الحين حنا الله يهدينا بس نقعد ونحوس ونحك روسنا ونفكر نبي توصل لطريقه تفوزنا وتجيب لنا البطولات....

بس فيه شي ياجماعه ما طرى علينا .......

الا وهو ان كل هالتعب والمجهود والمثابره اخر الفلم تروح بلوشي على قولتهم بسبب الغش الواضح والمسرحيات اللي صارت تكرر في كل البطولات الوطنيه ........

وعشان كل اللي صار لنا وشفناه من ورا الجد والشرف في لعبنا......مماسبق وقلناه كل يوم ونعيده في المنتدى........

انا اطالب بايقاف جميع التمارين الهلاليه وجميع الأنشطه وجميع التخطيط وكل مافيه جد ونشاط في النادي ........













اها ليه ان شاء الله !!!!!!!!!!!!!!

انا اقولكم ليه ....عشان بدال مانتعب انا ونكلف على اعمارنا .........

نتعاقد لنا مع مخرج له اسمه في السوق وممثلين قديرين على شاكلة ابو ياسين ونحط لنا ميزانيه خاصه لدهن سيور كل من له سير..........

وابد كذا ما نشيل لا هم دنيا ولا آخره وبنصير فارس البطولات ونربح الأوسكار في التمثيل بعد............

والله مافيه الا انا نسوي كذا حنا نبي بطولات وهي ما تجي الا كذا ......

وش ذنبنا انا نلعب تحت اشراف اتحاد اغلبه مكون ممن لهم موهبة التمثيل وكلهم لهم سيور خفيه ماتبين ........ بس للأسف شافوها ماتبين يحسبون محنا شايفينها مايدرون مساكين ان ريحتها فايحه وانا نختنق يوميا من عفنها .............


اخر حاجه ودي اخذ رايكم ......

انا قلتها في موضوعي السابق بس مالقيت ذاك التجاوب ........يمكن عشانكم الله يحييكم مافيكم حيل تردون والا يمكن اني عشاني ماني كاتب او مشرف كبير هنا ......عشان كذا انا يمكني دلخ حدي مصاقيل .......

المهم انا قد سألت الجميع رأيهم لو نقوم برفع شكوى رسميه للفيفا نوضح فيها ماتعرضنا له من ظلم واضح وابتزاز مكشوف مدعمين هذه الشكوى بكل الحقائق والبراهين .......وانا اتمنى ان تكون هذه الشكوى رسميه مرفوعه من الاداره الهلاليه وجماهير الزعيم ..........

والله يا جماعه انا عندي احساس انا لو سوينا كذا ممكن يأثر ولو بشكل بسيط على تجاوزاتهم القذره.........

ترا هل الاشكال على قولت اخوانا المصريين تخاف ما تختشيش .........

يا اخوان افيدونا كل واحد ومجاله يقدر يخدمنا واحد يعرف الطريقه وواحد يسأل عن الشروط لمثل هالشكوى وواحد يوصلها للمعنيين يالله ياجماعه ربع تعاونوا ما ذلو ....نبي نطق الحديد وهو حار كوده الله يكتب فيها الفرج.......

يا مسكين الظاهر انك على نياتك يا الحبيب والله لو تفكر تحش الحكم المجرم فى الصحافه إن يشطبون نادى الهلال ويسجنون الجمهور وش لو شكيت للإتحاد الدولى كان اعدام,يا حبيبى اللى يأخذون حق غيرهم بالصياح والظلم هم جحا واعوانه بدعم من الغالـــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــى وإفهم يا فهيم