تفاريس كماتشوا باولوا دسلفا(الغاء عقودهم) - نادي الهلال السعودي - شبكة الزعيم

سلطــان زمــانه · #1 28/11/2004, 02:01 AM

الموضوع والله مهم بخصوص اللاعبين الاجانب
الاجانب الثلاثة والله عادين جداً
مثلاُ
حسين الخثعمي،فهد المفرج،ناصر حريصي(لاعب جديد) افضل من تفاريس وراتبه(40.000)
محمد الشلهوب،سعد الدوسري افضل من.............................. كماتشوا وراتبه(60.000)
احمد الصويلح،فيصل الجمعان،مشعل الموري افضل من....... باولوا دسلفا وراتبه(40.000)
اجزم بالمليون الاسماء الي ذكرتها احسن من الاجانب

شف مقارنه الرواتب واحكم ياجمهور
حسين الخثعمي راتبه(2500)
فهد المفرج راتبه(15000)
ناصر حريصي راتبه(2000)
محمد الشلهوب راتبه(15000)
سعد الدوسري راتبه(15000)
احمد الصويلح راتبه(6000)
فيصل الجمعان راتبه(2500)
مشعل الموري راتبه(3000)

من الان اقول الغاء عقود الاجانب افضل صدقوني صدقوني
وباكيتا حاطهم اساسيين على حساب اللاعبين الممتازين السعوديين وما راح يحسون الاداره إلى اذا جت الهزايم يبدون يفكرون في الاجانب! والله مشكلة!!!!!
ترى اللاعبين السعودية يحترقون والله يحترقون لانهم في مستوى الاجانب واحسن منهم بعد ويلعبونهم وياخذون الرواتب العالية

ياخي عندك الوسط اليسار 2 وجايبلي كماتشوا
وعندك السناتره فوق 5 وجايبلي ديسلفا
وعندك الهجوم فوق 4 وجايبلي باولو

وصانع لاعب ما فيه يا ادارة جيبو صانع اللاعب ممتاز جيبو وسط ايمن ممتاز
يكون الاجانب ينفعون الفريق مو يستفيدون الاجانب من الفريق

الي مقتنع بالاجانب مقارنة بالاعبين الي ذكرتهم من ناحية المستوى والراتب يبدي رأيه.

Waleed8415 · #2 28/11/2004, 03:10 AM

اسمحلي ياخوي...الجميع وانا وانت شاهدنا كماتشو والثنائي الرائع اللي شكله مع الشلهوب.اللاعب ممتاز وعنده لياقة بدنيه جيدة...اما تفاريس فاسمحلي الاسماء اللي ذكرتها لا تقف حتى بجانب اسم تفاريس..يلعب وكانه ابن للهلال ولكن المستوى الممتاز والرائع للمفرج ممكن ان يدعنا نفكر قليلا في تفاريس..بس لسه تراني ماقلت نستغني عنه
اما ديسلفا الكل يعلم انه كان مصاب ولمه رجع سجل على الاقل هدف في كل مباراة شارك فيها ولكنها مباريات ليست مقياس للاعب اجنبي..انا اتوقع الصبر عليه مطلوب كمان شوي...

اخوي اللاعبين الاجانب مطلوب يكون مستواهم وخبرتهم اعلى من المحليين في النادي وهذا ما اراه صراحة بالنسبة لتفاريس وكماتشو ... الشلهوب يستفيد الكثير من كماتشو والمفرج ايضا من تفاريس...وبصراحة شوف من وين كل واحد جاي وشوف كيف مستوى كرة القدم والتدريب عندهم واعتقد انك بتقتنع في كلامي...مشكور ياخوي وموفق

ابو عبـــــــــدالله · #3 28/11/2004, 03:22 AM

من المستحيل ان يستلم الاجانب هذه الرواتب التي تقولها .,.,.,.

<<الأزرق المتوهج>> · #4 28/11/2004, 03:46 AM

انشاء الله يدفعون لهم مليون ريال شهرياً ...بس بالنهاية يحقق الهلال بطولة ...مافيه مشاكل ...لكن نبقي على المفرج ونكرر خماسيات الموسم الماضي ...أعتقد نبطل متابعة كورة أحسن ...بعدين شف البلوي كم يدفع لنادية ...لأجل بطولة واحدة ...شوف بكم يجيب اللاعبين ...ويبقيه شهر أو اثنين ثم يرحله على اقرب طيارة ...شوف كم محترف يجي للاتحاد كل موسم ...مو ثلاث لاعبين ومسوين زحمة عليهم ...
إذا قدمو مستوى قلتوووو غالييين ...وإذا ماقدمو مستوى قلتو فاشلين ...شيلوهم وريحونا منهم وتعلمو من النصر اللي يجيب اجانب على مستوى ...والرخيص مخيس ...الخ
مع احترامي لك موضوعك هذا ..ياانك كتبت من دون قناعة ...أو انك تتبع لقاعدة خالف ...
قليلاً من العقلانية ياجمهور الهلال

وينك يالزعيم · #5 28/11/2004, 07:10 AM

يا خوي الفريق قاعد يقدم مستويات رائعة
والاجانب رائعين ( على قد فلوسنا ) وش قاعدين ياجماهير الهلال بخبصون ؟
أرجوا أن نكون موضوعيين في طرح أفكارنا ( ماهي أخطاء اللاعبين المحترفين الأجانب ) حتى نطالب بألغاء عقودهم ؟
واللاعبين السعوديين المذكورين مع الوقت وتطوير المستوى سيرتفع الراتب ولن يبقوا على راتب واحد ؟
وفقك الله واعانك وعلى دروب محبة الزعيم نلتقي

wolf madrid · #6 28/11/2004, 08:15 AM

بالعكس اخوي
الاجانب ضروريين بالنادي
لأن اللاعب عندنا ما تدري عنه
يوم ممتاز ويوم طايح
تحياتي،،،،،

ياسيدهم وينك · #7 28/11/2004, 08:46 AM

الاجانب الي الان مستواهم في تصاعد

THE TRUTH · #8 28/11/2004, 01:31 PM

الله يخلف على فريق هذا جمهوره

سلطــان زمــانه · #9 28/11/2004, 01:40 PM

waleed
wohmadrid
ابو عبدالله
الازرق المتوهج
وينك يالزعيم
ياسيدهم وينك

اقدر ارائكم
بس ما زلت مصر على رأيي ولايام سوف تثبت كلامي
عموماً الرواتب الي ذكرتها هذي رواتب حقيقية لا جدال فيها
والاسماء الي ذكرتهم متابع لهم سواء في التمارين او في مبارايات دوري شباب الهلال
وكان حسين الخثعمي كابتن درجة الشباب بالاضافة على فهد المفرج كابتن الناشئين والشباب

ياناس ما فيه صانع العاب جبو صانع العاب اجنبي على مستوى طيب محتاجين في هذي الخانه

ابوساري · #10 28/11/2004, 01:56 PM

اخوي وصديقي الصدوق ... سلطان زمانه ...
لازم تعرف ان اللاعبين اللي ذكرت مايوقفون جنب الاجانب ... يعني لو قلت الشلهوب والا الدوسري ... ممكن ..
لكن خثعمي .. ومدري مين ... توهم صغار ... ومايعتمد عليهم ... يبيلهم مده ياخذون خبرة ...
الامبراطور تفاريس ... اداؤه قمة ... ماسك الدفاع والله ... ويساند في الركنية تمام ...
كماتشو ... اول ماجاء كان نص ونص ... لكن الحين ... بصراحة مسوي شغل مع الشلهوب .. هذا غير ان عنده رجل ماشاء الله ... من اي مكان يشوت ... وبقوة بعد ...

اما باولو ديسلفا ... اتمنى يجيبون واحد معه ... وهو يحول مشاركات خارجية ... نبي هداف بالهجوم ... مانبي مصابين ,,,

شكرن اخوي

momee999 · #11 28/11/2004, 02:01 PM

انا شايف الاجانب انه ماعليهم كلام

يعطيك الف عافية

HEART BREAKER · #12 28/11/2004, 02:13 PM

بالنسبة للأجانب أقول ليس بالامكان أفضل مما كان .... و لنا في تجاربنا السابقة عبرة ... و حاليا هم الافضل و الاميز في الدوري !!

مخلص للهلال · #13 28/11/2004, 02:50 PM

إقتباس

الرسالة الأصلية كتبت بواسطة وينك يالزعيم


	يا خوي الفريق قاعد يقدم مستويات رائعة والاجانب رائعين ( على قد فلوسنا ) وش قاعدين ياجماهير الهلال بخبصون ؟ أرجوا أن نكون موضوعيين في طرح أفكارنا ( ماهي أخطاء اللاعبين المحترفين الأجانب ) حتى نطالب بألغاء عقودهم ؟ واللاعبين السعوديين المذكورين مع الوقت وتطوير المستوى سيرتفع الراتب ولن يبقوا على راتب واحد ؟ وفقك الله واعانك وعلى دروب محبة الزعيم نلتقي

الله يوفق الهلال , ويوفق إدارته ومن نجاح إلى نجاح

spanish eyes · #14 28/11/2004, 05:05 PM

دي سيلفا فعلا لا يستحق البقاء لانه في مستوى المحليين والهلال يعتمد على هجوم واحد لذا اعتقد ان الجمعان قادر على تقديم ما يقدمه ديسلفا وافضل

كماتشو اثبتت مباراة البطولة العربية الاخيرة ان الهلال يفتقده كثيرا ويضعف مستوى الوسط خاصة مع تراجع مستوى سعد الدوسري ومازن الفرج

تفاريس اشوف ان الهلال بحاجته والهلال بالاصل بحاجة لمدافعين اكثر

الجوهرة الهلالية · #15 29/11/2004, 12:38 AM

موضوع في غير وقته التقييم يتم بعد نهاية الموسم
وثاني شئ يأخي ان تدفع شئ من جيبك ؟؟؟؟؟
وانت الوحيد المعارض من بين اعضاء المنتدي والنقاد علي مستوى الاجانب وبالذات كماتشو وتفاريس