شباب قولولي مبروك .............وعقبال عندكم - نادي الهلال السعودي - شبكة الزعيم

المتنبي · #1 06/05/2001, 09:56 PM

ابشركم يا شباب
جاني ولد يوم الخميس اللي قبل الماضي بس انه جاء في الشهر الثامن
وقلت منيب مبشركم الا الين يقوم بالسلامه ويطلع من المستشفى واليوم
الحمد لله طلع بصحه وعافيه .
وعلى طول قلت ابشركم يا احلى اعضاء

عقبالكم يا شباب والله يرزقنا بالذريه الصالحه

The Polite · #2 06/05/2001, 10:06 PM

الاخ العزيز/ المتنبي
السلام عليكم ورحمة الله وبركاته

"رزقك الله شكر الواهب وبر الموهوب".

اللهم اجعله صالحاً مُصلحاً ومن حملة كتابك والداعين الى هداك, اللهم واقر به اعين والديه واجعله باراً بهما, اللهم وامد في عمر والديه على طاعتك حتى يشهدوا زواج احفاد احفاده يارب.

ولك تحياتي......

RAID2001 · #3 06/05/2001, 10:10 PM

مبروك والحمدلله على سلامته الله يجعله من الذريه الصالحه ..................ووش سميته نرى عندي له اسم حلو..........

J.A.J · #4 06/05/2001, 10:20 PM

المتنبي@@@ ألف مبروك وعقبال ماتزوجه أن شاء الله .

مبروك ياهلال زادو جماهيرك بواحد جديد صعنون يهبل الله يخليه لوالديه أمين .

ياألمتنبي### لاتنسانا أذا كان فيه مفاطيح هلاليه .

[عدلت بواسطة J.A.J التاريخ:06-05-2001 الساعة: 10:22 PM]

scream · #5 07/05/2001, 12:30 AM

مبروك و يتربى في عز والديه ان شاء الله

عبدالله الموكاء · #6 07/05/2001, 12:41 AM

الف الف مليون مبروك .

علشان كذا ذابحنا بالمواضيع و التصاميم الحلوة . الأخ فاضي هاليومين .

Omar 13 · #7 07/05/2001, 01:09 AM

ألف ألف مبروك يا أخوي المتنبي

وعقبال ماتفرح بزواج عيال عيالك والله يصلحه ويهديه ويخليه لعين ترجيه

عاشق النمر · #8 07/05/2001, 02:05 AM

الف الف الف مبروك والحمدلله على السلامه

جعلي اشوفك شايل عيالك في نقل جماعي ( خط البلده ) دورين من كثرهم قل آمين

إلا على فكره وش سميته عشان نقولك يا ابو فلان

وبلغ تحياتي للمعزبه ( واحد يمون )

ابراهيم النجيدي · #9 07/05/2001, 02:31 AM

مبروك اللافي يالمتنبي ,,,

الله يعطيك خيره ويكفيك شره ,,,

<=== وش يبي ذا

,,,

سمه ابراهيم وأبشر بالخير ,,,

والحمدلله على سلامة الجميع ,,,

تحياتي لك ,,,

أبو ناصر · #10 07/05/2001, 02:54 AM

الف مبروك ... والحمدلله على سلامته ...

وجعله ان شاء الله باااااار بوالديه .. وعسى الله ينفع به ..

جابر عثرات الهلال · #11 07/05/2001, 08:30 AM

السلام عليكم : الف مبروك ...يتربى في عزك ...الله يخليه ويحفظه لاهله ...والحمد لله على سلامه المعزبه

(الا وش سميته؟؟

)

تحياتي & اشواقي

شاعر الهلال · #12 07/05/2001, 03:39 PM

ألف ألف مبروك يالمتنبي .

والله يجعله عبدٍ صالح..

المتنبي · #13 07/05/2001, 04:53 PM

الله يبارك فيكم ياشباب
والله شي موب مستغرب منكم وعقبال ما اباركلكم واحد واحد

العزيز polite شكرا لك
العزيز raid2001 الله يسلمك والف شكر
الأخ العزيز J.A.J الله يبارك فيك وابشر بسعدك انت باق الأعضاء
العزيز scream عقبالك انشاء الله
الأخ العزيز عبدالله الله يبارك فيك والله انك صادق بس ترى بخلي الولد اذا كبر يبذك بالأسئله انت وعيالك ههههههه
الأخ العزيز الزعيم الهلالي الله يبارك فيك وعقبال ما نفرح بزواجك واذا كنت متزوج بالثانيه هههههههه
الأخ العزيز عاشق النمر ما تخلي عنك الطنازه هههه جعلي اشوفك انت وحريمك الأربع واقفين عند السياره وتتهاوشون عشان من اللي يركب قدام معك هههههههه
الأخ ابراهيم النجيدي والله انك صادق الله يعطيني خيره ويكفيني شره . والف شكر
الأخ العزيز ابو ناصر الله يخليك
الأخ العزيز جابر عثرات الهلال الله يبارك فيك
الأخ العزيز شاعر الهلال الله يبارك فيك. وترى انا ما ارضى الا بقصيده.

شكرا لكم جميعا وتراني سميته

انور

على اسم عمه اللي هو اخوي

وش رايكم

عزيز الهلال · #14 07/05/2001, 05:06 PM

مبروك والف مبروك يتربى في عزك

الحريف · #15 07/05/2001, 07:05 PM

سلام

الف مبروك يابو انور

ولا تنسى انا اول واحد في المنتدى يقولك يابو انور