السلام عليكم و رحمة الله وبركاته...
يا شباب توني مشتري دي في دي رايتر و لا أعرف و شلون أستخدمه بالطريقة الصحيحة اللي تعطيه عمر أطول .....
يقول لي راعي المحل لازم تسأل ناس يعرفون له لأن له خصائص كثيرة وحوسة وبلا وجلا ...فقلت ما لي إلا الله ثم الشباب في منتديات الزعيم ...أبعطيكم المواصفات حقته ثم أبسألكم عن بعض الأشياء و أرجو إنكم تضيفون معلومات أيضا من عندكم....
الشركة اسمها LITEON
- DVD+-R/+-RW Drive
with double layer writing
w 8.5GB capacity
DVD+R 16X
DVD-R 12X
DVD+R DL 4X
و الجهاز مكتوب عليه كتبه كبيرة w 16X
حرفw اللي فوق و اللي جنب 8,5 تجاهلوهن حاطهن عشان يقبل جهازي يكتب الأرقام بالانجليزي...
يا شباب وش معنى + و - و وش سالفتهن؟؟!!!
وش أنسب أقراص الدي في دي اللي تصلح لهذا الجهاز ....يعني وش مواصفاتها ووش مكتوب عليها؟؟!!!
كيفية الاستخدام و النسخ عن طريق برنامج النيرو 6.6؟؟!!!
و إذا فيه إضافات من عندكم فياليت تكفون و مشكورييييين مقدما....

شوف .. + و - الفرق بينهم اشياء معينه
- السعر
- سرعة الكتابه
- العمر الافتراضى للقرص
- نوعية الفايلات الى تستخدم معاهم

بالنسبه للافلام .. يمشون مع النوعين

DVD-R DVD+R
هذولى الى تكتب عليهم مره و خلاص

DVD-RW DVD+RW
هذولى الى ممكن تكتب و تمسح على كيفك

بالنسبه لنسخ الافلام ... تحتاج برامج مع NERO

الافلام تجى نوعين ... DVD-5 و DVD-9

DVD-5
هذى يكون حجم الدسك اقل من 4.3 قيقا ... و فقط تحتاج الى برنامج اسمه DVD-Decrypter
هذا البرنامج ينسخ الفايلات الى الكمبيتور ليفك الشفره و الحمايه
بعد البرنامج هذا ... نقدر نحط الفلم على دسك ثانى

DVD-9
هذى يكون حجم الدسك اكبر من 4.3 قيقا ( و غالبا اكثر الافلام تكون من النوعيه هذى )

اولا : لازم نستخدم DVD-Decrypter كما ذكرت
ثانيا عندك خيارين
1- الجهاز الى اشتريته يتعامل مع DL = Dual Layer = دسكات ذو شريحتين
مع العلم انه مايمكنك رؤية الشريحه الثانيه لانها خلف الشريحه الاولى ( DVD-5 هى دسكات من شريحه واحده )
فتقدر تشترى دسكات فاضيه من نوع الشريحتين ( Dual Layer ) و تنسخ الفلم عليهم ... مع العلم ان اسعار الشريحتين بيكون غالى

2- تسوى ضغط للفلم (جودة الفلم رايح تنقص الى حد مقبول) و ننسخ الفلم على دسكات من نوع شريحه واحده

DVD-Decrypter و DVD-Shrink و DVD-Lab احتمال كبير انك تحتاجهم كلهم ... و هى برامج مجانيه
وانا ناوى اسوى شرح مفصل مع الصور لكيفية استخدامهم ... خلا اسبوع الى 10 ايام بالكثير

وشى افضل دسكات فى السوق ... كونى خارج السعوديه ولى فتره عن سوق الكمبيوتر .. فيمكن غيرى يساعدك

مشكووووووووووووووووووور أخوي و ما قصرت .............
ولو إني ما فهمت شيء لكن على العموم جزاك الله خير على المعلومات هذي ...
و في الحقيقة أنا لا أبي أنسخ أفلام و لا شيء...
كل القضية عندي شوية أفلام على الجهاز منزلها من كاميرة الفديو و أبغى أحولها على قرص دي في دي ..... :sad:
بس المشكلة وش لووووووون .....
أنا بانتظار ردك....أخوي أو أي شخص آخر.... وشكرا..

هذى خلفيه عن الدى فى دى

بالنسبه للافلام هذى الى عندك ... تبغى تحفظها على دى فى دى فقط (و تتفرج عليها من خلال استعمال الكمبيوتر ) ؟ والا تبغى تحفظها و لمن تحطها فى دى فى دى بلاير يعرضها ؟؟ ( اقصد جهاز دى فى دى مستقل و التلفزيون )

أخوي أبو ناصر معلييييييييييييش عالتأخير .....
أبغى لمن أحطها في ( دي في دي ) بلاير تشتغل ...يعني جهاز مستقل ...
ما أبغى أشوفها عن طريق الكمبيوتر..

الفايلات هذى لازم تنحط على الدى فى دى بطريقه معينه علشان ممكن جهاز دى فى دى يقدر يشغلها

بعض الاجهزه (الجديده) فيها امكانية تشغيل افلام avi - mpg - mpeg

اذا الجهاز الى عندك مافيه الامكانيه هذى ... لازم تعلمنا نوعية الفايلات
هل هى :
avi.
mpg.
mpeg.
ra.
ram.

اخوي ابو ناصر.. وش افضل انواع الدي في ديهات

وكم يكلف تركيبه عالجهاز ؟؟؟

تحياتي لك

افضل انواع الدى فى دى ( دسك والا جهاز ) ؟؟
زى ما قلت, ... كونى خارج السعوديه ولى فتره عن سوق الكمبيوتر .. فيمكن غيرى يساعدك ... ايضا الانواع الى استعملها يمكن غير موجوده فى السعوديه

مانى فاهم قصدك "كم يكلف تركيبه على الجهاز" ؟؟!!
اجهزة الدى فى دى زى اجهزة الفديو العاديه ... مهب شى تركبه على جهاز الفديو

أخوي انا مرة بغيت اشغل دي في دي على جهازي فواحد قالي ما تقدر تشغله اذا ما عندك دي في دي درايف

يعني الافلام اللي تشتغل على جهازي هي من نوع Vcd

والله حيرتنى معاك

"يا شباب توني مشتري دي في دي رايتر" .... هذا يعنى عندك الحين دى فى دى درايف

و بعدين تقول

"أبغى لمن أحطها في ( دي في دي ) بلاير تشتغل ...يعني جهاز مستقل ...
ما أبغى أشوفها عن طريق الكمبيوتر"
يعنى تبغاها تشتغل على جهاز دى فى دى موصول بالتلفزيون

هل تبغى تشوفهم على جهاز الكمبيوتر والا التلفزيون !!؟

أخوي ( أبو ناصر) ياليت تركز على الأسامي ...خخخخخخخخخخ
قمت تهاوشني و أنا ما لي دخل....فيه واحد خش معنا يبي يستفيد....وهو الأخ ( الصدر الحنون ) :p
أخوي .....أنت تكلمني و كأني فاهم....تراي ما عندك أحد ....وش لون أعرف نهاية الملف ....هل هو avi
mpg
mpeg
أو أو أو .....الخ.
مع العلم إن الجهاز اللي عندي فيه خاصية تشغيل جميع كل أبو شيء ( وش رايك في صيغة التعميم الجديدة )
......

والله انى ما انتبهت ... الصدر الحنون داخلى عرض ولا اشاره و لا احم

اذا الجهاز الى عندك يشغل اى شى ... راح ترتاح ... بس ترى مايشغلون افلام الريال بلاير
اول شى جرب مع سى دى ... حط عليه اى فلم و جرب مع جهازك .. اذا اشتغل ... سوى نفس الشى مع الدى فى دى
حط الافلام عليه كانك تحط فايلات عاديه على سى دى

على الفايلات تبع الافلام ... اضغط بالزر الايمن للماوس و اختار (Properties) .. اخر اختيار فى القائمه
بتشوف اسم الفايل كامل و تقدر تعرف نوعيته

-----

الصدر الحنون ... اتوقع انك تقصد جهاز دى فى دى تحطه فى الكمبيوتر ؟؟؟

ايه اخوي جهازي دي في دي اركبه عالكمبيوتر

عموما انا سالت واحد وقالي بيكلف 115 ريال ماادري اذا السعر مناسب او لا..

تحياتي لك

ما ادرى عن اسعار السوق فى السعوديه

الله يعطيييييييييييييييك ألف ألف عافية أخوي ( أبو ناصر ) و ما قصرت جعل ربي يوفقك...( خخخ دعوة حريم )