انظروا ماذا حصل لي يوم الاربعاء في الكلية - نادي الهلال السعودي - شبكة الزعيم

عشيقة الهلال · #1 04/05/2001, 05:44 PM

سلام
ودي اقص عليكم قصة واقيعية عايشتها يوم الأربعاء في الكلية وهي بالتفصيل صحيح انها طويلة شوي ولكن سا محوني.
يوم الاربعاء دخلت في نقاش حاد مع احدى الزميلات العزاز فعلاً ولكن الشي الي ما بعجبني فيها انها نصراوية ماعلينا ، نكمل امهم دخلنا في نقاش حول الهلال والنصر .. هية تقول النصر افضل وانا اقول الهلال افضل ، دخلت معنا في النقاش زميلة اخرى بس انها شبابية وقالت بس النصر افضل من الهلال ودايم النصر ينظلم من التحكيم امام الهلال قلتلها ايش دخلك والا يعني ضحكتوا على النصر بالداود وفواد والمهلل تجي تدافعي عنهم .
تدرون ماذا قالت المسكينة تقول ايش رايك في الشباب قلتلها الشباب ما عندك احد قالت بلعكس الشباب فريق بطولات قلت وشي البطولات قالت بسم الله عليها حافظة بطولاته تقول الشباب حقق كاس ولي العد 4 مرات حتى انا بسم الله علية حافظة بطولات الهلال قلتلها والهلال حققها 3 مرات قالت الشباب حقق بطولة الدوري 3 مرات متتالية قلتلها الهلال جابها 8 مرات قالت الشباب حقق كاس الامير فيصل مرتين قلتلها الهلال جابه5 مرات قالت الشباب حقق بطولة الخليج مرتين قلت والهلال مرتين قالت الشباب حقق كاس البطولة العربية مرتين قلت والهلال مرتين قالت يوه الشباب حقق النخبة مرتين قلتلها والهلال حققها مرة واحدة قالت بس قلت لا ياشاطرة الهلال حقق بطولات لم يحققها الشباب ولا يحلم فالت مثل ايش قلت كاس الملك 6 مرات كاس الكؤوس العربية مرة واحدة كاس اسيا ابطال الدوري مرتين وابطال الكؤوس مرة واحدة والوبر مرتين والمؤسس مرة واحدة كفاية والا ازيد قالت بس الشباب عندة بطولة اسيا بعد اقل من شهر قلت مسكينة اسيا الهلال عندة كاس العالم كاس العالم كاس العالم .
قالت طيب لية تخلون النصراويين يتكلمون عليكم قلتلها الكلاب تنبح والقافلة تسير قالت بس يقولون انكم العقيم يعني الي ما عندة عيال وان بطولاتكم حرام قلتلها هم يبغوا يقولون الزعيم ونسيو وقالوا العقيم غلطة وعديناها قالت طيب ابغى اكون هلالية مثلك بس اخاف يضحكون عليةالبنات وبالذات فلانه النصراوية قلتلها بسيطة قولي لهم غلطة وموعيب ان الانسان يغلط ولكن العيب ان يستمر في غلطة .
ومن يوم الأربعاء وهية هلالية والله يهدي الباقين ، قولوا امين.
اما النصراوية انحاشت والله بعد ماقلت كاس النخبة ماشفتها . وبس
ايش رايكم فية بنت كفو والا لا .

[عدلت بواسطة ادارة الموقع التاريخ:04-05-2001 الساعة: 05:49 PM]

سهل · #2 04/05/2001, 05:58 PM

كيــــف كــــوذيه
ليش
تخلين
النصراويه
تروح
ااااهـ
كان شديتيها من شعرها
وبطحتيها على الارض
ووريتيها شغل الله
لين تتوب
--------------------------------
احمد لله اني مسلم
وهلالي

ابوسليمان · #3 04/05/2001, 06:06 PM

الله يرحم ضعفس انت وخويتس00 شدن حيلكن بالدراسه وعن البربسه00نسواننا مالهن والكوره الهن بالمطابخ وبيضن الوجه لاجاكم أضيوف00
عساس فهمتي00

romeo · #4 04/05/2001, 07:36 PM

الـــسلام عليكم؛
مـــاشــاء الله عليكى
بس احلى شيء" القافله تســـير والكلاب تنبح" هذا عين العقل

زعيم آسيا · #5 04/05/2001, 07:59 PM

,والله قصه حلوة ولرهيبه وسله ياشباب نحاول نصير عشيقه الهلال ونخليهم يشجعون الهلال .؟

حساس · #6 04/05/2001, 08:28 PM

بعد التحية لك وللجميع ,,, ومع أحترامي ,,,
قولي للشبابية يوم السبت حتى النهضة والقادسية بعد حاصلين على بطولات إذا كانت باللي حاصل على بطولةأما إذا بتقارن بطولات الشباب بالهلال ؟
الشباب والنصر لو جمعوا بطولاتهم مع بعض ما عادلو الهلال في بطولاته الهلال ويــــن والباقين وين الفرق واجد ؟
وبالنسبة لخويتك النصراوية أقروا عليها الله يشفيها إن شاء الله وترجع لصوابها المهم أخبر لها مطوع من نادي الشعلة في الخرج إذا ودها تقرا على نفسها قبل لا يضيع شبابها ثم تتحسف بعدين .
ولكم تحياتي ,,,
[عدلت بواسطة سلطان العبدالعزيز التاريخ:04-05-2001 الساعة: 08:31 PM]

عاشقة الهــلال · #7 04/05/2001, 08:30 PM

والله يا اختي.. نقابل من كذا كثير...
بس الفوز في الملعب...
مشكوووورة.. والله يعينك....
انا كل اللي معي.. اهلاويين واتحاديين...
الله لنا...

ابو هلال · #8 04/05/2001, 08:58 PM

والله كفو

سديراوي · #9 04/05/2001, 09:13 PM

والله أنا رايي ما ل حريمنا وما ل الكورة ؟
خلو الكورة لأهلها واشتغلوا باللي يصلح لكم

مخاوي الأزرق · #10 04/05/2001, 11:03 PM

الأ النصراويه وش عنده وانا ماذبحني الأ اللي يقول جمهور ( النثر ) اكثر من

جمهور الزعيم ، ياناس ترى ترك السفيه اريح وابرك

عبير الهلال · #11 05/05/2001, 03:40 AM

حلو مرررررره اسلوبك في الرد.... والله انك عسل......

واقول لا تسمعين نصيحة اخينا العزيزsahl888 تراه يبي يضيع مستقبلك.....

وانا بصراحه ماعندي الا الاتحاديات والاهلاويات واولهن حبيباتي الهلاليات.....
اما النثر ما عندك احد وياليتني القى واحده فيهن والله لااوريها شغلها.....بس القاها..
اقول شدي حيلك في الدراسه نبيك تبيضين وجوهنا وتجين احسن من النثراويه...
الي ااكد ان كل اسبوع غايبه يوم والا اثنين من الفشايل الي يشوفونها من فريقهم...