كومة نجوم الريال تسقط .. ما السبب ( آرائــكم اخواني )
 

السلام عليكم ورحمه الله وبركاته .. اخواني اعضاء المنتدى
بصراحه .. شيء غريب ان نشاهد نجوم امثال زيدان و فيجو و راول و كارلوس و بيكهام و رونالدو و اوين تسقط في الليقا الاسبانيه وترينا مستوى رديئا لم نتعود عليه,, اسماء كبيره .. لامعه .. تعودنا ان نراها حامله انجازات عالميه كبيره .. من يتوقع ان جتماعهم ينعكس عليهم .. اعزائي انا لا اتكلم عن ان اكون مشجع البارسا او مشجع المان يونايتد او مشجع الآرسنل او اليوفي او او او .. او حتى ريال مدريد .. نحن نتكلم عن حلاوة كره قدم نريد ان نستمتع بها .. هل يعقل ان اتمنى ان اشاهد مباراة رديئه للفريق الفلاني لأنه الفريق الخصم او انه المنافس الاول لفريقي ..اعتقد اننا اذا كنا نريد ان نحب رياضة كره القدم فاننا يجب ان نحب المباراة الجميله نفسها .. اخواني نحن فقدنا لعب فريق الريال الرائع الذي يضم كومة النجوم تلك ..
سواء كنت تشجع اي فريق آخر غير الريال .. اريد ان نفتح حوار واقعي ومحترم
ارجوا ان يكون كلامي في عين صوابه ولا تكون بين ردودنا تلك العنصريه المشجعه
اتمنى انكم تطرحون اراء سقوط الريال مع الرغم من هذه النجـــــوم ..


وبالتوفيق للكرة العالميـــة الجميله :) ولباقي الفرق اللامعه

السبب رئيس النادي ..... لأنه يتدخل بالتشكيله ويفرض راؤول مع انه ما حولك احد........ وينقصهم مدير فني محترم وشديد ويظبط اللاعبين زي ... اليكس فيرغسون .... آرسين فينجر ... انشلـــوتي ((ميلان)) كل الفرق اللي ذكرتها وغيرها من الفرق فيها كم هائل من النجوم ومع ذلك سيطر عليهم المدرب وخلا كل واحد منهم يمشي على الخطه مع العلم ان أعضاء الشرف بالأنديه اللي ذكرتها لا يتدخلون بعمل المدرب أبداً وهاذا سر نجاحهم ....... وبالنسبــــه للريال الريال اذا كان في افضل حالاته لا يهزم ابداً حتى لو يلعب مع 30 لاعب الريال اذا كان في حالته الطبيعيه والله مايهزم

زيدان و فيجو و كارلوس وسلقادو أعمارهم أكثر من الثلاثين يعني خلاص استهلكوا جسديا

ومحبطين نفسيا وبيكهام مين يوم ماعرفت ان زوجته تنسق دعاياته وانا غاسل أيدي.

بكل أختصار الفريق يبيله أعادة تأسيس وأولهم رئيس النادي.(( مشكور عل الموضوع ابو صلوووووووح))

AZZURI LOVER : s28s


بلاشك .. الى جانب ريكارد .. الهولندي مدرب البارسا .. يشرك صغير وكبير ويستفيد ..
وانا متأكد انه لو مالعب راؤول كان الجماهير حتى زعلت .. لانه اذا طلعه بالشوط الثاني .. زعلت !!
اما الرئيس فهو يتدخل في لعب الانجليزي مايكل اوين حيث ان اوين هدد بالرحيل والرئيس قال للمدرب
ان اويين لازم يلعب !!



