أول شي حبيت أبارك لكم الفوز الغالي عصر يوم أمس والذي جاء من فم الأسد
ثانيا حبيت آخذ رايكم في جماهير الهلال الحاضرة يوم أمس يأخي كل ما أسأل أحد يقول
مالكم صوت وأنا إلى هالحين والله صوتي منبح أنا
والمجموعة اللي معي اللي صراحة ماقصروا من الساعة 3 العصر اجتمعنا في الملعب
وأول ماأذن صلينا ورجعنا وبدينا في التشجيع كانت الجماهير تشجع بحرارة
حتى والطائي يسجل الهدف وأول ماسجل سامي الهدف انفجرت جميع الجماهير الهلالية كالبركان
وأخذت تردد (آآآآه ياسامي) .... المهم كان فيه بعض الجماهير النصراوية التي تحمل الأعلام الصفراء
متواجده في أعلى المدرجات خلف الرابطة ( مقرودين ) حيث كان معنا أحد الجماهير الهلالية ماشاء الله عليه صوته قوي وكان يردد : زعيم بلادي الغالية والجماهير تردد بصوت منخفض نوعا ما ياهلال ثم قال : ابطال قارة آسيا وتردد الجماهير بنفس درجة الصوت ياهلال ثم قال : دايما على النصر تفوز فهاجت الجماهير بصوت عالي ياهلال فما أن انتهى الشوط الأول حتى قامت جماهير النصر بالخروج من الملعب للجهة الأخرى وجميع جماهير الهلال تردد هووووووووووووووووووووووه وأبغى رايكم فينا هل حنا سوينا اللي علينا وإلا ماعندك أحد