السلام عليكم و رحمة الله ..

أنـا عضو جديد معكم إن شاء الله في هذا الصرح الشامخ ..

و هذا أول موضوع و رد لي في هذا المنتدى .. <<<<<<<< اخلص علينااا

بسم الله ..

المهمة قبل الأخيرة اللي في المدينة الأولى ( Los santos ) بتكون الدنيا كلها حرايق و سرقة و مضاربات .. بعدين انت تروح و تدخل مهمة (S) بعدين يصير معك سيزر .. و أنت ما تدري وين تروح..؟

الحل عندي .. و بعد أن أنهيت الشريط كاملاً ... أي سؤال أنا جاهز للإجابة عليه .. << مسوي فاهم

ندخل في الحل ..

إذا خرجت من بيت سويت بيكون معاك سيزر .. و ما فيه أي نقطة تذهب لها أو على الأقل علامة ..

في هذي الحالة بيكتب لك كلام انجليزي سطرين .. معناته جمّع لك شلة من الرجال اللي لابسين أخضر بواسطة ( R1+ فوق ) بعدها بيحطون لك نقطة صفراء في الخريطة .. روح عندها ..

بعدين على ما اعتقد بتحاربون العصابة البنفسجية على أحد أراضيهم .. إذا احتليتها و صارت باللون الأخضر بيكتب لك كلام ثاني بالإنجليزي و طبعا ما راح يكون فيه علامة أو نقطة بالخريطة ..

معنى الكلام (( احتل ارض ثانية قريبة من هذي الأرض )) و إذا احتليتهم تنتهي المهمة بنجاح و ترجع لبيت سويت ..

ملاحظة هامة : يجب أن تحافظ على سلامة سيزر لكي لا يموت لان بموته سوف تخسر المهمة ..
----

المهمة الأخيرة <<< تحمس

أنـا حبيت أوضحها من الحين لانني متأكد أن الأسئلة بتكون كثيرة فيها ..

طبعاً المهمة نفسها مو صعبة مرة .. لكن لا يستهان بها ..

لكن الصعب هو المطلوب قبل ما تدخل المهمة ..

المهمة الأخيرة عند بيت سويت (S) بالأبيض اللي بالحارة ..

إذا رحت للمكان الأحمر اللي تدخل منه المهمة بيكتب لك كلام ..

و معنا هذا الكلام (( حاول تكون الأكثر سيطرة حول هذا المكان )) ..

و المعنى تجده بالخريطة .. افتح الخريطة و كبر الصورة على مدينة Los santos المدينة الأولى ..

بتلقاها ملونة ثلاث ألوان (( أخضر - أصفر - بنفسجي ))

هذي اراضي العصابات الثلاث .. المطلوب منك إنك تصير أكثر واحد ملون يعني يصير اللون الأكثر هو (( ألأخضر )) و الطريقة إنك تروح لمكان ملون ببنفسجي أو أصفر بعدين تدور شلة يسولفون بعدين رشهم بالرشاش الى أن تعلن الحربو المكان بيكون يومض باللون الأحمر إلىأن تنتهي الحرب بفوزك أو العكس ..و لازم تفوز حتى تصير الأكثر ..

بعدين كيف تعرف إنك وصلت الحد المطلوب للسيطرة ..

استمر في الحروب الى ان يدق عليك سويت بالجوال .. اذا دق عليك و كلمك اعرف انك وصلت الحد المطلوب .. ذيك الساعة روح لمهمة حرف (S) في الخريطة

بعدين المهمة يبيلها سلاح محترم .. مثل ( M4 ) الرشاش حلو في هذي المهمة ..

المهمة طويلة و حلوة بس الصعب فيها المبنى اللي فيه Big smok هناك بداية المهمة ..

الطلوب منك المهارة في القتل و التحرك بشكل سريع فقط .. و الباقي ما فيه تعقيد مررة يعني انت اكتشفه بنفسك .. و في الوقت نفسه ما ابي احرق عليه اللعبة و هي في نهايتها ..

أتمنى إني وضحت للجميع .. و اللي عنده سؤال أو استفسار أنـا جاهز ..
تحياتي للجميع ..

دمــــ الفرح ـــــوع