فضيحة كبرى انكشفت اليوم!!!!
 

بسم الله الرحمن الرحيم

الكل شاف مبارات اليوم وشفتوا وش صار اكيد شفتوا لاعبين الاتحاد الي كأنهم يلعبون وهم مغصوبين بتسالوني ليه ابقولكم ان هذولا الاعبين تشبعوا بالفلوس نجي نستعرضهم كالاتي:

1- ابراهيم السويد ( مدري انت تلعب للوطنك والا للفلوس وبعدين العتب مو عليك انت مالك ذنب انت ماتبي تلعب اصلا العتب على الي اختارك وسمح باختيار امثالك)

2- خميس العويران( ياعيني عليك ولاتمريره صح حتى وانت تركض اقول هذي ركضة واحد عمره بالستين وبعيدن ياليت تلعب بنفس والا البلوي شبعك بفلوسه ولاعاد يهمك فلوس رعاية الشباب)

3- سعود كريري( اغبى لاعب في مباراة اليوم نكبة الفريق كل لعبك لصالح الخصم وانا من يوم ماعرفتك في الملعب ماقد شفت منك لمحه تقول هذا لاعب دولي ايضا العتب مو عليك العتب على الي لعبك)

4-محمد نور( احلف بالله ان الطرد الي اخذته كان ودك تاخذه وكنت تدور عليه تبي ترتاح طبعا لان خلاص الملايين ريحتك وعندي احساس كانك تدعي وتقول ليتهم ماياخذوني للمنتخب)

5- رضا تكر(ياعيني عليك مدافع نكبه بمعنى الكلمه ومانشوف مستواك الا بالاتحاد واكيد انتم تعرفون ليه!!!!!!)


وهذي الفضيحه يتحملها اداري المنتخب الي سمحوا لها الاشكال بالتلاعب بتاريخ المنتخب واذا كان هناك رادع لي هالاشكال فانا اقول ايقاف الاعبين المتهاونين عن العب مع انديتهم مده معينه هذا هو الحل الوحيد

:confused: :confused: :confused: اووووووووو نست شيء مهم
شفتوا احمد الدوخي اليوم شفتوا كيف كان يلعب الدوخي اذا ماتبغى تلعب قول ما ابغى مو تلعب وانت مالك نفس وصدقني راح تدمرك ملايين البلوي


تحياتي

حسبي الله على كل من تسبب فى هذا الوضع المهزوز والفاضح ,,

فشلووووووووووووووووووووووووووووووووونا اللللللله يفشلهم

والله ما فشلنا الا انتم ياجمهور الفوز

اذا فزتم طحتم مدح واذا انهزمتم طحتم سب

ياشيخ انت وياه استح على وجهك

بعدين سويد والله العظيم ما قصر

والدوخي ما قصر صح ما كان بمستواه ولكن ما قصر بس عيب تقول ذا الكلام فيه

وتكر قسم بالله ان صخره في الدفاع وكل انسان لازم يغلط

وانت تشفت حسرته بعد الغلط اللي ارتكبه

بعد هذه الفضيحه ابارك لقائد الشباب والرياضه سلطانها والى الامام ياسلطان الخير

الله يرحمك يافيصل والله وفقدنا قوة الشخصيه ومحاسبة الغلطان

سيستمر السقوط بقيادة الاداريين المحنكين الي يضحكون على نفسم وهم منهزمين صدق من قال شر البلية مايضحك يامصيبح وياجربوع والى الامام ياسلطان الرياضه

مااقول غير حسبي الله ونعم الوكيل علي اللي كان السبب

طيب

وابو دعدع

ماشاء الله كان نجم اللقاء


ياليته يعتزل ويخلي الفرصة لغيره

في النادي والمنتخب

فلكل زمان رجال ودول

أعوذ بالله من الشيطان الرجيم

اخوي هلالي المافيا

انت تلعب بمنتخب له سمعته مو تلعب بمنتخب طموح انت شفت المستوى واتحداك تاكدلي ان كان هناك روح للفريق السعودي واتحدى ايضا تقولي لاعب قدم مستوى نقول عنه متوسط الكل دمار بدمار والكل يلعب بدون نفس

اخواني شيء يحصل في معظم المبارات كما شاهنا قطر والاامارات الكويت والامارات في اسيا
لكن كل فريق يستحق الفوز حسب لعبه ولعب الكويت لا شك هو الافضل من بدايه المبارات
لكن اقول ما زال الامل للأخضر ..شدووحيلكم وبالتوفيق

هلالي من المافيا كلامك عين العقل بس شوف لاعبين الأتحاد لما يلعبون للفريق وليس للمنتخب يأدون كل ماعندهم ويلعبون بكل روح وفدائية كل هذا علشان السعر يتزايد .
ولما يجون للمنتخب يتفنن بالمشاكل حتى يطرد او يبعد من المنتخب .

