السلام عليكم ورحمه الله وبركاته


يا اخوان انتم تعرفون ان مباره الافريقي من اقوى المباريات اللتي سيخوضها الازرق هذا الموسم

يعني انا ما اشوف اي معنى لعدم الحضور وخاصه ان الازرق يقدم افضل المستويات بعد سبعة انتصارات متتاليه وصراح اتمنى ان الملعب يكون بكره مليان لان المباره في الملز وزي ما انتم عارفين ان ملعب الملز صغير مهوب مثل حجم معلب الملك فهد يعني مشكله لو ما يمتلي الملعب وخاصه ان المباره تاتي بعد اعلان الفيفا ان الهلال حقق المركز 79 على المستوى العالمي

بعدين يا اخوان لا تنسوا ان المباره مشفره يعني الاخوان اللي ما اشتركوا ما لها داعي تروح لم مقهى ولا شي اللي تبي تدفعه في المقهى ادفعه في الملعب

على العموم انا اللي ان شاء الله ابسويه بكره اني وعلى اقل تقدير ابسحب معي عشره من اخواياي واقاربي على اقل تقدير اتمنى انكم تسون هالحركه

وفيه شي ثاني مهم مهم مهم اذا بتحضر وبتجلس ساكت في الملعب ولا تقعد تسب الاعبين واللي يرحم والديك انك تجلس في بيتكم اصرف لك ولنا لاننا نبي وبكل صراحه الجمهور كله يشجع ما نبي يسكت ابد نبي نغير الفكره في ان جمهور الهلال ما يتفاعل الا مع الاهداف بس


وعذرا على الاطاله
عاشق شقراء