(( الزعيم عمهم .. يكويهم ويحرق دمهم )) .. ثلاثه هلاليه في مرمى الوحداويه .. - نادي الهلال السعودي - شبكة الزعيم

شفشينكووو7 · #1 03/11/2004, 02:13 AM

بسم الله الرحمن الرحيم ..

السلام عليكم ورحمة الله وبركاته ..

اول شئ الحمدلله على الفوز والثلاث نقاط ..

وثانيا الف الف الف مبوووووووك لنجوم الازرق وللجمهور الهلالي الحبيب في كل مكان ..

نقاط من المباراه ..

- تواجدت ولله الحمد في الملعب قبل بدايه المباراه بساعه ..

- وعلى قولة اخوي هلالي مكه كانت هناك مباراه اخرى بين جمهور الهلال وجمهور الوحده ..

- رابطة الهلال ماتحركت الا في الشوط الثاني وفي بدايه الشوط الثاني واللي بدا فيها واحد الله يعطيه العافيه والله مااعرفه بس شكله رجال كبير بالسن بدا وقال ياهلال حبك حبنا وتحمس الجمهور معه ..

- جمهور الهلال ماقصر وابصمممم بالمليووون ان جمهور الزعيم اكثررر ..

- والزعيم ماقصر ماشاء الله ابداع ماله حدود بس لو استغلت بعض الفرص كان يمكن كانت النتيجه اكثر من 3.. بس الحمدلله على كل حال ..

- واللحين ابي راي الجمهور الهلالي بكل مكان ، وش رأيكم بجمهور الزعيم في الغربيه وخاصة جمهور مكه ..

- واحد من الجماهير الهلاليه يوم طلعوا اللعيبه بعد المباراه قعد يقول للرئيس حياك الله السحور عندي هههههه ..

- كل ماجاء لاعب هلالي بيطلع رموا الجمهور عليه اعلام هلاليه واخذها ومشى والشلهوب كرر نفس الحركه اللي بمباراة الشباب اخذ العلم الهلال وعطاه قبله ولااحلى من حبيبنا محمد الشلهوب وديسلفا سوا نفس الحركه ..

- واحد من الجماهير الهلاليه سلم على سعد الدوسري وقاله عندي طلب انك تقول لسامي لايعتزل هالموسم ورد عليه سعد قاله ابشر ..

- وكلمه حق تنقال الف الف الف شكررررر لااحلى جمهور جمهور الزعيم وماقصرتوا ويعطيكم العافيه ..

- ياهلال من فوز لفوز ومن انتصار لانتصار باذن الله ..

- رددت الجماهير الهلاليه (( يابوفيصل يابو فيصل انت الحبيب الغالي يابو فيصل .. )) لرئيسنا المحبوب محمد بن فيصل ..

- تواجد في الملعب عضو شرف النادي الأمير / نواف بن محمد وقوبل بتشجيع كبير من جماهير الزعيم ..

- بالأخير الف الف مبروك الثلاث نقاط يارئيسنا المحبوب واللاعبين والجماهير ..

آسف عالاطاله ..

وسامحووووونا على التقصير ..

أخووووكم

.. (( راشد الراشد )) ..