ضااااايع وبقوه .. لاعبين مايقدرون يلعبون 90 دقيقه !!!
رونالدو وزيدان وراؤول وبيكام .. اللياقه من جمبها ولايقدرون يلعبون مبارات كامله .. اما قوتي
رغم ان ايتو قاله كيف الحال .. الا اني اعتقد انه اللاعب الوحيد الي لعب من قلب وقدر يمسك
الريال من تارخيه .. قوتي لعب الى اخر لحظه .. وقدم كل ماعنده كـ لاعب .. اما كـ ملاكم
على العموم الريال بـ حاجه لـ زياده معدل لياقي لدى بعض اللاعبين .. والسب الوحيد هو المدرب الي
يشوف كل ذا ويسكت !! .. المفروض يشوف حل من اول مبارات شف زيدان يسحب رجوله تقول ابو80 سنه
فعلا الريال بـ حاجه لـ (طاقم كامل) تدريبي جديد وبحاجه لـ 6 الى 5 لاعبين صغيرين يجددون
دم الفريق !!

__

شـ اكـ ر لـ كـ مـ

اخوي ازوري لوفر .. احترم وجهة نظرك وشكرا على درك الجميل اعتقد اننا فهمنا عليك ولكن ممكن تقرا الموضوع زي الناس يعني وش دخل مباره البارسا والريال .. وانا آسف صراحه اذا قرفت من الديربي .. ما بيدي شي اسوي .. شكرا لك

ولا لا تجديد ولا غيره

فقط مدرب صارم يجعل من روبرتو كارلوس ورونالدو احتياط مباراتين

وتشوف
ولا فيجو يبغى صرامة ؟؟
حتى جدتي يوم شافته مسك الكورة تقول راعوا له هاللحين ينحاش بالكورة عند الخط .

اشكرك اخوي ( توتي 10 ) على ردك المتفهم (والهادئ) وجهة نظرك احترمتها :)



اخوي الاسير الازق شكرا على مشاركتك .. وتحياتي للجده :)

شفا يا شباب اذا تبون الصراحة السبب الرئيسي هو غباء بيريز رئيس الناي اي لاعب يصير مميز يجيبه وشوف الغبي وش سوى في حاله ويبي يلعبهم كلهم مع بعض مفكر حاله يلعب بلاي ستيشن والا يطال مسلسل الكابتن ماجد
والنتيجة فيجو اساس البلى من السنة القبل ماضية اللي اذا يمسك الكورة لازم يحاور ويضيع مجهود الفريق كله ما احد ادبه وعلمه يحترم المدرب ويحترم الفريق ويلعب لعب السهل الممتنع يعني ما يتفلسف ورؤال اللي لازم يحطونه في التشكيله حتى لو انه مايعرف يلعب وزي الاهبل في المباراة وبيكهام اللي حاطيه ورا النص يني مو في مركزه ومتوقعي منه كل شي (قمة الغباء) وجوتي اللي ماله داعي اصلا صاير شارع بدون اشارات والمدرب زي الابل ماله اراء هالفريق لو يمسكه فريحسون او فيجر او كلينسمان (مو لانه نده خبرة لا بس لانه شيد ولا يحب الدلع مع النجوم والدليل اللي سواه مع كان وليمان ومدرب الحراس) لا اللاعبين متعودين على الدلع.

والله السبب كثرة النجوم

ياشين الطباخين إذا طبخو في نفس الأكل
والله بديت أكره الريال
والله مايبلهم إلا عصى يجلدون فيها وأولهم رأيس النادي
هم المدرب
بس مافيهم واحد فاتح عيني إلاالحارس

أعتقد ان السبب هو المجاملة فنشاهد ان هناك الكثير من اللاعبين لا يؤدون ما عليهم و نشاهدهم يكمبون كل المباراة فاذا شاهدنا المباراة الماضية نشوف ان زيدان و راؤول و روبيرتو كارلوس كانو سيئين للغاية ويجب اخراجهم من الشوط الأول ولكن المجاملات شوفو وش سوت في الفريق .
أما عن رونالدو فاعتد انه مايلام البتة فهو لعب وسوا الي عليه بس اصلا ما جته كورة واذا لمس كورة على طول 3 الى 4 لاعبين حوله فكيف تبوه يلعب وخاصة انه مافيه مساندة من النص.
نتمنى ان صفقات الصيف تعيد لنادي هيبة.
مبــــــــــــــــــــروك للبارسا