اخوكم ناوي يشتري سيارة وشتصحونه فيه - نادي الهلال السعودي - شبكة الزعيم

هلالي$الدمام · #1 03/04/2005, 02:53 PM

السلام عليكم ورحمة الله وبركاته

ناوي ان شاء الله اشتري سيارة ولكن الحيرة والتفكير ذبحنا بين الكراون فكتوريا والبليزر والتيما والاكورد.

اي شخص لديه معلومات عن السيارات المذكوره يوضح لنا ومشكورين على مروركم على الموضوع

زعـيـمـهــم كـلــهـم · #2 03/04/2005, 03:16 PM

الفكتوريا واسعه والكورد حلوه والألتمى صغيره بس سعر الألتملى معقول مره

بيكهام 7 حماني؟؟؟ · #3 03/04/2005, 08:05 PM

أخوي أنصحك تشتري ألتيما

لأن يوجد لها قطع قيار و أسعارها معقولة و هي السيارة سعرها معقول و سيارا محترمة الصراحة و شكلها الخارجي و الداخلي حلو و مشكور

زعـيـمـهــم كـلــهـم · #4 03/04/2005, 08:26 PM

بيكهام 7 يا حبك للألتما لايكون عندك ألتما ولا بأزعل لأن مدحك في الألتما واجدلايكون تزعل

زعـيـمـهــم كـلــهـم · #5 03/04/2005, 08:27 PM

لايكون تزعل هاه

;)

كان هنا · #6 03/04/2005, 08:37 PM

بليزر ياشييييييييييييييييييييييييييخ

هلالي كاتلوني · #7 03/04/2005, 10:06 PM

بليزر

علوش15 · #8 04/04/2005, 12:08 AM

الاكورد,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,وبس

عاشق الذئب sam 6 · #9 04/04/2005, 12:12 AM

بليزر

زعـيـمـهــم كـلــهـم · #10 04/04/2005, 02:50 PM

كوووووووووووووووووووووووووووووووووووووووووووووووووور

وبس

هلالي$الدمام · #11 05/04/2005, 01:33 PM

اشكركم على المرو وان شاء الله اول ماقتني السيارة خبركم.

دعواتكم لنا بالتوفيق

ولد وايل · #12 05/04/2005, 06:23 PM

[align=center]اخوي هلالي الدمام مسيك بالخير ودي اتفلسف عليك شوي

خل نفرض انك راح تشتري الفل كامل :

(( الفكتوريا ))

مميزاتها :
وسيعه - اقتصاديه - مريحه وخصوصا في الخطوط الطويله - مكيف ممتاز - قطع الغيار رخيصه بشكل ماتتصور طبعا انا اقصد القطع المستهله مثل الفحمات والسيور والهوبات وغيره - سعرها معقول جدا
مايحتاج انك توديها للوكاله - تمسك سعرها عند البيع

عيوبها :
الشكل قديم - عيبها ثلاجة التكييف من البلاستيك احيانا ماتتحمل الحرارة - النور الامامي ضعيف نوعا ما - مهيب راسيه بصراحه - وكيلها نوعا ما لك عليه شوي

(( الهوندا ))

مميزاتها :
شكل جديد - تصميم رائع - مواصفاتها ممتازه بالنسبه لسيارة من فئتها - والهوندا مايعلى عليها في الخطوط الطويله - سعرها معقول نوعا ما في السته سلندر الفل كامل - تمسك سعرها عند البيع بشكل قوي - تكفيك انها ماركة هوندا

عيوبها :
قطع غيار غاليه - صوت المكينه مزعج اذا كان الار بي ام عالي - صوت الهوا في السرعات العاليه

(( البليزر ))
بصراحه معاندي خلفيه عنه ولكن من عيوب الامريكي بصراحه السياره تتفك من داخل
وغير كذا يعني لاراح ينفعك في البر وكبر على غير سنع ولاتنسى وكالته بصراحه الكل يشتكي منها قطع الغيار النادره ماتحصلها واذا طلبتها ماتجيك الا بعد شهور ةهذا فعلا حاصل من الوكيل سواءا الجميح او العيسى مااخس من قذيذ الا عسفان

(( الالتيما ))
مميزاتها :
موديل جديد - تصميم عصري - انظمة تعليق مستقل - وهذي اول مره تسويها نيسان ماعدا سيارات انفنتي طبعا - مكينه السته سلندر قويه ونفس مكينه الزد - وكيل ممتاز

عيوبها :
اولا سعرها بصراحه مبالغ فيه خصوصا الفل كامل - البودي خفيف مره وبصاحه مافيه توازن بينه وبين قوة السيارة - التشطيبات والمواد المستخدمه بالداخل تحس انها كوريه يعني شكل بس
ماهي راسيه بالخط الهوا يلعب فيها بعد الميه وستين

عموما هذا من وجهة نظر متواضعه ,,, السيارات اللي انت ذكرتها جربتها وركبتها مع اخوياي
ماعدا البليزر بصراحه خلفيتي عنه سطحيه
اتمنى انك تستخير ربك قبل كل شي واللي انت مقتنع فيه خذه ولايهمك احد ,,, بالتوفيق ان شاء الله وعقبال مانبارك لك
تحياتي[/align]