ابوطبيع مايخلي طبعه ياناصر الاحمد يحكه لسانه اذا ماسب لاعبين الهلال المحترفين !! يأنبه ضميره اذا ماجلس يقطع أي محترف للهلال . وليته انتقاد على سنع بل اصبح تريقه واستهزاء بكماتشو . عندما رفع اكثر من ركنيه قال الاحمد . والله حتى زيدان مايرفع كل الكور ولا بيكهام بعد !! يعني تستخف دمك ولا تحاول تتريق على لاعبينا . لا واللي جمبه النايم يوسف خميس . شرشح الهلال من الى والاحمد يهز رأسه ويقول كلامك صحيح يابوسعد !! مااقول الا ياحسوفة هالاشتراك عليكم والله ان العدوان ابرك منكم مع ان كتمة الصوت ابرك منكم كلكم !! انا اتمنى من ادارة الهلال رفع احتجاج رسمي لقناة اوربت على ناصر الاحمد لانه من ايام بصير وهو ماخلى لاعب هلالي الا وشرشحه والمشكله ليتها على سنع والله انه من جمبها . فأتمنى تقدم احتجاج اما يكفنا شره ولا يطلب الهلال تكليف معلق آخر غير الاحمد وانا والله اؤيد تكليف معلق آخر لانه صار يتفلسف واجد ويحكي انجليزي وبارد اكثر من جو الرياض !! * باكيتا حاقها الشوط الاول وعدل اخطاءه في الشوط الثاني ففاز الهلال !! |
صحيح ان اجانبنا لك عليهم بس اذا الكلام الي قلته صحيح ماينسكت عليه لازم شكوى |
الساهر . ليته ينتقد بأدب واحترام مع اننا نعرف وجهة نظره لو نجيب رونالدو راح يقول تعبنا وحنا نقول فاشل يارونالدو !!! غير كذا ماخلى في الهلال شيء الا وشرشحه يعني اسد على الهلال .. و .... مع الاصفرين !! |
ناصر الاحمد ذو ميول هلالية , وإن تهجم على كماتشو في الشوط الاول معه حق كماتشو كان يرفع كرات كثيرة سهلة على المدافعين , بس الشوط الثاني كماتشو تحسن ومااظن الاحمد قدر ينتقده . عموما انا تفرجت عالرياضية السعودية وترى همنا الاكبر فريقنا , مو شكاوي وكلام فاضي تبينا نصير مثل الفريق الجار الجائر ;) تحياتي |
والله ياخي ناصر من افضل المعلقين وكماتشو عيوبه واجد واقل من مميزاته ليه نكابر؟؟ |
وترى همنا الاكبر فريقنا , مو شكاوي وكلام فاضي تبينا نصير مثل الفريق الجار الجائر صح |
ماحنا ناقصين شكاوي |
اذا صار الهلال مهزوم وكان ناصر الاحمد يعلق مااحب اسمعه لانه يصير كل شى فى الهلال غلط الخطه والتعاقد مع اللاعبين وكل شى عن الهلال غلط ويرفع ضغطى يعنى ماينظر الى نهايه المباراه والزعيم مو اول مره يسويها ويقلب النتيجه فى الضائع لكن ناصر الاحمد مايعترف باهالشى بل يحبطك ولا يخلى عندك ذره تفائل معلق انهزامى من الدرجه الاولى |
وش رايكم بتعليق رجا الله السلمي انا معجبني بصراحة |
بصراحه انا مشترك باوربت بس عشان الاحمد ولو ادري انه طلع من اوربت الغيت اشتراكي بصراحه ناصر مبدع مبدع مبدع وفااااااااااهم بالكوره وتكفيني كلمته الماثوره في ابو يعقوب (( كمبيوتر ماشاء الله )) <<------- ترن في اذني |
والله انه معاه حق كماتشو فعلا كديش ولا يستحق يلبس شعار الهلال |
عادي أخوي بالعكس ناصر الأحمد معلق ممتاز يمكن كماتشو رفع ضغطه كل الكرات الثابته هو اللي يلعبها من غير أن نستفيد منها ولكن والله الشرهه بصراحه على يوسف خميس في كذا مباراة للهلال وهو يقلل من مستوى الفريق ولاعبين الهلال وكلامه الي صدق يرفع الضغط |
الوقت المعتمد في المنتدى بتوقيت جرينتش +3.
الوقت الان » 11:59 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd