وشلون تستغرب تمسكنا بتوليو ؟! يا أخ ابوخالد
توليو من أفضل الاجانب الموجودين حاليا

ومع احترامي لرايك توليو أفضل من فيصل وخميس لأنه لاعب مقاتل واذا انقطعت منه كورة ما يرتاح الا لو قطعها من اللاعب اللى قطعها منه . وثانيا يتميز بالتمرير المتقن وأيضا يتميز بالتسديد على المرمى اذا سنحت له فرصة وهذه الصفتين يفتقدها خميس العويران وأيضا فيصل ، فأنا لا أقلل من شأنه فهو لاعب كبير لكن الافضل هو ( توليو ) بدون منازع

بالمختصر المفيد توليو الأفضل

نفصله ونطرده ومعاه المسعري و عندنا احسن منهم هم ابو اثنين

<FONT color="#0005FF">بالعربي الفصيح00أخذةالأداره فرصتها بالتجارب ألأن نريد لاعبين على مستوى ومدرب معروف وبس0</FONT>

كلام صح
 

كلامك صحيح وعندنا ماشالله لاعبين في مركز المحور ولازم نستفيد من استبدال توليو بلاعب اجنبي افضل ومركز مغاير؟

والله صدقت يا ابو خالد , وكلام كل الي طالبوا ببقاء توليو حلو بس نبي لاعبين كوبسين في مراكز الضعف .
اخوي كايدهم شكرا على ها المعلومة بس الهلال يحاول انه يوافق الاتحاد السعودي على انه يسجل لاعب رابع ( ها الكلام من الجرايد ) بس ما ادري وش صار عليه .

مع احترامي لجميع آراء الشباب توليو مطلوب لو منجيب رونالدو .
أرجو من الإدارة الهلالية ألا تلغي أي عقد من اللاعبين الأجانب حتى يحضرون البديل ويجربونه .



ودمتم ...............................

الـــسلام عليكم؛
اختلف معاك يابو خالد في اللي قلته لان توليو من افضل اللاعبين الاجانب في المملكه
اما بالنسبع لخميس هل تضمن ان يرجع مثل مستواه وهل تضمن ان يلعب في كأس العالم ابسط مثال التيماوى احتـــاج وقت طويل حتى استرد جزء من مستواه ووجود توليو مطلب رئيسي مع البحث عن صانع العاب
<FONT color="#0144FF">الاختلاف في الرأي.............لايفسد للود قضيــــــــــه</FONT>

بعد روحي ابوخالد توليو احسن لاعب وسط هلالي بعد ابوبندر"شفاة الله"

الثنيان طبعاغير

الحين نبي ادارة الهلال تشتري عقده

الرجاء من الاراة شراء عقدة حتى ولو كا غالي قليلا

تذكروا سرجيو ومن جاءبعده تذكروا يردنيسكو ومن جاء بعده وكم كلفو

والله يا جماعة واضح إن الغالبية مؤيدين لبقاء توليو بس المشكلة إنه حاجز مكان لاعب أجنبي في وقت إحنا نحتاج فيه للاعبين في مراكز مختلفة بشكل أكبر بكثير ..
أنا معاكم إن توليو لاعب ممتاز جدا ولكن مثل ما تفضلوا بعض الشباب إن في فيصل أبو اثنين يؤدي نفس الدور وأنا بصراحة شايف وجود خميس مع فيصل بيكون ثنائي رائع في هذا المركز ..

بالنسبة لصناعة اللعب فوجود الثنيان وسامي في هذا المركز يغني عن أي أجنبي ..

لكن المراكز اللي نحتاجها بشده وجود أجنبي (( متمكن )) وأكرر على كلمة متمكن وعالمي - مو بس بالإسم إنما بالمستوى كذلك - هي :

رأس الحربة : فروني هذا بصراحة زي ما يقول ناصر الأحمد .. والله لا يعرف يصنع هجمة وما تستفيد منه إلا إذا أعطيته كوره مقشره عن الباب وقلت له حطها هدف .. والكاتو نفس الكلام .

