نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/)
-   أرشيف مواضيع منتدى الجمهور الهلالي (http://vb.alhilal.com/f38/)
-   -   مشاهدات من اللقاء الودي بين الهلال والرياض اللي انتهى قبل ساعه (http://vb.alhilal.com/t183279.html)

الهلالي- ابوسارة 08/12/2004 08:55 PM

مشاهدات من اللقاء الودي بين الهلال والرياض اللي انتهى قبل ساعه
 
بسم الله

ابو سارة يعود لكم من جديد ..

انتهت قبل شوي مباراة الهلال والرياض الوديه وحفلت باحداث ساخنه جداً ..

كنت بالنادي من أربع ونص تقريباً .. التقيت بسمسم ابو عبد الله ويبلغكم سلامه جميعاً واثنى على الشبكه وطرح الاخوان فيها ..

المهم بدت المباراة بعد صلاة المغرب ..

لعب الهلال الشوط الاول بتشكيلة الأولمبي ولكن المرشدي برا ..

ولعب بداله حريصي للتجربه وقدم مستوى حلو .. ثم دخل المرشدي ..

العنبر كان متحرك ونشيط وسدد أكثر من كورة حلوة ...

بعد مرور ثلث ساعه احتكاك عادي بين كمالتشو ولاعب الرياض .. فما كان من لاعبنا الله يحرسه باسمه الا

ان يصك الرجال بقس وكم لكمه وفزع معه ديسلفا وتدخل الفريقين لتهدئة الأمور .. وتفلت مساعد مدرب الرياض وبغى يشتبك مع ديسلفا ( الجريه ) ‍‍‍‍.. ديسلفا كان منفعل مدري ليه..

المهم الثنائي الاجنبي اليوم مع سوء الاداء جمع سوء الاخلاق ورسبوا بامتياز ,,

احد الجمهور قام يسب كماتشو فـ صرخ عليه الرئيس محمد .. و بعد ثلث ساعه استكملت المباراة

بعد ان كاد الرياض ان ينسحب من ‍‍الملعب ..

ودخل بدل كماتشو ,, الموري

وبدل دسلفا ،، مازن الفرج

.. ثم تمريره ممتازه من العنبر للموري ينفرد بالحارس مشعل ويراوغه ويحطها قول ..

الشوط الثاني لعب الهلال باسمائه اللي في الدوري بدون لعيبة المنتخب ..

سامي .. الشريده .. العتيبي .. المفرج .. الحوطي .. الشايع ..

و المفاجاة الكبرى .. شاب اسمه احمد عيسى مدري عسيري ماني متأكد من الاسم ..

ملعبه بكيتا تجربه ..

لكن هالشاب فاجا الجمهور والمدرب بمستوى ماشاء الله عليه ..

تمرير دقيق مراوغ ذكي وواااااثق من نفسه ومكسب والله لو اهتم بنفسه .. يلعب وسط ايمن ..

بعد نص ساعه .. تمريره ذكيه من سامي للشايع يواجه فيها الباب ويحطهاا قول .. ثاني .

ثم يراوغ سامي المدافع وبعده يراوغ الحارس على طريقة هدف السوبر الاسيوي .. والكورة بالعارضه ..

ثم يسدد سامي فاول من خط الثمانيه عشره يصدها الحارس بصعوبه وتنتهي المباراة ..

حظر جمهوور لا بأس به ..

العيسوي شاهته بملابسه الرسميه ومشى بعد ربع ساعه من المباراة .. وحسافه لو فاتنا هاللاعب ..

احمد عيسى مدري عسيري .. احلى مافي المباراة ..

غاب عن الماتش اليوم الثنائي القطيفي حق اديموس .. عزيز والعنزي .. وعشان كذا احس اني مبسوط ...

المهم انا مستعجل وانشالله قدرت احطكم بالصورة ولا تدققون على الاملاء لاني اكتب لكم وانا واقف

سللااااااام

لخوكم الهلالي ابو سارة

اســــ هلالي ــــد 08/12/2004 09:03 PM

يعطيك الـــــــــــــــــــــــف عافيه

ومشكوووووووووووووور

koky 08/12/2004 09:07 PM

وديه ومضاربات ووو الله يستر

العيساوي اه وبس

يعطيك العافيه ابو ساره

الكــ الهلالي ــنز 08/12/2004 09:09 PM

شكووووووووور

المتحد 08/12/2004 09:20 PM

مشكووووووووووور

الوفـــــا 08/12/2004 09:20 PM

يعطيك العافيه ابو ساره على التغطيه الجميله

جزاك الله خير ..

احترامي

الوفـــا

الجاحظ 08/12/2004 09:26 PM

نحتاج وسط أيمن ...

ان شاء يكون عسيري مادري عيسى نجم جديد قادم ...

اجانبنا لا يصيرون حشف وسوء كيلة ...

مشكور على الجهد والنقل ..

عالي الشان 08/12/2004 09:53 PM

الله يعطيك الف عافيه
إقتباس:

ان يصك الرجال بقس وكم لكمه وفزع معه ديسلفا وتدخل الفريقين لتهدئة الأمور
ونعم المحترفين .... الله يقلعهم قولوا آمين :mad:
إقتباس:

غاب عن الماتش اليوم الثنائي القطيفي حق اديموس .. عزيز والعنزي
ليه هو محمد العنزي لين الحين في الكشوفات !!
تكفون لا تقولون ايه :blueroll:
إقتباس:

تمريره ذكيه من سامي ....
إقتباس:

ثم يراوغ سامي ....
ثم يسدد سامي

سامي يا بعد كل الاسامي :)
تحياتي

السامي كسمو الهلال!! 08/12/2004 10:31 PM

مشكور اخوي الغالي ابو ساره...

مجهودات تشكر عليها ياغالي..




الف شكر..

















السامي كسمو الهلال1982

هلالي وان جار الزمن 08/12/2004 10:47 PM

إقتباس:

احمد عيسى مدري عسيري .. احلى مافي المباراة ..
اخي العزيز ... اسم اللاعب عبدالله عسيري ...
وهو بالفعل لاعب موهوب بمعنى الكلمة ...
وكان احد نجوم المباراه ...


أبو سعود السبيعي 08/12/2004 10:47 PM

يعطيك العافيه
والله يستر من الجريه
داسيلفا

Big Blue 08/12/2004 10:54 PM

يعطيك العافية اخوي ..

دمعة المقهور 08/12/2004 11:23 PM

مشكور يالهلالي ابو سارة ..
والله يعطيك العافية

أبو ميار 09/12/2004 12:21 AM

يعطيك العافية أخوي وماقصرت

الهيمان 09/12/2004 12:49 AM

يعطيك العافيه


الوقت المعتمد في المنتدى بتوقيت جرينتش +3.
الوقت الان » 03:43 PM.

Powered by: vBulletin Version 3.8.7
Copyright ©2000 - 2019, Jelsoft Enterprises Ltd