|
الرحله الى واشنطن ..(النحس) بسم الله الرحمن الرحيم بدون مقدمات (لاني ماعرف) كانت عندنا اجازه يومين مع الويكند قلت للشباب وراه مانخربها ونروح لواشنطن الي ازعجونا الناس فيها ونشوف البيت الابيض وكلمت اربعه من الشباب :gossip: على شان نروح وكلهم وافقو على الرحله قلت تمام وابد نحجز عليه بس ان التذكره غاليه شوي المهم نطلع الطياره وخر عنا كاشخين (قصيمي وكاشخ حله عاد) وصلنا دي سي واول مانزلنا على طول استاجرنا جيب وبعد غالي 500 دولار لثلاث ايام بس :bigeek: قلنا معليش المره بس وحنا حاجزين على فندق قبل مانسافر المهم اخذنا الوصف وطلعنا من المطار رايحين للفندق وجلسنا نحوس وندور الفندق وماوصلنا الا بعد ساعه ونصs28s ماعلينا شره ماندل :shy: وصلنا الفندق وحنا دايخين ودنا ننام ونزلت الفندق وعطيتهم اسمي وتغير وجهه وقالت موب هذا هو الفندق الي حاجزين عليه الفرع الثاني :dead: وبغيت اخذ علقه من الشباب الا شوي :whip: واخذت الوصف ورحنا للفندق واثره مشوار ساعتين :wacko: المهم وصلنا للفندق والحمدلله على السلامه من بعد عناء سفر طياره وخط المهم بدينا نروح للمطاعم العربيه مقطوعين منه وصرنا كل مابغينا نروح لفندق ولا السوق ولا المطاعم لازم نضيع على الاقل ساعه :embarrass وجاء وقت العوده قلت لازم نروح بدري للمطار احسبو ساعتين للضياع مع ساعه مشوار وساعه تفتيش هذي اربع ساعات المهم وناصل المطار ولله الحمد بعد ساعه ضياع :bigrazz: انجاز ونزلنا وقلت لخوي رح سلم السياره وانا ابزين التذاكر . صفيت مع هالزحمه ولما جاء دوري عطيته تذاكرنا وجلست تطقطق بالجهاز وتغير وجهه قلت ايه رحنا فيها بس مسكونا وقالت لي انتم جيتو للفندق الخاطئ عاد شف وجهي صار ازرق واحمر صار قوس قزع الا فيه وحده عجوز بجنبي تطالعن وتظحك قلت كملت واناظر بعين حاقد ومير تخاف:laugh: وبوقتها دق علي خويي قلتله دريت وقالتلي بعد مايمديكم تروحون للمطار الثاني (فيه ثلاث مطارات ) وبغيت ارجع واطق خوي خالد لانه هو الي قايل لنا اسم المطار والمشكله عندنا دوام من بكره وارجع للعجوز واترجاه تغير الحجز ولله الحمد غيرته بس صار بعد 11 ساعه :eek: وزدناهم حق تغير الحجز وقلت للعيال خلونا نروح نضييع ونرجع رحنا تمشينا ودرنا وتعشينا وضعنا ورجعنا قبل الرحله طبعا الكلام هذا الساعه 2 بالليل والرحله الساعه 6 الفجر تسدحنا بالمطار كننا شغالات يتحرون كفيلهم وضع مأساوي وفتحو الساعه اربع الفجر ورحت ازين التذاكر وجلست يطقطق بالجهاز وهو اصله سوداني قال الحجز لاربعة اشخاص فقط والخامس ماله حجز وابلش ونزين الحجز بعد عناء وراح خالد يسلم السياره اثرهم مايفتحون الا 5 الفجر ولازم ننتظر صبرنا الى خمس وراح سلم السياره وجاء متاخر قبل الرحله 35 دقيقه ونركض ركض للبوابه ونصف بالسراء وتفتشنا ولازم يشيكون على التذاكر والسكيرتي يشوف تذكرت خالد واثره حجزه خطاء لاحول ولاقوه هذي ثالث مره لخالد ويرجع ركض يزين الحجز حنا الثلاثه دخلنا التفتيش وخالد راح يزين حجزه والخامس بالسراء طويل (اثره ابو الشباب راح للحمام الله يكرمكم ) جاء خالد ويدخلونه بسرعه حنا ركبنا الباص الي يودي لبوابتنا وننزل ونركض الحمد لله ركبت الطياره ومعي اثنين وخالد والي معه ركبو الباص الثاني الي بعدنا ويوم جاء بيفتح الباص اثر الباب خربان :laugh: ويدقون على المسؤول ويجي يزين الباب اللحين باقي على الرحله 5 دقايق ويم فتح الباص ويركضون للبوابه واثره تقفلت الرحله ويرجعون ويعدلون الحجز ويدفعون الفرق وطلعو على الرحله اللي بعدنا بس انه تمر على مدينه ثانيه نزلو لمدينة اتلانتا وراحو بيركبون الطياره الثانيه الا وخالد مظيع التذكره :dead: ويرجعون يدورون التذكره الا وشوي ينادون اسمه( كالد ) ويروح للبوابه ويعطونه التذكره قال اشوى بغت تظيع المهم وهم ينتظرون ركوب الطائره قالو الرحله تاخرت ساعتين يؤيؤ وبعد ساعتين قالو تاخرت ساعه :confused: وبعد بربع ساعه الغو الرحله :confused: ويغيرون الحجز ويدورون حجز ثاني ولقو رحله بعد 5 ساعات وبعدها طلعو الطياره ويقول خالد لازم بيصير شي تخرب الطياره ولا يضيعون المطار الثاني :p ولله الحمد وصلو بعدنا ب 12 ساعه ولهم يومين مانامو .... واكتشفنا بعد كذا انه عين واحد من الشباب لاننا ماقلناله يروح معنا :D من بعده ما اروح للبقاله الا وقوله والحقييقه هذي اسوء رحله سافرت فيها ... واتمنى انه اعجبتكم القصه و لاتواخذونا على سوء التعبير اخوكم عبدالعزيز |
بس ان التذكره غاليه شوي المهم نطلع الطياره وخر عنا كاشخين (قصيمي وكاشخ حله عاد) وصلنا دي سي واول مانزلنا وراه وش بهم القصمان هم منبع الكشخه يالحبيبعلى طول استاجرنا جيب وبعد غالي 500 دولار لثلاث ايام بس :bigeek: قلنا معليش المره بس وحنا حاجزين على فندق قبل ماش القصمان قصمان تلقاكم مستاجرين جيب ربعهو الفندق الي حاجزين عليه الفرع الثاني :dead: وبغيت اخذ علقه من الشباب الا شوي :whip: واخذت الوصف لوانكم اخذين بشقق الكحيلي ازين لكمالمهم بدينا نروح للمطاعم العربيه مسكين اللي ماعنده الهدوجتروحون للمطار الثاني (فيه ثلاث مطارات ) وبغيت ارجع واطق خوي خالد لانه هو الي قايل لنا اسم المطار ثلاث مطارات بديره وحده هذا اللي مهوب حنا مطارنا يخدم سدير والرياض ومادري وش بعد |
الله يستر من شر العين أحمد ربك أن العين ماهي فيك |
انشاءالله يكون فليتوها عندنا في دي سي .. و ياليت دريت عشان ادبركم او اساعدكم حق و واجب ولا نغديكم ولا نعشيكم .. بس بغيت اقول لك شيء بعد الاحداث الي صارت تغير معنى Destrict of columbia الى Dead City بس نحبها و نشتاق لها |
هلا والله بالضيوف ماكس تراني دورت جيب ربع بس مايكفينا السلطاني جاني شوي من العين لاني ماقلت لخوينا الي ماراح معنا زعيم دي سي وراك ماقلتلي انك هناك والله من كثر الضياع هناك ماندل وانت بفرجينيا ولا وين بس عندكم مطاعم مشويات حلوه وشكرا لكم على المرور جميعا |
ههههههه تبي تقولنا انكم حتى في امريكا الرحلات ما تمشي في موعدها وبصراحة العين حق وخصوصاً في مثل هالاشياء البسيطة ( لحد يناظرني ):uhoh: بس هذي نظرتي .. وحنا عندنا عجيز ما تقول انها بتروح ( طبعاً لمكة ولا وين تروح:cool: ) بس اذا تواسوا عيالها في الصالون طبت عليهم ... يقولون لها ليش يا يمه ما قلتي لنا تقول توها طارية علي ( يا حليلها تصرف) وصاروا متعودين ويحسبون لها مكان حتى لوها معية وتقول منااااب رايحة ,,, عموماً القصة عفوية وجميلة ,, وعساكم تدجون مرة ثانية ودنا بزيها:razz: |
الحمد لله على سلامتك مطزاز صراحة يوم أنك في مطار واشنطن كنت في حالة لا يحسد عليها |
راسن اما هالعجيز ماتخلي حركاتهم ابد ابد فينا خير واجد من هالحركات وشكرا على مرورك جراح الهلالي اي والله في حاله لايحسد عليه كني شغاله بس اخذت غطه وشكرا على مرورك |
Z3eeM_Dc مفروض عرفت من دي سي بس حصل خير الاجازة قربت خلنا نشوفك |
ههههههههههههههههه والله موب بلحالك :( صارت لي بجده مسافرين بدون اهلنا :smilewink وخويي واخوي ركبوا طياره وانا طياره :laugh: :cool: خخخخخخخخخخخخخخخخخ وحنا رايحين سوا للمطار :confused: :p :p بس اشوا طلعت طيارتي للرياض :rolleyes: ومشكور على هيك موضوع :) |
حلووووووووووووووووووووووووووه صرحة هذي السوالف احسن مافي السفر :laugh: :laugh: وتبقى ذكرياتها مدى العمر :laugh: :laugh: والسفر مهما كان فهو مشقة من العذاب :confused: |
شكل خالد هذا على جناااااااااااااااابه لا يسافر مره ثانيه وياك وتقبل شكرررررررري |
واحد زاحف الله يرجك ياشيخ مضيعين البوابه اجل انت في مطار جده مضيع عاد وش لون بثلاث مطارات :smilewink وشكرا على مرورك ماجد مقبل اما هذي احسن شي بالسفر الا اطفش شي ومن ناحية الذكرى فا انها تبقى للابد ما في امل انساه وشكرا على مرورك ابو نايف لا ابشرك ابطلع معه ثاني مره الله يستر بس وشكرا على حظورك |
اثرك منت سهل يا مطزاز :p <== واحد ثاني ما له علاقه بـ سهل الثمنيات :uhoh: أجل دي سي مرة واحدة وجيب ( ربع ) ،، لا يكون بعد هناك فيه تفحيط :shy: الا قلّي ... وش اخبار كولن باول ،،، قبلوا استقالته والا لا :bluesky: |
بطل الفليم وش نسوي عاد قصمان لازم جيب ربع ولا جيب اما كولون باول على خبري به ماجازله الوضع وقدم استقالته ليش مادري :embarrass والظاهر مايبونه يكب العشاء ويسلمو على هالطله وشكرا لك |
| الوقت المعتمد في المنتدى بتوقيت جرينتش +3.
الوقت الان » 10:53 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd