جورج بوش
سلام رديه على حاكم الصين .... بالخير ياراعي النظام الشيوعي

ياجيانق بن زيمن نبى معك قافين .... والبرق عانه في المخايل يزوعي

جاينق زيمن

يامرحبا ياقايد الغرب واهلين .... ترحيبتن ترضي غفير الجموعي

البرق عانه يبرق يسار ويمين .... يوم الرعد حدر السحايب يروعي

جورج بوش

ماجيتنا ليلة لفونا المهنين .... يومن واشنطن تشب الشموعي

ليلة حكمت الكون في عام الالفين .... جوني هل الطالات غصبن وطوعي

جيانق زيمن

ارسلت لك يابن النشامى خطابين .... جت لك مناديبي تبارك فزوعي

وانا حكمت الشرق من عام سبعين .... ما اعلنت للحكام قبلك خضوعي

جورج بوش

انته تحسب الكون باقي بقطبين .... الراسماليه وطت كل شوعي

يانايم اصحى مرت اعوام وسنين ....ماعاد فيها يابن زيمن رجوعي

جيانق زيمن

يابوش حنا بالسياسه ملمين .... ومن دون هيبتنا بنينا الدروعي

ليتك تحل المشكله في فلسطين .... عز الله ان ابوك ماهو طقوعي

جورج بوش

ياجيانق انا طوفت وحده وثنتين .... والثالثه بتكون بين الضلوعي

الطايره وش علمها فالها شين .... اللي لها بحماك حول السبوعي

جيانق زيمن

الطايره ماردها غير بكين .... جانا يقالبها خبيث الطبوعي

وين احترام الانظمه والقوانين .... مثلك عن سلوم الدول مايتوعي

جورج بوش

ماهيب يمك رايحه للفلبين .... فوق المحيط الها نزول وطلوعي

مار اعترضتوا دربها يالشياطين .... عز الله اني من سواتك جزوعي

جيانق زيمن

يابوش يابن بوش تلعب على مين .... ماهوب انا اللي بالكلام مخدوعي

يابوش وطتها في الارض الشياهين .... كانت تجسس وهزعتها هزوعي

جورج بوش

هات الادله كان عندك براهين .... يومك تقول ارخت علاك السموعي

مخطين ياهل الصين منتم بمقدين .... وشيهانكم عود غرابن خروعي

جيانق زيمن

ركابها يابوش خمسه وعشرين .... عسكر من الجيش النظامي نزوعي

حاصرتهم يابوش بالجيم والسين .... حتى خذيت العلم منهم قطوعي

جورج بوش وهو يضحك ..

عينت طيارك غدا راسه طحين .... وامه على قبره تهل الدموعي

الطايره ترجع لنا بعد يومين .... اخذ الكلام ولاتطول تعوعي

جيانق زيمن

خل العلوم قصار واسمع لنا زين .... عسكرك جولك يالسنافي رجوعي

والطايره لاعاد تنشد لها وين .... راحت ديه في واحدن من ربوعي

وسلامتكم ..

تسلم والله على هالمحاوره الجميله...

والله ضحكت كثير وانا اتخيلهم يتحاورون :)
مشكور يا حبي تيماوي..

الله يسلمك من كل شر يالغالي..

ايش رائك في تصميمك اليوم نزلتهم في توقيعي .. تسلم والله على العمل الروعة لكن تدري انا بقول للشباب اللي يبي تصميم حلو لتوقيعه عليه بغانم...

صح لسانك اخوي حبي تيماوي , والله قصديه حلوه ..,,,,,,,,,و

صح بدنك اخوي عاشق النجاة ان شاء الله ( ليه العثرات )

اخوي..

انا كلي فخر انه اعجبك وانا تحت امر الشباب..
اذا ما خدمناكم من نخدم اجل..