قلب دفاع : فمع إحترامي للشريده وخليل وسليمان لكنهم لن يستطيعوا مقاومة العالميين الذين سيقابلونهم في كأس العالم وما يفل الحديد إلا الحديد .. يعني يحتاج لهم عالمي زيهم .

الظهير الأيسر : لأن بصراحة النزهان مدري شايف نفسه مارادونا على إيش !!! صحيح أول كان يتجاوز اللاعبين لأن اللاعبين ما كانوا يتخيلوا إن واحد زي النزهان يجرؤ على المراوغه .. لكن لاحظ من يوم ما انتبهوا له لاعبي النصر .. ما عدّا ولا من لاعب !!! ومحمد لطف قول عليه السلام .

أما والله إذا أتكرم علينا الإتحاد السعودي بتسجيل لاعب رابع وهو ما طلبته إدارة الهلال فوقتها بيصير خير ..

لكن يا شباب الأهم من هذا كله المدرب .. لازم يجيبوا مدرب عااااالمي ومتمكن وياريت لو يردوا يوردانسكو .. والله إنه من أفضل المدربين اللي مروا على الهلال
وفيه المدرب لازاروني مدري تذكره وللا لأ .. هذا المدرب جا وحقق مع الهلال كاس الإتحاد وكاس ولي العهد وتصدر الهلال الدوري ووصل للنهائي ثم خسر من النصر بمهزلة تحكيمية .. هذي الإنجازات الرائعه كان مصيرها إلغاء عقده بسبب هزيمة النصر بس !!! رغم إنها من التحكيم .. بصراحة كان مدرب ممتاز وعالمي .

المهم يجيبوا مدرب ممتاز والسلام مو زي هذا اللي عندنا والله مو عارف راسه من رجله .

:D:D:D:D:D
 

مع احترامي لجميع الاراء

اقول ان بقاء توليو افضل ....

والله يعين

أبوخالد هلا بك
الهلال لديه هذا الكم من المحاور وافضلهم خميس
وبالمقارنه توليو مع خميس نجد انهم متساويان في قطع الكره والدفاع
ولكن توليو يمتاز بتمريراته
وبعدين اللاعب ممتاز فعلا ياليت كل محترفينا بمستواه حسافه يروح
من المفروض الهلال يشتري عقده واذا مااحتاجه اعاره لاحد الانديه

مشكله الهلال انه يلغى عقد اللاعب الجيد قبل ان يوجد البديل الافضل ..

بعدين يحاولون يرقعون المشكله بلاعبين الدسته بريالين

سلام
 

انا والله راي مختلف عنك انا اقول ان توليو لاعب مميز وما سك محله صح وما شفتا منه اي غلط وانه لاعب متمركز واخفى نجوميت لاعب جونيور بذ كاء لكن اقول انه يكون موجود الى بعد كاس العالم ويشتري الهلال عقده لانه اكيد يبي يجيه عرض من نادي ونكون حنا الكسبانين واذا رجع اللاعب الموقوف خميس الى مستواه يكون قد بعنا عقده وخلاص.


<FONT color="#0201FF">الزعــــــــ زعـــيـــم ــيــــــم</FONT>

سلام
 

انا والله راي راي ثاني مختلف لكن توليو مربح للهلال وحنا شفنا نجوميته انه ما سك محله صح بدون اخطاء وانه جاب هدف في اول مباراه له وهذا دليل انه نجم ممتاز ولو يشتري الهلال عقده الى بعد بطوله كاس العالم لللانديه وبعدها يبي يجي الهلال عروض من انديه كثيره وهذا رايي والنادي له رايي ثاني اكيد .



<FONT color="#0B00FF">الزعــــــــــــــ زعيم ــــيــــم</FONT>