|
الرجاء من الجميع الدخلول والإعتذار (للثغرة) الذي أصبح (صخرة) !! لقد كان اللاعب فهد المفرج في هذه المباراة (صخرة) تتحطم أمامها كل الهجمات التونسية بعد أن (ثغرة) واضحة في الدفاع الهلالي نال على إثرها الكثير من عبارات الإستهجان :no: وقد وصلت لحد (الشتم) :no: ولكن الثقة التي أولاها المدرب (باكيتا) لهذا اللاعب والإشادة المستمرة به جعلته يقدم مستويات متصاعدة من مباراة لاخرى جعلته اللاعب الأول في الفريق على الأقل في مباراة (الافريقي) وقد أمتاز اللاعب طيلة الفترة الماضية بالصبر حتى نال (الإمتياز) :yes: وأنا هنا وكوني أحد اللذين أساءوا لهذا اللاعب في فترة من الفترات ونظرا للتحول الكبير الذي ظهر به في مباراة الافريقي وقبلها مباراة الأنصار أقدم إعتذاري الشديد وفي نفس الوقت أقدم باقة ورد محملة بالأكاليل والزهور والدعاء له بالتوفيق والسداد ؛؛؛ |
الـــــــــــــــــــــــــــــعـــــــــــــــــــــــــذر والـــــــــــــــســــــــــمــــــــوحــــــــه ياابراهيم المفرج والله يوفقك ان شاء الله 1000 مبروك الفوز وان شاء الله تكون الانطلاقه القويه لابراهيم............... |
المفرج ماشاء الله علييه صخره اليوم بكل ماتعنيه الكلمه من ذالك وبالتوفيق له ان شاء الله |
مع احترامي لك ولشخص فهد يؤسفني أن اقول لك >> معصي وقناعاتي لن تغيرها مباراة واحدة |
اخوي الجمهور حاكم على المفرج بالاعدام من اول موسم لعب فيه للهلال وفي مباراة كانت اكبر منه بذلك الوقت .,.,. والمعروف عن الجمهور انه لايغفر لمن كرهه مهما قدم من مستويات لذا ارى ان المفرج اصابه حاليا تبلد بالاحساس ولم يعد يلتفت للجمهور وهذا هو الافضل .,.,.,. لذا اعتذاركم له لايقدم ولا يؤخر بالامر شيء .,.,. |
والله انا ماعمري تكلمت عليه ولا احد من زملائه لان مهما كان لكل شخص ظروف ترفع مستواه وتهبط مستواه وانشاء الله ان المفرج يستمر بهذا الابداع |
إقتباس:
ترانا نقصد الهلال موب الرياض عام 1420 وبالنسبة للاعبنا فهد ..... فما اتوقع ان مباراة وحده تكفي ....... |
ياناس طيب إيش المشكلة إثنوا عليه على ما قدمه اليوم فقط وإنسوا الماضي |
((((جماهير الهلال وفهد المفرج )))) جماهير الهلال لا ترضى ألا بالأفضل هذا هو سر إنجازات الهلال أي لاعب يرتدي الفانيلة الزرقاء ولا يقدم المستوى المطلوب لا يرحمه جمهور الهلال والشواهد كثيرة فهد المفرج كنت من المتابعين له من بداياته كان يلقب بالأمبراطور الصغير يعني خليفة صالح النعيمة كانت بدايته قوية مع شباب الهلال والمنتخب وكان هو كابتن منتخب الشباب وكان الجميع يتوقع له مستقبل كبير مع بداية صعوده ولعبه لفريق الأول أنخفض مستواه وأصبح هذا اللاعب أسير لدكة الإحتياط مرت السنين وأصبح الكابتن عبدالله الشريدة غير قادر على العطاء كما كان سابقاً وأصبح المفرج يلعب أساسياً جاء أديموس ( الله لا يذكره بالخير ) فأصبح يشرك المفرج أساسياً ثم جاء باكيتا وأصبح يشرك المفرج أساسياً ما السبب ؟؟؟؟؟؟؟ السبب بكل بساطه هو أن المفرج هو أفضل الموجودين وهو من يستحق اللعب أساسياً الشريدة الجنرال ( أصبح كبير في السن ) أحمد خليل ( إصابات ومشاكل مع الإدارة ) الهليل ( مصاب ) إذاً ليس هناك ألا لاعبنا المخلص فهد المفرج ( والجود من الموجود ) مشكلة المفرج : مشكلته بإختصار أنه ثقيل الحركه ولا يجيد تخيلص الكور العرضية أحياناً لكن أفضل ميزة في فهد المفرج هي تخليص الكور العرضية برأسه فتجده أفضل من يخلص الكور العرضية بالرأس سبب إرتفاع مستوى فهد المفرج : بكل بساطه السبب هو جمهور الهلال لأن جمهور الهلال لا يجامل أي لاعب على حساب النادي وأكبر دليل هو الكابتن سامي الجابر إذا إنخفض مستواه يهتف الجمهور ضده وإذا أرتفع مستواه يصفق الجمهور له |
بس المشكله ان كل ما عطوه الكوره يخوف تحس انه بينكب لكن البارح كان نجم الفريق هو وسامي |
المفرج امس ماقصر وانشاءالله هذي بداية الأنطلاقه الى النجوميه والله يوفقه |
ياما كتبنا وقلنا شوي شوي على هاللعيبه...لكن مارحمتوهم..وهاهم اليوم يفرضون علينا الاحترام بل والاعتذار...بطل يامفرج برأيي هو رجل المباراة الاول... |
[b] إقتباس:
|
إقتباس:
أما المفرج أحسن من عبدالله الشريده وأحمد خليل قويه صح من وراء هذا الكلام هل هو فعلاً المدرب أم منصور الأحمد ( قويه واسطة المفرج صح ) |
والله اذا يبي يستر على هذا الحال في كل المباريات فهذا لاعب يستحق يلعب مع الهلال اما اذا مثل اول لا والله مانقبل ابد واذا استمر على هذا الحال فأنا اول المتؤسفين لك |
يعطيكم العافية وكل هذه الاراء بالتأكيد سوف يقرأها المفرج وراح تترك آثارها على مستوياته للأفضل بإذن الله وخبر اليوم بفلوس وبكرة ببلاش وتأكدوا من كلامي هذا وقولوا عاشق (التميز) قالها |
والله بصراحة فهد يصيب مباراة ويخطئ ..... مباريات وإن شاء الله يتحسن من مباراة إلى أخرى |
كل لاعب له ظروفة الخاصة بس المفروض اذا ماتقدر تقدم شئ في المباراة او عندك ظرف لا تلعب عط غيرك المجال فية الف لاعب يتمني يرتدي شعار الزعيم وانا منهم ولكم التحية والف مبروك الفوز |
كل لاعب له حسنات وسيئات اهم شئ يركز اللاعب والجمهور لايتحمل خطاء اللاعب مهما كان |
الحكم لا يكون على حسب مباراة واحدة مع ذلك هو يشكر على ما قدمه في مباراة اليوم من مستوى جيد لكن هذا لا يعني خطأ نظرية الجمهور فالمباريات القادمة ستثبت هذا |
إقتباس:
|
مع احترامي لشخص المفرج بس والله مايطلع رأس والله مهب لاعب كوره هذا ياناس والله لو اجيب واحد مايعرف يلمس الكوره ان يبعد امس ضد الافريقي والايام تبي تثبت لكم وشو فهد المفرج من لاعب وقناعتي فيه مارايح تتغير لو يجب كأس اسياء سعود الحماد مايعرف يلمس الكوره رجليه وكان يجيب اهداف وفوز الهلال كثير بس مانسميه نجم لو يسجل عشره ونفس الشي على المفرج انا احترمه كا شخص بس كا لاعب اسمحو لي والله انه من جنبه والكوره وااااااااااااااسطات عندنا وكله من خالد ابن محمد تحياتي وسلام |
وش داب خالد بن محمد عند المفرج حبيبي إنت لوسمعت كلام المدرب بعد مباراة الانصار ماقلت هالكلام . وعالعموم هذي وجهة نظرك وعلينا احترامها |
إقتباس:
ثقيل مرررررررررررررة |
مباراة واحدة ماهي مقياس له لان نكباته كانت في اغلب المباريات الي يلعبها |
أنا أرى .. بعد هذا الإبداع الذي يدعي بعض الجمهور الهلالي أنه ابدع في مباراه الأفريقي فأنا من وجهة نظري الخاصه .. ومع أحترامي الشديد له أن يقدم إعتزاله .. لأنه أفضل وقت لتقديم أعتزاله الكره !! مشكله المفرج الوحيده .. والذي نعاني منها كجمهور كثرة أنزلاقاته في تخليصه للكره حتى لو محد بجنبه !! نستا الإيطالي مايصف بجنب المفرج !!! شئ غريب من المفرج صراحه صحيح في بعض الكور تحتاج للإنزلاق في تخليصها ... لــكن مب ( حلى ) كل شوي مسويها حتى لو محد جنبه أنا أرى لو يشيلون المفرج ومطاريس كلهم .... ويخلون الدفاع كله سعودي ( يكون الهلال بخير ) أحمد خليل .. الهليل .. المرشدي .. الحريصي .. الخثعمي <--- اللي أبدع بالصداقه عطوا هذول فرصه وبتشوفون قوة سنتر الهلال بالتوفيق على العموم وملاحظتي الأخيره أن ( المفرج ) فيتامين ( واو ) قوي جدا في الهلال بالتوفيق لزعيمنا |
الحمدلله اني هلالي فهد في هالمباراة ماقصر والحمدلله ان مستوى حس الجمهور بدا يرتفع مع ارتفاع مستوي الزعيم |
احم احم والله الرجال ابيه يحللني بس لكن ليش اعتذر لاني لو ماكنت انا وانتم نحرص عليه وعلى مصلحة النادي كان ماانتقدناه عموما ((((((((((زيدان))))))))))) ينتقد فكيف الحال بي المفرج |
اقول والله انكم صدق جمهور عاطفه ياناس فهد المفرج كلاعب لايصلح وخصوصاً للدفاع يعني سجل هدف انقلبت الدنيا وبعدين اللي يقول مباراة احد كان صخرة يرجع زين للفيديو الله يصلح حاله ويشوف المفرج وين كان واقف من اللاعب اللي سجل الهدف ووش كان يسوي... والله لو معه كاميرا ليصور الهدف بالحركه البطيئه....... |
فهد المفرج تعرض لسيل من الهجوم الجماهيري على مستواه ولو كان واحد غيره كان أنهبل !!!! بس الرجال ثقته بالله ثم في نفسه وصبره وهدؤءه وكذلك حسن تعامل المدرب وتفهمه للوضع وعدم الإكتراث بما يقال عنه ويكتب عنه جعل منه لاعباً صامداً إستطاع من مباراة وحدة فقط أن يغير بعض قناعات الجماهير. تمنياتنا للنجم المفرج بالمواصلة في تقديم المستويات الجميلة . |
ههههههههههه والله شئ غريب صدق أذا قالوا ( جمهور عاطفه ) الله يوفق الزعيم بس |
سمعتو ببيضة الديك , تألق المفرج المزعوم هو بيضة الديك رأيي فيه لن يتغير لاعب محدود الإمكانات مكانه في غير نادي الهلال نادي المواهب الحقيقية الذين ينتقدون المفرج انتقادهم بني على ما قدمه خلال عدة سنوات وليس من مباراة أو مباراتين كما هو حال الذين يشيدون به حالياً إن كان قدم مستوى في مباراة الأفريقي نقول له شكراً ولكن رأينا فيك يالمفرج لن يتغير ندعوك لمرافقتنا في المدرجات وترك العك في هلال المواهب , يعني مشجع وليس لاعب |
| الوقت المعتمد في المنتدى بتوقيت جرينتش +3.
الوقت الان » 07:14 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd