|
بشرى سارة... [ لاعب يتواجد حالياًُ في النادي سيملأ مكان نواف بكل اقتدار] بسم الله الرحمن الرحيم اسعد الله مساء الجميع بكل خير وسرور ... تخيلوا ياحبايبي نادي الهلال يمتلك موهبة عالمية ولاعب يمتلك كل مقومات صانع الألعاب العالمي وينتظر الفرصة فقط ليفجر طاقاته في الهلال ... لاعب عمره 20 سنة موهبته تسبق عمره , فاستلامه للكره وثــقته بنفسه حين يمررها تخليك تقول أكيد هذا لاعب خبير وفي أواخر عمره ... لعب في الوسط اليمين فقال المدرج الهلالي اخيراً جانا من ينسينا خالد التيماوي ... لعب خلف المهاجمين فردد الجمهور "طارت الخانة عليك يانواف " ... تصوروا اننا نمتلك موهبة تجمع كل هالصفات ومع ذلك لازلنا نماطل في موضوعه بل ونؤخره حتى الملل , , , انا متأكد ان بعضكم عرف منهو اللاعب هو " بدر العيساوي" موهبة هلالية بحق وحقيق ... من العام الماضي والإدارة توعده بحل موضوعه وانهاء الاجراءات والتي لايوجد مايمنعها فاللاعب امه سعودية وهناك بند صريح وواضح وضوح الشمس يخول له اخذ الجنسية السعودية ولكن كل مايحتاجه الموضوع هو تحرك من مسؤول كبير في النادي ... والله ياشباب إني لاأبالغ في كلامي واسالوا كل من حضر المباريات الودية في العام الماضي وسترون اجابات مثل كلامي بل وأكثر ....وانا انبسطت يوم قريت في الشقيقة شبكة الهلال انه عاد للتمارين بطلب من حسن القحطاني ... يعلم الله أني لم اكتب هذا الموضوع إلا وانا كلي امل بالله أولاً ثم بأبو سلطان حبيبنا " محمد بن فيصل " والذي اثق تماماً في مجهوداته وانه لن يبخل علينا كهلاليين بكل مانريد فأبو سلطان لو نطلبه عيونه عطانا اياها ...ابوسلطان تكفى لاتردنا , وانهي هذا الموضوع الذي طال انتظاره فعشمنا فيك كبير وانت قدها وقدود يابوسلطان ... ياشباب طالبوا معي بإنهاء موضوع هذا الموهبة وكونوا عوناً لهلالكم ... |
هلا والله شرشبيل... والله قهر...ماجد لا ام ولا ابو ومع ذلك خذ الجنسية...امين دابو خذ الجنسية...! وهذا ماياخذها؟؟ |
والله من خلال ما سمعناه من الاعضاء يبين ان هالاعب اكيييييد لعيب وهو شكلة لعيب واتمنى انه ما يطير علينه.. |
ان شالله تتحرك الادارة وتخلص اموره بسرعه |
إن شاء الله مايروح علينا الاعب |
زي ما قال أخوي / هلالي جمري...من كثر ما نسمع عن هاللاعب أكيد انه لاعب ممتاز...فلماذا كل هذا التأخير في تسجيل اللاعب ومنحه الجنسيه....يعني لازم يدخل فيها (البلوي ) وغيره علشان يخربون علينا اللاعب...دامه في يدينا ...بسرعه أنهو وضع اللاعب يا اداره |
ان شاء الله ما يروووح عليناااااااااااااااااااااااااا |
انشاء الله قريبا نشوفه بالهلال |
ما أظن بلعب للهــلال سيلحق بقائمة المنسقين قريبــاً !!!!! |
بإذن الله نشوفه عن قريب مرتدياً القميص الأزرق .. |
كلنا امل باابو سلطان انه ينهي موضوعه بأسرع وقت ممكن قبل ماتخطفه الانديه المنافسه سواءا سعوديه او خليجيه تذكرون لاعب العين على مااعتقد يمني الاصل كان في الرياض وكان عنده امل ينظم للهلال وبعد التأخر في ضمه انتقل للامارات واخذ الجنسيه وانضم للعين الاماراتي والغنام تدرب في الهلال وراح للشباب ورجع لنا ب11 مليون ريال @@ من اكثر الاشياء التي اقدرها واحبها في الادارة الهلاليه الحاليه هو تفاعلها واخذها برأي الجمهور الهلالي ولنا في موضوع طقم الملابس ومطالبة الاغلبيه بشركة دايدورا ومطالبة الجماهير جزاهم الله خير بأن يكون دخل مباراة الدرك لعبدالله سليمان الله يفك اسره خير مثال على تفاعل الادراة واخذها برأي الجمهور وهذا يسعد الجمهور الهلالي كثير ويحسسه انه يشارك بصنع القرار في ناديه ويحببه بناديه اكثر واكثر @@ في الهلال اسماء قادر ان شاء الله على انهاء موضوع لاعب اجمع الجميع على موهبته ويلعب في اهم مكان في كرة القدم حاليا صانع الالعاب فتوتي اهم لاعب في روما وزيدان في الريال وكاكا في ميلان ورونالدينو في البرشا بالاضافه الى ذلك معناة الهلال من خانة صانع اللعب والوسط الايمن بعد اصابة الذهبي نواف الله يشفيه ويرده لنا سالم @@ يكفي من هذه الاسماء الاميرهذلول بن عبدالعزيز اخو الملك @@ ختاما كل ثقة باابو سلطان في انهاء موضوع بدر العيساوي مشكور اخوي شرشبيل على موضوعك الهام واسف على الاطاله الغالي :) |
والله اتوقع ماهم عجزانين عن الجنسيه لكن الظاهر هناك من يحب المماطله فالهلال مثلما كاد ان يطير المرشدي يمكن يطير العيساوي.. |
اتمنى ضمه للاستفادة منه في صفوف الزعيم وان لم يكن كذلك الاستفادة من بيع عقده |
إن شاء الله يقبل في الهلال لكن لا تبالغ قوة .. يعني بالغ شوي .. ما تاصل عاد التيماوي ونواف |
والله أن اللاعب هذا لسني أعرفه .. لكن ما أقول الا أن الأداره لو رأت فيه أنه بيخدم هلالنا كانت أنهت موضوعه من زمان .. |
| الوقت المعتمد في المنتدى بتوقيت جرينتش +3.
الوقت الان » 03:41 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd