@@@ السلام عليكم ورحمة الله وبركاته @@@

هذا موضوع كنا نتناقش فيه اليوم الشباب في الاستراحه الموضوع وهو موضوع الخطبه (( والشوفه))

طبعا فينا من أهل القصيم ، والشمال ، واهل نجد ، واهل الجنوب ، واهل الشرقيه .

أحد أقربائي من الشباب كان يتكلم عن الخطبه وان أهل البنت عطوه موعد من أجل (( الشوفه ))

فقام أحد الشباب ورد عليه وقال وشلون الشوفه . ،،، انا ارتفع ظغطي وقلت له يعني ما تعرف معنى الشوفه هذا كبرك وتسال مثل هالسؤال ... رد علي قال يعني يروح يشوف البنت قبل الملكه . رديت عليه وقلت اي . قام الاخ ورد علي قال انتم عائله متحرره .

وقال حنا الرجال منا ما يحلم يشوف اختي الا بعد الملكه ،،، رديت عليه طيب وان ما اعجبته بعد الملكه يطلقها ،،، قال لا . ليش يتزوجها اذا يبي يطلقها ..

قلت له طيب انت كيف تبي تتزوج ،، رد علي قال تروح امي واختي يشفون البنت ،، ورديت عليه قلت طيب وان ما اعجبتك الي اختاروها لك . طبعا سكت ولا قدر يجاوب . ورد علي وقال هاذي عادت وتقاليد ولازم حنا نتتبع هاذي العادت . ورديت عليه وقلت له ما دمرنا الا مثل عادتكم البايخه والا مالها معنى .

ورد علي قال أنتم فئة تتبعون عادت وحنا لنا عادت . واسال أكثر الشباب وشف وش يقولون وقام يسال الشباب طبعا كان فيه منهم مؤيد لرأي خوي ،،، ولكن الاغلب كان مويد لرايي . والذي أشوفه بصراحه هو الصح والمنطق .

ودي اشوف رأي أعضاء المجلس العام بحكم أنهم ايضا من جميع مدن المملكه

وماهو رأيهم هل هم مؤيدين للرأي الذي يقول الافضل الشوفه أو الامتناع عن الشوفه الا بعد الملكة


$$$@@@والموضوع الثاني وهو موضوع المهر$$$@@@.

الموضوع السابق فتح موضوع اخر وهو المهر ، فالصراحه تعجبت من أحد الاصدقاء الذي قال

حنا نتبع شي معين أن المهر المتبع عليه والعادات عندنا ،، أنه لو تقدم لخطبة أختي شخص من نفس العائله يكون مهرها في حدود 20.000 الف ريال ،،، واذا كان الشخص المتقدم لها من خارج العائله يكون المهر فوق الثمانين ألف ريال .
ملاحظه : قصدي من نفس العائله الشخص يتبع لقبيله العمري يعتبر من العائله ،، اما شهري أو قحطاني ، يعتبر من خارج العائله .


اما حنا أهل القصيم ، فالحمد الله أن مهورنا والمتعارف عليها في حدود 50.000 الف ريال وهو مهر معقول لبنت مقبله على الزواج . وحنا بصراحه أشوف فينا نوعين من العادات (( الاول)). في ناس عندنا ما على الزوج الا يقدم مهر وشبكه وصباحيه ، وتكاليف الزواج على أهل العروس . بشرط ان الزوج ما يشرط أن يكون الزواج في مكان معين .

والنوع الثاني ،، أن بعض الرجال يقدم مهر بحدود 30.000 الف ريال ويكون الزواج بالنصيفه بين اهل العريس واهل العروس .

، وان كنت انا شخصيا أميل للنوع الاول ...

أما اهل الحجاز : فالله يكون في عون الرجال منهم ،، فالعرس والمهر وكل تكاليف الزواج على ظهره

. اتمنى من الاعضاء الاخوان والاخوات أ اعطائي رايهم في كلا الموضوعين .،، وان كان شخص لديه اختلاف في وجهة نظره أن يطرحها ونناقشها معا ،، او كان لدى احد الاعضاء اضافه في موضوع (( الشوفه )) او المهر اضافتها للموضوع .

