ســامي بفنه للهلالي محامي . . . ( قصيدة بمناسبة حصول الذئب على درع التميز العربي ) - نادي الهلال السعودي - شبكة الزعيم

F.M · #1 04/01/2005, 06:32 PM

سامي الجابر نجم هلالي سعودي في كرة القدم بفنه واخلاقه وثقافته وتعامله . . . برز مع الناشئين والشباب والكبار . . . ساهم في المحافل الرياضية مع المنتخب وناديه الهلال واعتلى مرات عديدة منصات التتويج . . . لاغرابة ان يكون من المميزين في هذا العام بشهادة الرياضيين العرب والخليجيين على اختلاف ميولهم وكذلك بشهادة ( المحايدين ) داخل الوطن وخارجه . . .

بمناسبة حصول الذئب الازرق على ( درع التميز العربي ) اقدم هذه القصيدة . . .

بــاب التـــميز ينفتح كـل عامي . . . يشهد لــــــه الواقع وتـــاريخ الايــام
لاتلــتفت لمــحــرفين الكلامــي . . . يكفيك مضـــمون الشـهادة بالارقـــــام
الــيوم تقــرير الصحـافة نظامي . . . من صفـــــحة مهتمة بامــر الاعـــــلام
قالوا ملك ميدان الابداع ســامــــي . . . في ما مضى واليوم ماهي بالاوهـام
يا سامي الجابر بك المجد سامي . . . هـــــذا هـــلالـــك ماتوفيه الاقـــــلام
قـــدمت بالتقدير كـــل احــترامي . . . هذا كلام اهــــل الوفا قبل الاهـــــرام
اصوات من بين العرب ماتنامي . . . ماطـــــوعّت عند التعصب للاقـــــزام
خارج حدود المــملكة ياسلامي . . . من موقع الـــفـيــفا الى مصر والشام
واهل الخليج اللي عداهم ملامي . . . قالوا لـــــسـامي نجم في كل الاعوام
كـل الفخر ســامي دوام الدّوامي . . . لو عندنا للـــحسد حفـــلات واعــــلام
مدري عن اللي عندهم من مرامي . . . اهل التعصب شوذهوا دور الاسلام
ماقــــــلت كل الناس تحت اتهامي . . . جمهور ســــامـــي والمحايد لهم زام
سامي كسب واصبح رفيع المقامي . . . مسكــــين من ينفث سمومه للايتام
ســـامــي بفنه للهــــلالـــي محامي . . . والمــــنتخــب له صفحة ترفع الهام
ســــامي على فنه ومجده عصامي . . . حتى مع الشـــهره سبق نجم الافلام
الواسطـــه مارامها باهــــــتمامي . . . مامهدّت لــــه ساحة الدرب قـــــــدّام
ســــامي على ناديه مثل الوسامي . . . عنــد اعــــــــتزاله وثّقوا له بالاختام
ماهـــو مثال اللي غرق بالضلامي . . . عــــــقب اعتـــــزاله ماتخطّاه الاقدام
ذكر الــزعــيم بخير مسك الختامي . . . لــــــــو يزعل بلاتــــر بعد وابن همّام

شاعر الهلال : أبو زيــــاد 21 / 11 / 1425هــ

هلالي مثالي · #2 04/01/2005, 07:28 PM

صح لسانك قصيدة طيبه

! غير البشر ! · #3 04/01/2005, 10:48 PM

[ALIGN=CENTER]
.
.
.

صح لسااانك مليووون ابو زياد على القصيده الرائعه

ويعطيك الف عافيه

.
.
.
[/ALIGN]

عاشق الأسطورة الزرقا · #4 05/01/2005, 01:40 AM

صح لسااانك اخووي , وبالتوفيق لك ولساامي الجاابر .

والله انك تسمع · #5 05/01/2005, 02:10 AM

صح لسانك ويعطيك الف عافيه

سراب الدمع · #6 05/01/2005, 06:43 AM

مساء الوررررررررررررد

أتمنى تعجبك هالهدية الصغيرة

تحياتي

أبو ميار · #7 05/01/2005, 07:03 AM

مبدع صح لسانك أخوي

F.M · #8 05/01/2005, 10:19 AM

كل الشكر لمن شارك . . . وشكر خاص جدا للاخ الغالي ( ســراب الـــدمـــع ) على هذه الهدية

هلالي بريدة2005 · #9 05/01/2005, 10:50 AM

صح لســـــــــــــــــــــــــانك
يستاهل أبوعبــــــــــــدالله

الخير33 · #10 05/01/2005, 11:04 AM

تسسسسسسسسلم يامبدع

ابو يعقوب وبس · #11 05/01/2005, 11:28 AM

اللللللللله عليييييك

صح لسانك .. وتسلم أناملك اللي خطتها ... والله روعه صراحه

وابو عبدالله القصيد فيه يصير له طعم ثاني

لو لحّق عليه عنتر ومجنون ليلى كان نسوا الحب وهاموا بهالسامي

صح لسانك مره ثانيه

ياسيدهم وينك · #12 05/01/2005, 02:25 PM

صح لسانك والله يعطيك العافيه

الهلالي- ابوسارة · #13 05/01/2005, 02:43 PM

صح الله لسانك على قولة نجاح المسيعيد (( من الهلالي ابو سارة .. لا تصدق ))

تحياتي لك ياشاعر الهلال

المشذاب · #14 15/07/2006, 08:54 PM

صح لسانك

بدر العلوان · #15 15/07/2006, 09:54 PM

صح لسانك
قصيدة راااااااائعة
و يستاهل أبو عبد الله .