ميلان v برشلونه 1-2
آرسنال v بثانياكوس 1-1
الانتر v فالنسيا 0-0
الهلال vالوحده 3-0

=-=-=-=-=-=-=-=-=-=-=-=-=-=-=-=-=-==-=-=-=-=-=-=-=-=-=-=-=-=-=-=-=-=-=-=-

أقوى مبارات بالشامبيونز كانت مبارات ميلان والبارسا ميلان كان بيروح تشليح لولا الله ثم شيفشينكو
وبرشلونه كان بيقعد يصيح ويتندم على المبارات لولا الله ثم رونالدينهو ... منقذين

=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-

كالعاده آرسنال يعاني من العقده الاوربيه ولو مافاز بالمبارات الجايه مع ايندهوفن على ملعبه بيكون الموقف صعب صعب صعب على القنرز ويا فينجر شف لنا صرفه مع الدلخ (( باسكال سيقان )). :bluesky:

=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-

والله ما ادري ماتابعت المبارات زين لاكن احس ان فالنسيا كان اقرب للفوز.... ياشباب اللي عنده الخبر وش سوا ادريانو علشان يشيل عليه خالد بيومي وش الحركه اللي سواها يعلمنا.

=-=-=-=-==-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=

ما اقول الى آآآه يالازرق ..... راح اعطى الوحده درس خصوصي ورجع الرياض

__________________________________________________________
==========================================================

ملاحظات:-

1- آرسنال يعاني من عقده غريبه بدوري ابطال أوربا.

2-لازم يشوفون بديل لينس ليمان اذا كانو يبغون ابطال أوربا.

3-غباء من يعتقد ان الدفاع سيصمد اما برشلونه حتى لو كان دفاع ميلان.

4- سيدورف كان أغرب شي بالمبارات دخل ولا كنه دخل.

5- الله يعجل بعودة الريال من بعده ماعاد نشوف كوره جميله حتى الآرسنال ما يمتعنا زي الريال.

6- أجزم ان ابطال أوربا للآرسنال لو لم يكون ريال مدريد ظده بالنهائي.

7- يقول مبدعنا (( الوحداوي محب الزعيم )) ان مانشيستر يطالبون بالخصم من نقاط الآرسنال علشان الأحداث الأخيره بملعب المان ..... المفروض يخصمون قل نقاط مانشستر (( ان كان فيه نقاط )) علشان خشة نستلروي على المبدع آشلي كول.

وانتظر آراكم وتعليقاتكم وتحياتي للجميع