كلامك اخوي ابو عبدالرحمن عين العقل وترا الغايب حجته معه

وبالنسبة للمدرب صدقني انه كان بيسوي شي بس مالله وفقه واشوف الحين يجب البحث عن مدرب قدير للعالمية.......

وكل الاعضاء الي ذكرتهم اقولك كلهم قريبين من الهلال ومن الصعب على الهلالي الصميم ترك هذا الكيان
واسف اذا كان كلامي الاول ازعجك........والسلام خير ختام

صدقت يابو عبد الرحمن وفيه عضو شرف نسيناه معروف بدعمه للفريق وآخر ما سمعنا به بعد بطولة الصداقة قدم للاعبين 10 آلاف ريال لكل لاعب وهو صاحب السمو الملكي الأمير تركي بن سلطان من هذاك اليوم ماندري وين أراضيه ردوا علينا وأشفوا غليلنا بالحقائق اللي تثبت عدم صحة ابتعاد هؤلاء الأعضاء الداعمين من يوم عرفنا الهلال بين يوم وليلة يتركون الفريق سبحان الله وش سبب ترك الفريق رغم أنه يحصد البطولات من هوى نفسهم يعني سبحان مغير الأحوال

ياخيي وش يزعلني ثم وش بيني وبين سعود بن تركي وإلا غيره ياخي أنا مايهمني إلا الهلال وكان فيه واحد في هالمنتدى قبل أشترك ودي أشترك علشان أحب رأسه قبله يحكي عن الهلال بعين كل هلالي لكنه الله يهديه ماعد هوب يكتب عن الهلال وأحواله كم مره لقيت له مقال وش زينه من أيام مشاكل طهران وهو يكتب ثم هون وجاه أحباط وهالأحباط جاء كل هلالي ثم اللين متى علمني مايسمعون منا ولامن كتاب الهلال جانا مغص منهم حسبي الله عليهم

اصبرو ياجماهير الهلال مايجيكم الا الخير

على قول ياقاهرهم ياسامي(الهلال لا يحجب بغربال)

ابو عبد الرحمن

مدري وش بينك وبين رأيس الهلال

ممكن تتنقى الفاظ افضل من كذا

النقد شيء والتهجم شيء اخر وانت تتهجم على رمز من رموز النادي

اذا اخطاء ممكن تنتقده بإسلوب حضاري وليس تهجمي

والله خسارة <FONT color="#1800FF">خسااااااااااااااااااااااااااااااااااارة</FONT>

يا جماعه اعصابكم..نعم فيه مؤامرة تحاك ضد الهلال ولكن ما راح تنحل المشكله بالعصبيه والانفعاليه هذي...
ما زال الوقت معنا لتصحيح الاوضاع وخصوصا ان الموسم انتهى...

بس ما زلنا نطالب بمتحدث رسمي من نادي الهلال يعلمنا عن الوضع الحاصل بالنادي ويجاوبنا على استفساراتنا...

اتمنى ذلك..

<FONT color="#0005FF">تحياتي...</FONT>

اخي سفر الف الف تحيه واعجاب اسطرها لقلمك المبدع..........
اما الاستقاله ياليت يتراجع عنها.............
وياليت انه بدل الاستقاله انه يبذل اكبر جهد ممكن لجمع الاعضاء الي اختفو دون ان نعرف الاسباب.................

يا جماعة
 

صلوا على النبي
ترى يا جماعة من ناحية الاستقالات و المصايب هذي الهلال بامكانه يكون في غنا عنها ....النصر طلع احسن في التفكير بالناحية الاستثمارية وهذا مانشستر يونايتد اغنى نادي بالعالم ولا هو محتاج اعضاء شرف ولاهم يحزنون......الهلال ما هو قليل...عنده المال اللي يقدر يجيب به الشركات الاجنبية و السعودية اللي تستثمر اسم الهلال تجاريا و تعطيه نسبة من الارباح وخاصة بعد العالمية اذا ضغط اللعيبة على انفسهم شوي و ابدعوا ترى الهلال بيسير له اسم رنان في عقول الناس و الشركات بتحاول تكسب رضا هانادي العنيد اللي ما يبغى يربح الا ماغير صرفيات على اجانب مع احترامي بعضهم ما يسوى اللي اندفع فيه ...وعلى مدربين غريبي الاطوار ...كل ما حفظنا اسم واحد فيهم الا غيروه يالله لك الحمد على النعمة...وبصراحة هذا سبب كافي يخلي اعتد اعضاء الشرف يبطلون يدعمون النادي...
والا انا غلطان
صح لساني

<FONT FACE="Arial"><FONT SIZE="6"><FONT COLOR="#00007F">اشتدي ياأزمة تنفرجي
سيعود ان شاء الله سمو الأمير هذلول بن عبدالعزيز وسيعود ان شاء الله باقي اعضاء الشرف وانا متفائل بعودتهم لهلالهم وهذه ما هي الا سحابة صيف وراح تعدي ان شاء الله
صدقوني انا متفائل جدا بعودة سموه وكذلك باقي اعضاء الشرف وعلى رأسهم الهلالي المخلص سمو الأمير خالد بن طلال </FONT><FONT COLOR="#000085"></FONT></FONT></FONT> [/QUOTE]

انا اتفق مع الجميع ان هناك شي غير طبيعي يدور داخل اروقة النادي
ولكن ماتلاحظون ان رغم ذلك جميع المشاكل يتم تداولها داخل البيت الهلالي وليس على اعمدة الصحف وهذا ان شاء الله بداية التصحيح
وليس من المنطقي تحميل رئيس النادي مسؤلية ابتعاد اعضاء الشرف لان الامور تبدوا اكبر من ذلك
ولكن نتمنى بالفعل ان يلتم شمل الاسرة الهلالية خصوصا اثناء فترة الاعداد للبطولة العالمية
ومثل ماقالوا الاخوان من يحب الزعيم لن يتخلى عنه مهما واجه في سبيل ذلك وان شاء الله نسمع الاخبار الطيبة قريبا وقريبا جدا

بعد السلام

لا ادري كيف ابدى لكن استطيع القول هذه سنة المصائب للهلال(في نظري)بداية
1-عدم وجود رئيس إلا بعد وقت ليس بالقصير من عمر الموسم
2- خروج الهلال من جميع البطولات المحلية فارغ الايدي
3- الظلم الذي جرى عليه ولو كان ليس في المباريات الحاسمه فقط
4-هروب المدرب وعدم معرفتها وجلب مدرب لايستطيع مجاراة لاعبي الهلال فكبت على فنونهم واحرق بعضهم والعب من لايستحق اللعب لضعف مستواه كذلك التفكير في التعاقد مع مدرب مجهول الهوية من قبل الهلاليين وانا اقول (وجه تعرفه ولاوجه تجهله) مالكم الا يوردنسكوا ولا بلاتشي
5- أما هذه جعلتها الاخيرة لانها اعظم من سابقاتها وهي عدول اعضاء الشرف عن مساندتهم للهلال نعم الهلال خسر كثيراً وتأثر من خروجهم الكثير لكن استقالة صاحب السمو الملكي الأمير هذلول بن عبدالزيز كانت اشدها قسوة والماً لماذا؟؟؟لأنها جائت في وقت اكثر من محرج في وقت يستعد فيه الفريق لدخول كأس العالم للأندية كذلك يبحث عن مدرب وغير ذلك انه يحتاج لرفع معنويات اللاعبين وكذلك افتقاد الدعم االمادي والمعنوي من الامراء اعضاء الشرف وعلى رأسهم أصاحب السمو الملكي الامراء خالد بن طلال والوليد بن طلال وخالد بن الوليد فهم لهم فضل كبير بعد الله في تحقيق العديد من البطولات إلى جانب اعضاء الشرف والادارة واللاعبين والجمهور فرجائي يا أصحاب السمو العودة إلى الهلال لأنه في أمس الحاجة لكم وخاصة وهو في اطار الاعداد لبطولة العالم ويتخلل ذلك جلب مدرب ولاعبين اجانب على مستوى

<FONT color="#FF5701">هناك سؤال اريد ان اسالكم اياه اخواني اعضاء المنتدى هناك اعضاء شرف وعدوا بان يجمعوا 50 مليون ريال اذا تأهل الفريق لكأس العالم وهو تأهل والحمد الله فأين المبلغ هل هو دخل الخزينة أم انه لم يقال شي والكلام كلام جرايد؟؟؟؟؟ الرجاء الرد وشكراً</FONT><br><font size=1 color="#000080" face="tahoma">[عدلت بواسطة aham-wahed التاريخ:06-05-2001 الساعة: 01:35 AM]</font>

نعم اخوي سفر والله صادق المفروض اننا جميعا نقف وقفة رجال في موقف واحد وندعم هلالنا لكي يسطع هذا هو الواجب علينا, في مثل هذا الوقت...,,,,,,,

يستحق منا سمو الأمير كل الحب والوفاء ...

ولكم تحياتي ...

أخوكم / سفر المرزوقي .

معقوله مافي ولا واحد عارف المشكله

هذا يعني ان المشكله الي بين اعضاء الشرف مهي مشكله بسيطه

واعتقد انها مشاكل ليس للنادي دخل فيها ومع ذلك اقحم فيها

ارجوا من اعضاء شرف الهلال ان يعزلوا النادي عن المشاكل الخاصه

نحن لا نعلم عن المشكه اي شي على هذا الاساس لا يمكن ان نساعد في حل

مشكله لا نعرف عنها شي ولا نعلم من المتسبب فيها لذلك ارجو من اعضاء

المنتدى عدم تحميل اي عضوا هلالي المسؤلية

بعدما كان الهلال كتاب مفتوح للجميع اصبح الان لغز محير لكل عشاقه