قبل كل شي انا قدر الله علي وتزوجت

بالنسبة للموضوع الاول مفروض تخلية لغير القصمان لانك تعرف طبايع القصمان

إقتباس والنوع الثاني ،، أن بعض الرجال يقدم مهر بحدود 30.000 الف ريال ويكون الزواج بالنصيفه بين اهل العريس واهل العروس

انا 30000 بس الزواج علي

مسكين اللي ماعنده قصيم اجل اخذ وحدة ب80000

الموضوع جميل وجذب انتباهي
خصوصاً سالفة الشوفه انا اعتقد انها مهمه للبنت اكثر من الولد لأنها تعطي انطباع مبدأي عن الشخص
اما سالفة المهر عندنا يا الحضر او على الأقل عايلتنا مافيه مشكله لأن خواتي واخوي تزوجو بمهور عاديه
ومن عوائل مختلفه
واعتقد ان معضم اهل الرياض كذا
وآسفه على الأطاله

والله اللي حلله الشرع أحلله واقبل فيه

أما بالنسبة للمهر فقولو الله يعيننا حنا طول الله في أعماركم المهر مايقل عن
خمسين ألف + الذهب 30 ألف + رضوة الأم 20 ألف + تكاليف الزواج الباهضة = جعلها تعنس وش ابي فيها

إقتباس تصدق ماكسوه على بالى إنك بالمتوسط أو بالكثير بأول ثانوي >>>> مدري أحساسي إنك صغير على العموم الله يوفقك وين ماتروح

الله يجزاتس خير كاديوووة ليت احساسك يبتل تسذا
انا الصراحة تراي صغير بس قصمنجي معرس وانا صغير وزود على تسذا معرس اول واحد بالبيت وفوقي اربعه اكبر من ما اعرسو اللي عمره 23 وانتي طالعه فوق

إقتباس بالنسبة للشبكة اللى تتكلمون عنها موهب عند قبيلتنا >>> تكفين بس جد مالها أي داعي هالشبكة

والله صدق مفروض ماله داعي الشبكة >>>طفرنا من زود التطفير ماعطيته صباحة
شبكة +مهر(واحد نصاب الشبكة هو المهر)+ الاستراحة والعشاء + تاثيث شقة
(((التوفيق من الله))))

مشكورين شباب وبنات على المشاركه

ولكني لا زلت أنتظر ردود أهل الجنوب واهل الحجاز لانهم بصراحه تكاليف الزواج عندهم مكلفه

وأريد أن أتعرف على بعض الطبايع التي لا أعلمها ..

مثل ما تعرفنا على طبايع أهل تبوك ssuss . شكرا لمرورك .

وأعتقد أن سكان منطقة رماح (( السبعان )) زواجاتهم مبالغ فيها الى أن

المهر يصل الى 120.000 الف ريال .

شكرا لكل من شار ك معنا

أنتظر مزيدا من التفاعل .

أعرف قصةً طريفة عن رؤية المرأة قبل القِران ، إن يسر الله الوقت نشرتها هنا ...

الذي أعرفه عن عادات الزواج في الغربية ، و أقصد بها مكة وجدة ، أنها اقل تكلفةً من مثيلاتها في نجد (الحاضرة). أما البادية فأظن و الله أعلم أنها تكلفة الزواج أغلى من غيرهم.

في تقديري أن الزواج بأكمله ، من مهرٍ و ذهبٍ و ليلة زواج ، ينبغي أن لا يزيد عن خمسين ألفاً. مقارنة المهر لوحده غير دقيقة . فقد يكون المهر منخفضٌ لكن الهدايا و الصباحية و الظهرية و المسائية تفوق أضعاف ذلك المهر ..

كايدهم :

إقتباس تونا على الزواج وعلوم المهور والشبكه وغيرها

]اخي لا تونا ولا يحزنون أن شاء الله ما نتعين على طول العرس .

إقتباس والزواج على اهل العـروس .. وبعد مايرجعون من شهر العسل .. اهل العريس يجون يسون عزيمه كبيره يدعون فيها اقربائهم واصدقاءهم

الزواج على اهل العروس عندنا في الغالب يالقصمان .

أما سالفه العزيمه بعد الزواج عندنا أذا كان العرس (( عائلي )) يكون في عزيمه للاقارب والاصدقاء .

إقتباس اقول ياتماسيح دام المهور كذا وراء مانـتـزوج من برى منها تكاليف اقل وكلهم ملح وقبلة

اقول يا كايدهم لا والله وأنا أخوك بالنسبه لي انا أبي بنت بلادنا الغاليه وخاصه أذا كانت بنت خالك

إقتباس .. عاد انا ابي زوجتي ايطاليه

بس المشكله عندي أن لغتي فرنسي ما اعرف أيطالي
يلعن ابو شكلك حنا نعرف نتكلم أنجليزي عشان توهقنا بالطليان

إقتباس <<---------- معليش على الخطمه ياعاشق الفيلسوف اسمك طويل ياخي ابو ايش

لسى ما بعدنا صرنا أبو فلان محاكيك ماهو ناوي يسمي على الوالد (( سمني _ فهد ))



القاضي : أنتظر القصه بفارغ الصبر

واحد زاحف : أنت استفد من مواضيعي وانا أستفيد من زحفانك