هلا والله اخوي الإعصار (لا غيره على كيفك انت تامر امر
)
تلومني يوم اشوف سامي روني الكاتو الجمعان حسين علي ، كلهم هجوم ولايقدر الهلال يسجل؟
ولا الفرص السهلة الي تضيع ، مايضيعها محترف ، سامي مانلومه الاصابة لها دور.لكن الباقين وينهم.
روني مدري وش فيه ، انشاء الله يستعيد مستواه.
الكاتو يبي يعتذر للجمهور بحسم لهم مباراة مهمة
حسين علي ماخذ فرصته الكافيه.
يعني بالدوري عجزنا لانخترق دفاع النصر والاتحاد (والجيش)
بكأس العالم وش نبي نسوي قدام الفرق العالمية
نحتاج لانصاف وارباع واثمان الفرص تحسم اقوال ، ونشوف لاعبي الهلال يضيعن الاقوال المضمونه.
ليت ادارة الهلال تتعاقد مع مهاجم قناص عالمي بمعنى الكلمة ، للبطولة العالمية.
الهلال كله مهوب على عوايده ، الوسط والهجوم ، والدفاع احيانا ، اتوقع واتمنى ان السبب هو المدرب.
البرازيل صح ماقدروا يخترقون دفاع استراليا (ببراعة حارسهم)
بس مباراة وحده مانحكم عليهم ، شف ردهم بالمباراة النهائية ، مدرب استراليا ضامن البطولة ، لان تفكيره تحقيق التعادل حتى نهاية المباراة وحسم البطولة بضربات الترجيح (لانع واثق من حارسهم) . ومدرب البرازيل واثق ويقول يبي يقص اجنحت المدرب الاسترالي. وانتهت المباراة 6-0 ، (المباراة النهائية)
3 رونالدوا (مع ان رونالدوا ماسجل الا هذه الثلاث اهداف بالبطولة)
3 روماريوا
اما الهلال ، فجيمع الفرق تعمد للتكتل الدفاعي اماه والهجمات المرتده.
طهران رجعوا بهدف واحد (لابو يعقوب)
النخبة ، مباريتان تعادلات ، (0-0 مع الجيش ، 1-1 مع النصر) ، كلهم يعمدون الدفاع والهجمات المرتده.
والمباراة الاخير مع الصفاقسي 4-1 ، لان الصفاقسي فتح اللعب شوي (مثل مباراة الاهلي 4-0)
مع الاتحاد ، انتهت الاشواط الاصلية والاضافية 2-2
مع النصر المباراة الاولى الشوط الاول هلالي ومع ذلك ماقدر يسجل
والشوط الثاني (مبساعدة العقيلي) نصراوي ، وقدروا يسجلون هدف (بلنتي).
المباراة الثانية 0-0 مباراة باب واحد.
يعني لو تشوف كل هذه النتايج ، وين هجوم الهلال فيها
انا يوم اقول هجوم الهلال ضعيف ماقصد الاعبين الموجودين انفسهم ، لا
اقصد ان رغم تواجد هاؤلاء النجوم ، الا اننا لم نستطع اختراق دفاعهم.
ولم يستطع احد النجوم تسجيل هدف ، سواء الاعبين الماهجمين او الوسط او حتى الدفاع.
انشاء الله كل المشاكل بسبب المدرب ، وتنقشع بعد رحيلة.
والدوري راح ، والحمد لله على كل حال ، الاهم عندنا اعداد الهلال لكأس العالم لاننا مانبي المشاركة بس نبي نتائج.
وتقبل تحياتي
الوضع العادي
