الأتفاق يتعاقد مع مهاجم منتخب عمان والنصر جاب الأجانب والبلوي يعلنها عالمي خلال14 يوم - نادي الهلال السعودي - شبكة الزعيم

ابو عبدالله البشيري · #1 04/12/2004, 11:32 AM

يا اخوان كنا ننتظر الفترة الثانية لتسجيل للاعبين الاجانب والفتره جت وشكله ما راح يتعاقدون مع لعيبه وأنا ودي اعرف شنه اللي مستفيدينه من الاجانب اللي عندنا طعم فرحة الفوز يخلينا نسى انهم ما قدموا اي شي ونقول والله ما قصروا وبدو يتأقلمون مع الفريق والله ما حولك احد ديسلفا مع احترامي الشديد كان يلعب في الوحده وانا مدري الهلال وشلون يتعاقد مع لاعب كان في فريق في المراكز الأخيره بالدوري وتفاريز وجوده ماله داعي الهليل واحمد خليل والشريده والدوخي ومفرج ما يقصرون وكماتشوهذا اللاعب اللي ما عرفتله مره يلعب ومره ما عنده شي,,,,,,طيب الهلال كا بييتعاقد مع لاعب برازيلي وطلع عنده اصابه وكان بيتعاقد مع الروسي وبطل اللاعب يعني لو توفقنا في واحد منهم صار عندنا اربعة اجانب طيب ليه ما يرجعون وشوفون لنا لاعب بخط الهجوم والله ما عندنا ذاك الهجوم اللي تعتمد عليه واللي موجود يا مصاب ولأمبتعد فتره عن اللعب ويا ليت يتعاقدون مع لاعب يكون عربي ويا كثر المغاربه الفتيتين كوره............واتمنى الرساله وصلت

سكوبي · #2 04/12/2004, 11:44 AM

اعود واقول ان يوجد لاعبين خليجين وعرب افضل من كماتشو وتفاريس وديسلفا وارخص أيضا

تقبل خالص تحياتي

ياسيدهم وينك · #3 04/12/2004, 11:47 AM

والله كلامك منطقي بس مافي احد يسمع

هلالي أصلي · #4 04/12/2004, 12:10 PM

كلامك 100%100 بس كماتشو

وديسلفا لك عليهم بس تفاريز الي أتمنى انه يطلع

هلال عنيكش · #5 04/12/2004, 01:31 PM

علاء حبيل مهاجم البحرين او عبدالقادر كيتا مع وسط ايمن ومعه مدافع اعتقد هم الانسب

HEART BREAKER · #6 04/12/2004, 01:46 PM

عطونا أجانب مميزين في الدوري أفضل من أجانب الهلال بعدين نحكم ....
و بالنسبة للي راح يقول ( مانقا - أترام - تشيكو ) .. أنا أقول ان مستوى أجانب الهلال هذا الموسم أفضل ...

بس شكل الهزيمة الاولى من 10 مباريات لها تأثير على البعض !!

هلالي$الدمام · #7 04/12/2004, 01:49 PM

عطونا أجانب مميزين في الدوري أفضل من أجانب الهلال بعدين نحكم ....

فيرون الرياض · #8 04/12/2004, 01:53 PM

نبي كيتا ولا لاتجبون احد

ab_kd3000 · #9 04/12/2004, 07:03 PM

انا لله وانا اليه لراجعون

التخلف بأم عينه . . وهذي عينة لبعض الجمهور المتخلف

اذا فاز الهلال قالوا انه احسن فريق بالعالم

واذا بدع لاعب مباراة قالةا انه مارادونا ! !

واذا المباراة اللي بعدها ما سوا شيء

قالوا لاعب فاشل مانبية شيلوووه ! ! ! ؟ ؟ ؟
============= :-
تيفاريس من افضل المدافين الاجانب اللي مروا على الهلال
حتى الاااااااااااااااااااان
وكاماتشو انا اعتبر انه افضل صانع لعب اجنبي جاء الهلال الى الااااان . . , , ,
لاعب نشيط وسريييييع وتسديداته رووعه ويشكل جهه يسرى ضااربة في الهلال مع الشلهوب والدوسري

ابو عبدالله البشيري · #10 05/12/2004, 01:04 AM

شكرا على الردود وبالنسبة للاخ ab_kd3000 اشكرك كذلك لكن انا ما قلت الهلال اذا فاز اجانبه 100% أصلا انا لست مقتنع منهم وهذه وجهة نظري لان الهلال يقدر يجيب الأفضل منهم والأنفع

ابوصلوووح · #11 05/12/2004, 01:15 AM

رجعنا للكلام !!!
ديسلفا لعب مبارات احد وجاب هدفين وواحد منهم حلو ,,, ولعب مع الاولمبي وكل مبارات قول الانصار
جاب عليهم قوول وعلى الوحده امس جاب قول .. غير لعبه مع الفريق الاول .. وش تبون بعد ؟

كماتشو ..
عالمي والعلم عند الله

.. شوفوا حطّاته ولعبه .. سجّل بالدوري 3 اهداف .. وساعد الفريق
على اهدافه وعلى مستواه المتصاعد .. تنقصه القتاليه فقط .. !!!

تفاريس ..
خخخخخخخخ طيب بالله اذا راح تبون يصير لنا زس ماصار الموسم الماضي ؟
بيلعب المفرج والشريده .. او المفرج وخليل ا وا وا .. !!! تفاريس قسم بالله ماسك الدفاع مسك
ولولاه كان الحين ... !! ,,, تفاريس كويس و(وجه نظري) افضل مدافعي الدوري السعودي حاليا ..

وش تبـون أكـثر .. احمدوا ربكـم مامنعنا من المحترفين !!!

زعيم الكورة · #12 05/12/2004, 07:52 AM

تفاريس قدر يسد الثغرة الدفاعية وكاماتشو الى الحين مبدع وداسيلفا هداف الدوري مرتين مع الاتفاق و مع الوحدة

فابريكاس · #13 05/12/2004, 08:41 AM

انا اقول الهلال اول مره يتوفق في انتداب لاعبين بهذا الفن والمهاره العاليه وبعدين كل لاعب تتغير عليه البيئه اللي كان يلعب فيها يبيله وقت حتى يتاْ قلم حتى ولو كان لاعب عالمي ياخي شوف بيكام في ريال مدريد واوين
وشوف دروكبا وكيزمان مع تشلسي الامثله كثيره لاكن وين التفكير الاحترافي لذالك الله يعين الاعبين على هيك جمهور