً والعبرة في النهاية ..

أشكركم أتلتيكو مدريد على الأداء الرائع جداً ولكن عامل الجمهور كان حافز وراء ذلك الأداء وكلنا سمعنا هالجمهور كيف ضغط على الريال وشجع بوفاء فريقه ..

كاسياس ياقلبي عليك ليتك تستمر طول عمرك كذا ..

مبروك لعشاق الريال ألف مبروك وهاردلك لأتلتيكو مدريد ..

تحياتي .,.

مشكورين إخواني على الردود وانشالله الريال يقدم مباريات أفضل في الجولات القادمة ووراك وراك يالبرشا ..

انشالله يستمر فيا ريال في التقدم ويفوز على البرشا ..

تحياتي ,,