السلام عليكم ورحمة الله وبركاتة
الحمد لله والصلاة والسلام على رسول الله وعلى آلة وصحبة ومن والاه وبعد :-

بكتب لكم احبتي واعذروني بلخبط شوي في الكلام يعني شوي عامي وشوي زبرقه بس ارجوكم اصبروا علي لين تنتهي هذي الحمية وان شاء الله انها مهيب حمية جاهليه.

...خذوا معي مشوار...

انا اول مادخلت المنتدى قلت اكيد ابلقا فية شي مكتوب عن العاب نادي الهلال المختلفة !!! .... بحكم ان الموقع هو الموقع الرسمي لنادي الهلال ، يعني المنتدي يشمل العاب الهلال المختلفة ... ؟؟؟؟؟
العجيب اني يوم دخلت ههههههه لقيت موضوع عن واحد شيلي فلسطين يلعب تنس ماله اي دخل في الهلال ولا حتى في السعوديه...... والموضوع الثاني عن سباق سيارات وأظن ان النادي مابعد سوى مضمار للمواتر ولا حتى السياكل مهيب من العاب النادي..... والموضوع الثالث عن صور متحركه للمصارعه الحرة يعني حقت نصابين امريكا أو مايسمى مسرحيات المصارعة المهم وش دخلها في النادي مع العلم ان لعبة المصارع الرومانية الألومبيه غير مدرجه في العاب النادي ؟؟؟؟؟ .......

يعني شي عجيب !!!!! ----- ماكتب ولا موضوع عن اي لعبة في نادي الهلال ...في موقع الهلال الرسمي بل وفي منتدى الألعاب المتنوعة....الا يكفي ماتعانية تلك الألعاب المظلومة في النادي من عدم إهتمام اعلامي ؟؟؟ لتكبت ايضاً في موقع النادي الرسمي ....!!!! .

طيب خلو الموقع باسم موقع نادي الهلال زعيم كرة القدم ...... مع العلم ان الهلال زعيم في معظم العابه المتنوعه بنفس زعامتة في كرة القدم إن لم يكن متفوقاً في العاب اخرى من حيث عدد مرات تحقيق البطولات ...!!! وبلات تزبرقون علينا بمنتدى العاب متنوعة بزعمكم ان عندكم كثرة منتديات...
والمــثل يقول (((( من ارتــكا للحمل يشيلة )))) ..... يعني حطيــتو منتدى العاب متنوعة اكتبـــوا" يمال الشحم" عن العاب النادي...!!!

بعدين انتم تبحثون عن مصلحة النادي وايضاً جلب اعداد اكبير من المتابعين للموقع ، طيب كم لاعب هلالي في العاب مختلفة عنده معارف واهل يبون يتابعون اخباره في موقع ناديه الرسمي وللا بس للاعبين القدم هم اللي لهم معارف ولاعبين الالعاب الخرى مالهم احد يعرفهم مقطوعين من الرحمة يادافع البلا ؟ وهناك زملاء الدراسة وزملاء العمل وايضاً المهتمين بشؤن هذه الألعاب يعني كثير من المتابعين بيهتمون بهذا الموقع ..... وانا متأكد ان منسوبي ومعارف والمهتمين قد مروا على هذا المنتدى وأصيبوا بخيبة امل كبيررررره جداً ...!!!...

نجي لجانب اهم من ذاكلة ؟ وهو انا متأكد ان عدد كبيراعضاء الشرف بنادي الهلال مروا على هذا المنتدى واكيد اولهم صاحب السمو الملكي الأمير خالد بن طلال ونواف بن محمد وغيرهم وغيرهم وانا خصيت الأميرين عشان الشي اللي قدموه للنادي ولألعابه .غير الأمراء واعضاء الشرف اللي دعموا ومازالوا يدعمون

يعني اذا اي واحد منهم مر على الموقع الرسمي اللي يفترض انه يشيد بهم وبعطائهم واراد ان يقرا شيء عن الالعاب اللي يدعمها مايلقا الا سباق سيارات وتنس لواحد يقال انه كان جدانه فلسطينيييين ومصارعة .... يعني بنسد نفسه من الموقع ومن المنتدى وحتى من اللعبة اللي يدعمها وبيفكر انه يوفر تعبه ودراهمه على شي يستاهل انه يذكر فيه بالخير ... وعلى فكره هذا بيخلي اي عضو شرف يحاول او يفكر انه يدعم اي لعبة من العاب النادي انه يهون .....

يعني الادارة الجديدة تبي تستقطب اعضاء شرف يجون ويدعمون النادي في مختلف المجالات والألعاب وأكيد ان اعضاء الشرف بيمرون على هذا المنتدى عشان يعرفون شي عن الألعاب اللي بيدعمونها وإذا جوا ولقوا المواضيع سابقة الذكر بيطفون الكمبيوتر وبيحط عضوية شرف النادي في ملف الحفظ هذا ان ماعطاها اخوة الصغير يلعب بها...

