|
تــــحــية لأحــمــد بــــديــر .. حضت مساء الامس اول ايام العيد المبارك مسرحية حرب النجوم والتي كان ابطالها احمد بدير ، المنتصر بالله ، عبدالله العامر ، ابراهيم الحساوي ، عبدالله السناني . امتـلأت الصاله بالكامل حتى ان درج المسرح جلس الجمهور عليه بل وصل الأمر الى جلوس البعض على الارض امام المسرح مباشره :eek: .. باختصار الصاله مليان على الآخـر .. بدأت المسرحيه وكانت بدايتها عاديه جدا حتى انتهى اول مشهد ثم من بعده تغير الحال كثيرا و استمتعنا بباقي المشاهد ولعل أبــرز مادار فيها >>> اللي بيروح لا يكمل الموضوع :D - محمد الكهنل ( مادريتااا ) غـنى اغنية البرتقااله بالايقاعات ورقص عليها :D - قـفاشات عديده بين المنتصر بالله والعامر والحساوي .. ولكن لعـل الاهم هو عندما دخل احمد بدير للمسرح حـياه الجمهور تحية كبيره جدا ولم يتوقف الا يوم قال احمد بدير .... بسسسسسسسسس ياقماعه:D الاهم هو عنـدما دخل احمد بدير للمسرحيه تغيرت 180 درجه واصبحت كل ثانيه تذهب ونحن نتحسر عليها ، فاحمد بدير نسم تـنسيم مهوب طبيعي :D .. احد الاشياء اللي قالها مسك .. مادريتاااا وقاله بقولك نكته : مطيري تزوج مطيريه وفي اول ليله طفوا اللمبات قالت هذي فرصتك قام سرق جوالها :D ثم قال ترا احنا يالصعايده اخوان الحواطى :D المهم احمد بدير كان دوره صعيدي ويقابل اخوان اللي بيأخذون الورث عاد مشكلين سوري و سوداني وعراقي ومصري وسعودي وبحريني .. وكان يدور على المصري حتى يقتله لانه تزوج على اخته :D.. فمشى على واحد واحد الين وصل للعراقي وقال انت من وين واسمك ايه ؟ قال انا عبااااس .. ومن العراااق . قال احمد بدير : انتم اجدع ناس والله ينصركم على الكلااااااااااااااااب .. بعدها عااااصفه قوووية بالتصفيـق من قبل الجمااااااهير .. - المسرحيه فيها اشياء كثيره ماقلتها ، بس اللي جالس في بـيتهم نصيحه ينـقز ويحضرها بس يجي بدري لان اللي تأخروا مالقوا مكان وبعضهم كان واقف وهو يتفرج . - وللطفرانين ترا الدخول مجانا .. ولا فـيه تـفتيش يعني تقدر تجيب كاميرا وتصور أو مشروبك وتدخل مافيه اشكـال .. - الجميع خرج مبسوط والاهــــــــــم من هذا كـــــــــله : انها لأول مره الحــضور كان للعـــزاب ومافيه للعــــوائل :D .. |
[ALIGN=CENTER] الله يرجك شوقتني :p أقول وينها ومتى وكيف وليش ولماذا ولعل :dead: ^^ ليش داخلة بالغلط :D إيه صدق وينها فيه مع الوصف لا هنت :D بايهاااااااتو :p [/ALIGN] |
هلا لوحه مميزة :) .. المكان : مركز التطوير و الوسائل التربوي في حي الريان العرض :يبدأ الساعه 10 مساء وتخلص 12.30 . الوصف بصراحه منيب من شرق الرياض لكن بوصف لك وعساه يكون واضح .. وانت جاي من طريق خريص رايح شرق يجيك وكالة الجميع ثم هـوندا على مخرج 24 .. بعد هوندا فيه شارع تلف يمين تدخل شارع فرعي ... تمشي طوااالي الين يجيك حرف T تروح يمين اجباري ثم تمشي طوالي الين تجيك اشاره تأخذ يو ترين وترجع لنفس الشارع وتمشي طوالي تجيك اشاره لف يسار تلقى المبنى على يسارك . وهذا رقم اللجنة للامانه يردون عليك بأي لحضه وأي استفسار تلقى عندهم رد سجل رقمهم ان ضعت هناك :) .. هـ : 2917927 وننتظر رأيك :) |
حركتات حتى الرياض فيها مسرحيات <<< وش تبي ذي !! اما احمد بدير دووم منسم ماشاء الله عليه كل عام وانت بخير |
كبير الممثّل هذا اللي اسمه أحمد بدير .. |
من وصفك شكلها بالكليه التقنيه بالرياض ......... (اما احمد بدير دووم منسم ماشاء الله عليه ) ههههههههههههههههههههههههه حتى على التنسيم خايفين تنحتونه هههههههههههههههههههههه ,,, الله يستر ما ينسم مخي بيوم من الايام وتقولون ماشاء الله عليه منسم ههههههههههههههههه ,,, |
[ALIGN=CENTER] تسلم أخوي كايدهم ويعطيك العافية :) هذي الكلية التقنية بالريان ووصفك هذا البوابة الرئيسية (الإدارة) :) والمسرح هذا حظرت فيه كم حفل :) ما شاء الله كبير مره :) بس عيبه ما في مواقف إلا على الشارع [/ALIGN] |
هههههههههههههه فاتتني الموقع يبعد عن بيتنا 100 متر بس اخ يالقهر عموماً هي بتنتعاد اخوي والا لا |
[ALIGN=CENTER] ^ بتنعاد تخاوي :D [/ALIGN] |
هلا مجنونة الهلال إقتباس:
بس شيء احسن من لاشيء . وانتي بخير وشكرا على ردك:) .. هلا هوجن_15 .. يستاهل وصراحه ماتوقعت شعبيته كذا :uhoh: هلا abo-15-yaqob :) هي بمركز التطوير والوسائل التربوي بس مدري هي كلية التقنية او لا . إقتباس:
هلا لوحة مميزة اها كلية التقنية صح المواقف مافيه الا على الشارع بس انا دخلوني جوى :D هلا هلالي موعالبال .. بكره آخر عرض هي تستمر 3 ايام وماادري سمعت يمكن يمددونها اذا صار فيه اقبال عليها . يعني بكره آخر يوم للعرض الي هو الاثنين .. الحق ماتحلق :) . تحياتي للجميع :) |
^ ^ متى بتنعاد |
بكره الاثنين الساعه 10 مساء . وتستمر تقريبا ساعتين ونصف . |
مشكور يالغالي وانشاء الله نحضر |
لا تفوتكم مسرحية ثانية أ أنواع التنسيم هناك محمد العيسى و حبيب الحبيب و سعيد السعيد وفيه ممثلين ثانين بس أنوااااااااااع الهسترة والمخرج عبدالإله السناني الموقع مسرح مدارس المملكة بحي الربيع بس لاتفوتكم سعيد السعيد غطى على نانسي في الرقص !!!! |
- هلا ابـــــو خــــالـــد العفو حبيبي .. - هلا توتي - 2004 والله سمعت من واحد ثاني أ يقول قوية خصوصا العيسى وحبيب الحبيب .. ان شاء الله نروح لهـا خصوصا شفت حرب النجوم ورابطة المشجعين واليوم ثانية أ :) .. شكرا لك |
| الوقت المعتمد في المنتدى بتوقيت جرينتش +3.
الوقت الان » 09:45 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd