نداء و رجاء لخوي الفيصل الهلالي - نادي الهلال السعودي - شبكة الزعيم

المـ الأزرق ـوج · #1 06/12/2004, 02:21 PM

اخوي الفيصل الهلالي لي طلب ولو كلفت عليك ياحبيب قلبي .

انا اعتقد انك شاهدت مباراه برشلونه الأخيره وشاهدت حركه رونالدينو اللي حط الكوره بقدمه من الخارج ( الجانب الخارجي من القدم )وهو ينظر للجهه المعاكسه ، انا شاهدت اللاعب الفذ يوسف الثنيان مسوي هالحركه عده مرات ،اذا ماكلفت عليك ابي كم لقطه من هاللقطات ((الله يرحم والديك لاتردني .. ترى فيها حق على نصراوي يقول اول مره اشوفها بالملاعب )) .

ارجو من الأخوه المساعده بتحديد المباريات وتوارخها وامام من كانت لتسهيل المهمه على اخونا الفيصل الهلالي .

ياسيدهم وينك · #2 07/12/2004, 12:59 PM

للرفع للفيصل الهلالي وشكرا .

المـ الأزرق ـوج · #3 07/12/2004, 02:47 PM

اخوي ياسيدهم وينك ...... رفع الله قدرك .

اخواني ارجو التفاعل الموضوع مهم بالنسبه لي .

المـ الأزرق ـوج · #4 08/12/2004, 04:46 PM

الفيصل الهلالي ممكن الردعلى الموضوع ( ادري كلفت عليك اخوي )

المـ الأزرق ـوج · #5 10/12/2004, 04:13 PM

اخواني ارجو رفع الموضوع حتى يتمكن الأخ الصوت الهلالي مجرد الرد فقط على الموضوع.

اخوي الفيصل الهلالي ماهقيتها منك ولا حتى كلمه ( اسف ماحصلت اللقطه المطلوبه ) .

Dr.M · #6 10/12/2004, 04:30 PM

أنا أتمنى من كل قلبي أني أشوف هذه اللقطة

ويا ليت تساعدونا يا جماعة إذا أحد عنده هذه اللقطة

وأنا ودي أساعدك واساعد اخوي الفيصل الهلالي ولكني بصراحة أول مرة أسمع عنها
وماهي غريبة على الأسطورة الأعجوبة يوسف الثنيان

الفيصل الهلالي · #7 10/12/2004, 05:12 PM

هلا عزيزي مخاوي الموج الأزرق

هذا ملف فيديو فيه بعض اللمحات المهارية للفيلسوف

و ان شاء الله تكون اللقطة اللي طلبتها من ضمنها لاني ما شفت لقطة رونالدينهو

لمشاهدة الملف :: اضغط هنا ::

تحياتي لك و المعذرة لتاخري بالرد .. ( الاتصال عندي سيء جداً

)

أبو ميار · #8 11/12/2004, 07:36 AM

أخوي الفيصل يعطيك العافية والله انك قدها وبعدين أخوي مخاوي الموج الازرق وينك الفيصل رد عليك

علمنا انت اخذت الحق والا لا

المـ الأزرق ـوج · #9 11/12/2004, 07:56 AM

اخوي Dr.M تسلم على المرور والمشاركه والشعور الطيب الأخوي والله يبارك فيك .

اخوي وحبيب قلبي والله الصوت الهلالي .

إقتباس


	هلا عزيزي مخاوي الموج الأزرق هذا ملف فيديو فيه بعض اللمحات المهارية للفيلسوف و ان شاء الله تكون اللقطة اللي طلبتها من ضمنها لاني ما شفت لقطة رونالدينهو

اللقطه المطلوبه غير موجوده .

إقتباس


	تحياتي لك و المعذرة لتاخري بالرد .. ( الاتصال عندي سيء جداً )

لاتعذر مني مجرد مرورك و ردك على موضوعي فخر لي واناخوك ، على فكره انا عازمك على جهازي

الأتصال والسرعه

.
انا ابي ادور على المباراه والنتيجه ومع من كانت وابلغك انشاء الله .
ومشكور الف الف مره على تجاوبك يامشرفنا العزيز والله يكثر من امثالك .

Dr.M · #10 13/12/2004, 10:11 PM

أشكرك اخوي مخاوي الموج الأزرق

أنا بصراحة بساعد باللي اقدر عليه انا لقيت لقطة رونالدينيو المطلوبه بتنفيذ رونالدينيو نفسه
أتمنى يشوفها اخوي العزيز الفيصل الهلالي لعل وعسى يعرف اللقطة ويتذكر مباراة سواها الفيلسوف فيها

"الملف المرفق هي لقطة رونالدينيو أيام باريس سان جرمان"

مع محبتي

المـ الأزرق ـوج · #11 20/12/2004, 02:12 AM

اخوي Dr.M تسلم على التفاعل والمشاركه ....... اخوي اللقطه المرفقه في مشاركتك ليست الحركه المقصوده ومشكور مره اخرى .

الهلالي بو نواف · #12 20/12/2004, 02:31 AM

الله مير يعزك يابو يعقوب

يابوي وش جاب حقكم رونالدينهو بالثنيان

الثنيان من عجائب الدنيا

الثنيان كله بركه

خــــرجــــاوي · #13 20/12/2004, 02:57 AM

إقتباس

الرسالة الأصلية كتبت بواسطة الهلالي بو نواف


	الله مير يعزك يابو يعقوب يابوي وش جاب حقكم رونالدينهو بالثنيان الثنيان من عجائب الدنيا الثنيان كله بركه

صار زمزم مهوب الثنيان