وبعدين المنتخب كان سىء بالكامل

انا ما ادري وش اقول قسم بالله كل ما يلعبون ضد الكويت تحس انهم اول مره يلعبون كوره

لوالسعوديه عندها حظ الكويت اذا لعبت ضدنا كنا بناخذ كاس العالم

هدف كوره طالعه برى يجي الدوخي وبيده يحطها هدف

والهدف الثاني هديه متعوده من رضا تكر زي ما سوا قدام العراق في بطوله اسيا وسجلوا منها

واعتقد الحكم ما قصر في المباراه ومتوصي ضد المنتخبا ويوزع في ذي الكروت ماعنده انذار شفي شغال كروت

اعتقد ان الكويتيين رجعوا في عادتهم القديمه مع الحكام و.............. اعتقد انها مفهومه

اذا ظل المنتخب على هذا الحال ونفس طريقة اللعب راح ياخذ المركز الاخير بالمجموعه وهذي امنيتي

لاني ما ابي كاس وهذا مستوانا

ونسيت اقول شي قسم بالله كانهم يلعبون ورجولهم مكبله مربطه في بعض انا مستغرب وين الوطنيه وين روح الدفاع عن العلم والفنيله ولكن وش تقول من كثرو التكارين في المنتخب ما شفنا خير

اللاعب الكويتي ينحرق في الملعب ويلعب بكل ما عنده واحنا قسم كانهم مغصوبين على اللعب

حسبي الله على من كان السبب

وسلملي على سلطان والله لو يخسر المنتخب من اليمن 10 صفر راح بيقول مقولته الشهيره

((((( راح ندرس الموضوع وهي خطه علميه بحته مدروسه))))))

الله يرحمك يا فيصل

وش هالكلام اللي قاعد تقوله

عيب عليك والله ...

أولا ً ....ابراهيم السويد .. ادى مستوى جيد جدا ً ... ولا تنسى تمريراته

وثانيا ً .. مو حرام عليك تحلف أن محمد نور يبغى كرت أحمر ... ليش انت جالس في قلب الرجال

ثالثا ً ... رضا تكر ... وربي انه مدافع صخرة ... صحيح انه غلط في الكورة الأخيرة ... لكن هذا ما يعيبه أبد ... ولا يهمونك يا تكر .

الدوخي ... ماقصر .. وان شاء الله تقدم مستوى أفضل في المبارايات القادمه

الدعيع ... والله انك نجم ... وتستاهل بوسه على الرأس .

=================

وأشوف تتكلم واجد عن الفلوس والفلوس ... كلن يرى الناس بعين طبعه

وبتوفيق للمنتخب في المبارايات الجاية

اقول يا ksa sport الضاهر ان جتك لحسه شوي من المستوى وخبط عندك الكنترول الضاهر عكست الواقع خليت السيئين ممتازين عجـــــــــــــــــــــب للثقافه الكرويه الي تعرفها

حرام عليك
اتق الله في نفسك
واعلم انه هناك حساب يوم القيامة على كل كلمة ذكرتها
سعودي كريري:هو الي صانع هدف المباراة الوحيد من رفعة ولا أحلى
السويد:تمريرات عجيبة رهيبة
نور:نور الوسط بتحركاته وفدائيته
الدوخي:ابدع في الانطلاقات
الدعيع:نجم ولكن له النسبة الأكبر في الهدف ألأول هو والدوخي
زيد المولد:مستواه جيد جدا
المنتشري: ولا أحلى
تكر:صخرة والدليل اخذ جائزة افضل لاعب في المباراة
القحطاني:غلبة عليه الأنانية قليلا