|
اول شي مشكور على الموضوع الرائع ثانيا متابعه البرامج الي بالشكل هذا اسبابه كثيره منها الفراغ ووالواحد مايبي يذاكر << عشان ستار اكاديمي الجمعه وقت الاختبارات واذا اخذت الريموت وقمت تقلب بالقنوات كلها قتل وحروب وكوارث طبيعيه ....................الخ وبعدين هم لاقيناه بالسعوددين يعني ماينجحه غيرهم لانهم يتصلووون ويصووتون وفي برنامج عرضته Lbc الي هو سورفايفر يمكن يكون احسن البرامج الي يستفيد الواحد منها وفاز فيها سعودي اسمه حسين اليامي وابارك للسعوديه بفوز المشترك حسين لكن اكثر الناس وهذا ردهم اعرض لي البديل وانا ماشوف لاستار ولا بصطار وبعدين وقت البرنامج اخر الليل يعني وين تبي تروح هالوقت ان رحت للمقهى قدامك ستار وان رحت للبيت قدامك ستار وان دخلت النت كلها ستار وان رحت للشباب كلهم يتكلمون عن ستار يعني يا تعيش مع الناس ووتعايش معهم والا انعزل لين ينتهي وقت البرنامج وانا للمره الثانيه اقولك اعطني بديل للبرامج هذي وانا مستعد وكل الشباب كمان انهم مايشاهدونه اشكرك على طرح الموضوع للمناقشه تحياتي للجميع |
لاشكر على واجب ولاكن في نقطة ماهي كويسه في شباب اليوم وهو( مع الخيل ياشقراء) وانا بأسألك سؤال لو كنت خارج الخليج وبالاخص بأوروبا وامريكا هل كنت ستقلدهم في ملبسهم ومأكلهم ؟ ..... وبالنسبة لنقطة البديل ان اتفق معك مافي بديل ولكن وش دورنا في ايجاد البديل الذي يلبي كامل الطموحات من ناحية المتعة المحللة لنا كأمة مسلمة وتقاليد عربية اصيلة ...... وبأعطيك معلومة اني ماسكت على هذا الموضوع وكلمت احد الاشخاص في القناة السعودية ولكن للاسف مافي اي استجابة رغم وجود برنامج معد كاملا لهذه البرامج وبمجهود شخصي ولكن وجدت انه في الاخير هو الي يطلب مني المساعدة ويتكلم عن الامكانيات وغيره (وللمعلومية هذي تصريفة )وللمعلومية انا كشخص ما اعتقد علي خوف ولكن الجيل القادم الذي يتقبل فقط دون يتفاعل ويتأثر بذلك كامل التأثر وهذا ايضا له انعكاسات سياسية من ناحية دس السم في العسل من بعض القنوات الفساد وايضا اقتصاديا لانه تذهب اموال كبيرة لهذه القنوات وايضا اجتماعيا ودينيا وتقاليديا التي اعتقد انها ستمتحي وهيا الان في الطريق لذلك...... واريد ان اضيف شئ آخر لكلامك الاخير الذي اتمنى ان تراجع وتقرأه وهي انك غير مقتنع اصلا بهذه البرامج وجميع من يتابعها...... |
اكبر مشكله عندنا في داخل انفسنا ونعاني منها هي التنااااااقض :) ننتقد البرنامج الفلاني .واحنا نتابع تفاصيله :( ننتقد البررنامج العلاني .. وإحنا نظبط ساعاتنا على موعده :( ننتقد الشخصيه الفلانيه .. وإحنا نترقب ظهورها :( وووووو القائمه تطول ,, متى نتوب عن التناقض هذا .. ما ندري ؟؟؟؟؟؟؟ |
Abu saad 66 مشكور على ردك |
من ناحيتي انا اتابعه وانا غير مقتنع فيه بس مضيعه للوقت وومن ناحيه السفر للخارج هل اقلدهم انا الحمدلله جميع سفرياتي للخارج بالزي السعودي سوا داخل النطاق العربي او خارجه وهذا انت تقول انك تكلمت بس مااحد سمع لك وان البرنامج جاهز بس يحتاج الدعم هذي البرامج في السعوديه لاتفيد لانها ستكون من طرف واحد وهو الشباب اما البرامج العربيه تكون مختلطه وهذا الي يكسبهم المال بالدرجه الاولى والشعبيه وعلى قولك مع الخيل ياشقراء ومن ناحيه الجيل القادم يعتمد بالشكل الكبير على الوالدين بالبيت والوازع الديني عندهم وتربيتهم للابناء تحياتي لك |
نعم فيها مكسب مادي ولكن مع اختلال الاخلاق وبالنسبة للبرامج هذي مستنسخة من برامج اجنبية وتسمى بالغة العربية تلفزيون الواقع وهم الاوروبين لم تنجح عندهم ونجحت عندنا وعندي سؤال لك ولغيرك هل ممكن تقديم برنامج ناجح من دون اختلاط؟انا من وجهة نظري ممكن ولكن يجب ان تكون بنطاق فيه اريحية وعدم التصنع .. وبالنسبة للبرامج المختلطة لماذا تعجبنا برأيك؟ وانا اعتقد تعجبنا لاننا فارغين عاطفين وايضا لوجود الجنس اللطيف الذي يمتعنا ليس معلوماتيا ولكن شهوائيا .... وعندي سؤال لك ولمن يتابع ماذا لو نزل عليك ملك الموت وانت تشاهد هذه البرامج وما ردك لربك؟ وهل تتمنى ان تموت في هذا الوضع؟ اتمنى تقرأ كلامي بتمعن وتجعله حلقه في اذنك وتسترجعه بين حين واخرى؟ |
| الوقت المعتمد في المنتدى بتوقيت جرينتش +3.
الوقت الان » 01:22 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd