السلام عليكم ورحمه الله وبركاته
الشهر عليكم مبارك يالمسلمين السنه<<<<توها قاريه شين مشيشها على ذوليك
المهم حبيت ارحب فيني بادئ ذي بدء واعلم روحي ان المنتدى نور فيني انا وبنية خالتي مقروصه
واتمنى انا نكون عضوتان خفيفتان لطيفتان قويتان مو ملسونتان بقوه بس ملسونتان عند اللزوم
بس وابشركم فعلوا اشتراكي بطلعت الروووووووح اخيرا بكتب موضوع هيييه
وابشركم انه تمت بحمد الله وفضله ومنته فعاليات لف السمبوسه في مطبخنا المتواضع وافتكينا من هالصواني المسدحه في ارجاء المطبخ
وعلى طاري السمبوسه وطاري رمضان
بقولكم سبحونه مدري سالفه عن رمضان وانا ومقروصه عشان نعرفكم علينا
العام قررت انا وبنت خالتي اننا نروح نصلي التراويح بالمسجد من اووووووووول رمضان لااااخره
عشان نكسب الاجر والمثوبه من رب العباد
وكانت هالنيه قبل رمضان بيوم يعني ليله واحد رمضان واول صلاة تراويح بمسجدنا المتواظع
ويقبع بنا الحماس هاك الليله ونشخص ونلبس بنروح المسجد<<<<كاشخات احتياط لانشوف احد بنات المدرسه والا شي
ويوم استعدينا ونزلنا ادور امي وخالاتي وجدتي وين الجماعه؟؟
سئل شغالتنا قالت روه كلو سلي مسجد
جعلتس السل عمى ورى مانادونا؟؟
وندق دق على جوالاتهن ويرنون عندنا
((طالعوا الحريم السنعات ماخذن جوالاتهن عشان مايزعجون المصلين وانا اذا مريت عند مسجد بسيارتنا اسمع دقدقه جوالات الرجال وانا صاكه الدرايش وزالجتهن بعد
))
المهم دريت انهم ماسوو لنا قدر ولاقيمه ولاسعر وشخطوا وخلونا مع السواق
ومسجدنا موب قريب الصراحه مشيوير لو بنروح مشي
بس هااااااااه لن نجعل مثل هذه العقبه الصغيره تحبط عزيمتنا للصلاه جماعه وكسب الاجر
والتفت على بنت خالتي ووجهي يطشر عزيمه وحفله وعرس ودوريه بعد
مقروصه
<<<<هاه
هويتي في الجنه وانا معتس وين جزمتتس الاديداس؟؟
<<<<<<
وش بتسوين بها بتطقين اهلنا؟؟
لاااا صاحيه انتي لفعه من عصا جدتي تفقدني الذاكره بنشخط انا وياتس للمسجد مشي عشان نزيد الحسنات
وتنبسط بنيت خالتي وانبسط معها محد يقدر يهاوشنا ليه نطلع بالشارع وشو بعد بنروح نصلي
ياحبي له رمضان يلوموني فيه بعد
طلعت انا استنى الاخت في الله تشرف ويوم شرفت
الللاااه مقروصه جزمتتس تجنن من وين هههههههههههههههههههههههههههه
صاحيه انتي رايحه صلاة التراويح بجزمه صفرااااا
مقروصه:شسوي ماجبت غيرها وش دراني اني بطقها كعابي للمسجد يله بس نطلع محد منتبه بعدين الشوارع اكيييييد فاظيه لانهم يصلون العشا الناس يصلون مافكروا بجزمتي بعدين حنا ليل حشى والله لوان عيونهم ليزر ماقزتها(بريئه ماتدري ان الليزر بكبره يقف عاجز عند قدرات القزقزه حقتهم)
صح وهي صادقه
ونطلع انا وياها نطربق متحمساااااااات وكل شوي هازعين على جزمنا نربط خيوطها هاللي بتطيحنا ياكرهي لهم ااخر مره اشتري جزمه بخيوط ياروووووحي يازنوبات مكه ولهت عليكم يالتكرونياااات
وحنا نمشي اشوف الشارع كل ماله ويمتلي رجال
يؤ وش السالفه؟؟ شكيت انهم مذهب غيرنا وموديلهم يصلون بالشوارع
وقمت اتحرى لامامهم يطلع يكبر بهم
يوم مصخت السالفه وقامت السيارات تمر جنبنا وتغبر علينا
وكل من مر سلم علي وعلى بنت خالتي وعلى جزمتها ياخزياه
بعدين عمى يعميهم وش لون قزوها بهالليول
بعد فتره استوعبت الوضع
شياطين الجن مصفده برمضان ومربطه بس شياطين الانس الظاهر يزيد نشاطهم بهالشهر
حسبي الله ونعم الوكيل يعني الواحد حتى برمضان مايسلم
طبعا حنا شوي علينا كلمه نتنافض
الفيمتو اللي شربناه عالفطور انخض خض من نفافيضنا
ومتمسكين ببعض بشكل يكسر الخاااااطر
وذولي وراااانا مدري من قايلهم اننا نوزع سمبوسه ولقيمات على هاللملاحق
ونمشي ونتحلطم كله منتس يامقروصه انتي وهالجزمه اجل صفرا ياربي لاتشنع بنا؟؟
وهي تقولي اقول انطمي انتي وهالراي السديد اجل وشوله بنات لحالهن يطلعون مشي للمسجد
وانا ارد بحماس مارحنا مرقص والا دسكو هذاتس قلتيها مسجد صلاه عباده اجر
بعدين موب احنا اول ولااخر ناس نروح مشي كل العالم تروح وماقد لحقوهم بس هم يروحون بجزم طبيعيه مهوب هالصفرا الي انتي لابستها ووووووش دراني اصلا ان هالهيوس بيترززون لنا
وهي تحوقل وتقول اااااااااخخخخخخخخخخخخخخخر مرررررررره اروح المسجد مشي وااخر مره حتى بالسياره اصلا ااخر مره اطلع من بيتنا
ياربي نجينا من هالورطه
وانا قام يزولون لي انهم بيخطفونا وبنطلع بالجرايد وبيعرفونا بنات المدرسه من جزمه مقروصه الصفرا الشهيره
ونقعد نبتهل وندعي طول الطريق وترانا ابد ماصحنا يوم قربت السياره عندنا ابببببد من يقوله؟
خلاااااااااااااص مااقدر اتحمل اكثر افصخي نعااااالتس
بنت خالتي انهبلت خير انشالله تبيني امشي حافيه؟؟
ايه يابنت الحلال كل اهل حارتنا بيتجمعون يطالعون هالجزمه العجيبه الفسفوريه افصخيها عليتس شراب اسود مهوب باين يله
بققت عيونها
مهبوله انتي اقول روحي مناك وان وطيت دبوس والا مسمار والا بانزين لا مابي
قلت اجل تحملي المسيره الي بتصير ورانا وكلها تحيات وتشجيع لجزمتك المصونه
وعقب مااقنعتها توزينا عند باب بيت وفصختهن وهي واقفه وهزعت انا بسرعه ولقطتهن ودسيتهن بعباتي
ولامن شاف ولامن دري
اثر السالفه مهيب سالفه جزمه
يلاحقونا بجزمه وبغيرهااااا
واخيييييرااااااا
وصلنا المسجد وه بغيت احب الارض من الفرحه وندخل ونسمي بالله ونسمي على روحنا ونكبر وماصدقنا نسجد وعلىىىىى طووووووووووووووووووووووووووووول
دعاوي على هالقليلين الادب اللي روعونا واكيد قد روعو غيرنا
حتى برمضان؟؟ طيب اجلوا نشاطكم لما بعد رمضان.!!!!!!!!
حسبي الله عليهم ليوووووم القيامه
الحين بالايام العاديه اذا اذن طالع طريق المسجد كله هنود وباكستانيين والا قليه جدا شبابنا
بس برمضان بعد؟؟
طبعا هالحيوانات القليلين الادب يمثلون انفسهم ومايمثلون كل الشباب فيه الخيرين الي ماتفوتهم الصلاه جماعه لابرمضان ولاغيره
وفيه هيوس مايصلون بالمسجد صح بس مايروعون احد يمشي بالشارع حتى لو هو لابس جزمه صفرا
وانا اصلي الله لايعاقبني ماعرفت للخشوع طريق مره افكر بهالحمير اللي روعونا واولم الدعوه اللي بقولها بالسجود
ومره افكر وش لون اهاوش امي وخالتي وامهم بس بادب تفاديا لاي ظربه من عصى جدتي الغاليه
ومره افكر انه خلاص لو جا يوم وراحو اهلي عني والا راحوا مشي ماراح اروح معهم لو اييييييشششش حتى الجيران بخلي ابوي يوصلني لهم الواحد ماقام يظمن احد
ومره افكر الله يصلح اخواني ويهديهم لايجي يوم ويصيرون منهم ياربي لاتبلانا
ومره افكر بجزمه مقروصه لانها مره عاجبتني وودي اشتري زيها بس مستحيه اسئلها من وين وانا طول الطريق اسب فيها
النـــــهــــــــــايــــــــــــه الـســــــــــعــــــيــــده
ابشركم عاتبت اهلي معاتبه لطيفه وقالوا ماهقينا ان لكم طاري تروحون مسجد يوم شفناكم مابقى لبس بدواليبكم ماقستوه
ووعدونا ياخذونا كل يوم معاهم بالسياره
بس الناس الي مايقدرون يروحون بالسياره يقعدون يعني مايصلون جماعه عشان هالوقحين؟
وابشركم عرفت من وين شاريه بنت خالتي جزمتها وبدون مااسئلها فتشت هالجزمه العجيبه لين لقيت اسم المحل
بس صراحه عورتني عيوني من هاللون وانا ادور
وشريت زيها بس ماافكر اطلع بها للتراويح هالسنه لاتخافون
وبس
مع السلامه واياني وياكم احد يتطنز على وحده لابسه جزمه صفرا تراها بتدعي عليه
الجزمه الصفراء والطريق الموحش(رعب رمضاني) 
اشوى ان بيتس جمب بيتها لوووووووووووول 
وخلو حصاة تغز رجلي اااه يارجيلاتي 
الوضع العادي
