ممكن مساعدة ...؟ - نادي الهلال السعودي - شبكة الزعيم

مجنون الهلال الدولي · #1 25/12/2004, 11:52 PM

هلا والله شباب

مبروك البطولة 41

وعقبال الدوري وكأس ولي العهد و العرب

والوعد الخميس قدام الإتحاد لازم الحضور Fullllllll

اخواني ممكن توصفون لي مكان نادي الهلال بشكل دقييق

علما بإني من سكان شمال الرياض

وهل يسمح للجماهير بحضور التمارين الهلالية ...؟

ولكم فائق إحترامي و تقديري

تاجر صديق · #2 26/12/2004, 12:35 AM

صحيح والله وين النادي بالظبط ؟؟!!

ياسيدهم وينك · #3 26/12/2004, 01:34 PM

النادي في العريجا الحقيقه ودي اساعدك بس مااعرف شوارعهم .

هلالي جدا · #4 26/12/2004, 01:45 PM

شف الله يسلمك ..

وأنت ماشي بطريق العليا رايح جنوب .. تجيك المملكة على اليمين .. تعداها <-- وين يبي يروح

بتجيك الإشارة اللي بعدها اللي هي موسى بن نصير

اوقف عندها إذا صارت حمرا

.. وامش اذا صارت خضراء ..

انت معي ؟؟؟

<-- اقول خلصنا

المهم اذا مشيت يمكن 50 متر أو 100 متر .. على حسب الدقة

تلقى على اليمين :

مكتبة جرير والله العالم :p ..

ادخل وقل الله لايهينكم أبي خريطة الفارسي

خذها ودبر عمرك

<-- اقول لايكثر

أبو ميار · #5 26/12/2004, 08:47 PM

والله شوف أنا أبوصفلك بس مع طريق بعيد بس هذا اللي أدله

أمسك طريق خريص ولا تروح لا يمين ولا يسار

بيجيك على يسارك قصر اليمامه تعداه وبيجيك لوحة مكتوب فيها وادي لبن اتركها وبيجيك الجسر المعلق على يسارك أنت لا يهمك روح سيدا

المهمك بيجيك كوبري مكتوب على اللوحة اللي قبله العريجا

أطلع الكبري وروح يسار

ونفس الكلام سيدا سيدا سيدا وبتجيك أكثر من ثلاث إشارات

المهم بينتهي فيك الخط وبيجيك إجباري يمين

وأول ماتروح يمين بتجيك اشارة يمكن 300 متر أنت روح يسار وامش تقريا ثلاث اشارات وتحصل نادي الهلال على يمينك

وبالنسبة لدخول الجماهير

أكيد يوافقون اذا ما جاء منع من المدرب والدخول بــ10 ريال وتقدر تسلم على اللاعبين عند مواقف سياراتهم

مجنون الهلال الدولي · #6 27/12/2004, 11:48 AM

مشكوروين اخواني على المساعدة .

ومشكوور اخوي مولع بالهلال على التوصيف

وإن شاء الله القاه

ولكم فائق إحترامي وتقديري