السلام عليكم ورحمة الله وبركاته وردتني رسالة على الايميل من عاشق هلالي في كندا يذكر بأن لديه موهية سعودية وجد في هذه الموهبة وتمنى أن يصل صوته الى المسؤولين وللأمانة أحببت أن أنزل هذا الموضوع للرؤية فيه ومن يستطيع منكم إيصال هذا الموضوع للمسؤولين له جزيل الشكر
وهذه نص الرسالة
مساك الله بالخير أخوي بو عبدالله أنا بس حبيت أشترك بمنتدى الزعيم ما عرفت كنت أبي أكتب عن موهبه سعوديه تنتظر الأهتمام أنا بكندا الحين أخوي موجود معاي طالب سعودي ...
موهبه حلوه أعرف عنه وجبت أخباره بس أبي منك طلب من الأمير يحط عينه عليه .. يلعب هجوم
و وسط ودفاع
اللي يبونه
أيام الثنويه كان يلعب في قلب الدفاع وكان صخره
فيه
لكن ماتوفق لأن ماكان فيه تكتيك ولا يحزنون .. تعرف منتخبات مدارس .. يبلغ من العمر 18 سنه
طولــه 176 وزنــه 66 يحتاج لياقه .. جاء يدرس لغه ويبي يدرس بالرياض يكمل دراسته ..
بس يمكن يرجع هنا أبي من الأمير محمد يمسك عليه هو لياقته شوي بس شوي تمرين وتشوفون
نجم جديد في صفوف نادي الـهلال لعبوه في منتخب مدرسته هنا مع فريق مكون من 3 من البرازيل
و 2 من المكسيك .. كلهم أنبهرو بـ مستواه أتمنى أخوي ترد علي وأنا أزيدك بكل المعلومات
لأنه هــو عنده طموح يلعب .. بس مو متفائل مره
عشقه الأول والأخير الـــهلال
وما همه الفلوس
لأنه ولد نعمه ;) يعني لو لعب
بيلعب من كل قلبه مو مثل هالأيام يلعبون للفلوس
فلو جاته الفرصه ما أتوقع يرفض
أن أقتنعت وبغيت أنا أقدر أجيب لـك كل شيء عنه .. رقـم أبوه ومعلومات ثانيه بس تكفى
رد عــلي قبل لا يمشي .. لمدينه 2anaya << ماعرفت وش هي
هنا بـ كندا
وتروح علينا فرصة بزوغ نجم جديد ...
مشكور أخوك عـــاشـــق الـــــــهـــلال
على فكرة أرسلت للمذكور رسالة وأخبرته أن يعطيني كافة المعلومات حتى إذا طلبت تكون موجوده
كلنا في خدمة الزعيم