نادي الهلال السعودي - شبكة الزعيم - الموقع الرسمي - وش أحسن مطعم أكلات بحرية في الرياض ؟

الصفحة رقم 1 من 2

عرض 60 مشاركات من هذا الموضوع في صفحة مستقلة

نادي الهلال السعودي - شبكة الزعيم - الموقع الرسمي (http://vb.alhilal.com/)

- منتدى المجلس العام (http://vb.alhilal.com/f1/)

- - وش أحسن مطعم أكلات بحرية في الرياض ؟ (http://vb.alhilal.com/t186631.html)

سامفوني

01/01/2005 12:53 PM

وش أحسن مطعم أكلات بحرية في الرياض ؟

السلام وعليكم

أولا أنا عضو جديد معاكم، وإن شاء الله ألقى تجاوب وترحيب منكم في موضوعي..

الله يسلمكم أنا أبغى أعرف وش أحسن مطعم عنده أكلات بحرية مميزة مثل ( كافيار، لابستر، ربيان... إلخ) .. أي مطعم غير <عمو حمزة> لأني جربته خلاص...
وعلى فكرة ماهو شرط يكون متخصص بالأكلات البحرية، والأسعار ما تهم ..

وشكرًا..

المحب لزعيم اسيا

01/01/2005 01:08 PM

البيت (يابيتك واجيك ويابيتي وتجيني)وش قررت (صمغ بوتيكس)

القاضي

01/01/2005 04:46 PM

مارييز في طريق الامير عبدالله .. و مطم ايطالي "لا أذكر اسمه" في شارع التحلية

المحب لزعيم اسيا

01/01/2005 07:22 PM

خلك بس من اي مطعم وركز في المطعم الايطالي في برج المملكة

كـلام وسـلام

01/01/2005 08:23 PM

مارييز في طريق الامير عبدالله .. و مطم ايطالي "لا أذكر اسمه" في شارع التحلية

سامفوني

02/01/2005 08:44 AM

كويس الله يعطيكم العافية يا شباب...

الجبل الأخضر

02/01/2005 02:16 PM

مطعم دارين على طريق الأمير عبدالله مقابل بيتزا هت

عندهم قبقب ب 35 ريال خيالي
والشوربات عندهم مسكته

لكن السعر عالي

انا لوحدي تقريبا 70 ريال

هلالي وان جار الزمن

02/01/2005 05:32 PM

هلا وغلا ...
عندك الريف اللبناني في شارع التحلية ....
وماريز في طريق الامير عبدالله ....
وعندك النافورة في شارع الستين ....

رعبووووووب

02/01/2005 10:04 PM

هلا حبى ...

اولا دارين شارع الامير عبدالله ..

وعندك مطعم الفور سيزون فى برج المملكه .. يوم الاثنين مخصص بوفيه مفتوح للأكلات البحريه ..

وفيه مطعم تعال الصينى .. خلف الحديقه الى فى شارع العليا العام .. الاربعاء والخميس والجمعه بوفيه ..

سامفوني

03/01/2005 02:05 PM

يا سلام عليكم يالهلاليين.. كلكم تعجبوني صراحة s60s

(المحب لزعيم اسيا) .. توني أنتبه لردك ... حياك الله في بيتنا بس تراني ماني مسئول إذا صار فيك شيء :D ... لأن بيني وبينك حنا عزابية وباليالله باليالله نعرف نسوي بيض مقلي .. وإذا أبدعنا شرينا من ( ميد ) وسخنّاه في المايكروييف .. :D

توتي - 2004

03/01/2005 08:29 PM

فيه مطعم أسماك الروضة بالتخصصي

فيرون الرياض

04/01/2005 09:24 AM

فيه تسالي ناصر بحارتنا عندهم تشكن تشيز بالجبن السايل ههههههههههه

خلك في دارين

AbuNasser

04/01/2005 10:29 AM

شوف بلا سمك بلا بطيخ

فى مطعم فى روضه3 .... اذا مانى غلطان اسمه "الكنعانى" او " الكنانى" والله انى ناسى اسمه .... عنده مندى دجاج يحبه قلبك
بس هذا ماينفع تقولى الحين صحن و ملعقه ... على الارض ياخوى و شمر :)

اههههه بس لو يرسلون بره السعوديه :)

falconza

04/01/2005 02:11 PM

مرحبا عزيزي .. :)

بالنسبة لمطاعم المأكولات البحرية ..

عندك مطعم ( النافورة للأسماك ) توه فاتح في رمضان ..
وبصراحة أرى أنه ( انظف وأرقى ) مطعم للمأكولات البحرية في الرياض ..
وأسعاره معقولة جداً .. :)

الموقع : طريق الملك عبدالعزيز .. في الجهة المقابلة لـ إكسترا .. !

أما بالنسبة للفنادق .. فأنا لا أؤيدها .. !
غلاء فاحش .. وأسماك بايته .. :confused: .. !

.

هلالي صميم/ابوزياد

05/01/2005 02:48 AM

تعال للشرقيه وشوف اللي يحبه قلبك ..
من الخبر الى الدمام وانت من اسماك في اسماك وعليك بالصيني ولا شيء غير دارين وسلامتك ..

الوقت المعتمد في المنتدى بتوقيت جرينتش +3.
الوقت الان » 10:53 PM.

الصفحة رقم 1 من 2

عرض 60 مشاركات من هذا الموضوع في صفحة مستقلة