يعني بالعربي ياأخوان تشعـــبوا اكثر في الموقع ترا نادي الهلال فيه من الالعاب ومن البطولات ومن القصص والروايات الشيء الكثير... اكتبوا عن العاب النادي عن تاريخ كل لعبه عن نجومها عن بطولاتها عن جداول مباريات ومواقع وهموم تلك الالعاب حتى القدم اكتبو عن الناشئين وعن الشباب وعن النجوم القادمة في كل العاب النادي كيف انتسبوا للنادي كيف بدأوا كيف انتهوا اين هم خلوا موقع الزعيم من دخلة فكأنما دخل نادي الهلال حقيقة كاملة بكل تفاصيلها ...

تابعوا قرارات النادي في تلك الألعاب مشاكل النادي .

من اراد ان يعرف ماذا يحدث في كرة السلة؟، من تعين فيها بعد تجديد مجلس ادارة النادي؟، من سيجلب اللاعبين ؟، من سيدرب من سيكون الإداري؟. من سينتقل من درجة الشباب الى الدرجة الأولى؟. من إعتزل؟. من قاطع النادي لأي ظرف ولماذا؟ ...... وهذا اللذي يبحث لا يقدر ان يذهب إلى موقع النادي في العريجاء ليسأل فلابد له من يأتي الى موقع النادي على الشبكة عند من ستكون الأجوبه وفي أي منتدى .

اكتبوا عن رؤساء النادي نريد ان نعرف تاريخهم نريد ان نرى صورهم حينما كانوا صغارا نريد متحف فوتوغرافي لكل رموز النادي من اداريين ونجوم ، نريد نبذة مفصلة عن اللذين يعملون بالنادي، نريد ان نري صور النادي ملاعب ، مكاتب ، صالات، ممرات ، سيارات النادي،سيارات اللاعبين، معسكر النادي ، غرف النوم اللاعبين في المعسكر ،مكتب الرئيس ،غرفة ملابس اللاعبين ،غرفة العلاج ، مكان قاعة الإجتماعات، مكان المؤتمرات الصحفية، كل شيء.

نريد متحف صور متكامل عن نادي الهلال لو فيه مشجع في الصين ويبي يعرف كل شي عن النادي وشكل النادي من الداخل كون صورة واضحة عن النادي اللي يحبه ويشجعة

ايضا بقي نقطة اخيرة النشاط الثقافي والإجتماعي للنادي لماذا لا يوضع له منتتدى وتتابع احداثه ورجالاته فهم احق بكل ماذكر ويكمن ذلك في نوع الأنشطه الثقافية والإجتماعية التي يقوم بها نادي الهلال فهناك عوائل كثيرة تعتمد على قناة نادي الهلال الخيرية الإجتماعية التي توصلهم بالكثير من اعضاء شرف الهلال الذين يتبرعون ويتصدقون على تلك العوائل ... هناك المحاضرات الدينيه ....هناك المسرحيات .....هناك البطولات والمسابقات الثقافية.....هناك العارض الفنية والتشكيلية أين كل ذلك لماذا لاتكون العرض والمسرحيات والكل تلك الأنشطة على موقع النادي في الشبكة.
(عورتني اصابعي من كثر الطقطقة) ......مثلي كثير حكي ومثلكم حليم... ادمحوا زلتي تراني واحد منكم.

غيرتي وحبي للهلال سبب هذا كله .

سلمكم الله والسلام عليكم ورحمة الله وبركاته

هللي هابس انا معك في كل كلمة قلتها لأن اذكر مره قابلت واحد مع مدرب اللياقة عندنا في تبوك وقال لي هذا بطل المملكة في الكاراتيه ولاعب هلالي انا فرحت دخلتالمنتدى ادور عنه اي شيء للأسف مالقيت وتحطمت لكن ماعليه ان شاء لله انك منت بمقصر وبتكتب عن اللي تعرفه فأنا من تبوك وشكلك من الرياض يعني دبر عمرك وبيني وبينك لا تنسى المفروض اللاعبين اللي في الألعاب المختلفة يسجلون في المنتدى ويكتبون عن العابهم اللي يشاركون فيها ماحد رادهم لأنهم هم اقرب للنادي والصورة اوضح عندهم

ssussشكرا على مرورك..... لكن شفت هذا اللي اقصده يعني انت لاعب واحد عرفك عليه شخص ما....فما بالك ببيقه اللاعبين في جميع الفرق في الألعاب المختلفة يعني بيلعب ويعتزل ماحدن درى عنه المسكين....
عموما انا وانت وبقية محبين الهلال واعلبه "جميعها " لأن الهلال نادي مهوب فريق كرة قدم بس ،كلنا المفروض ننعش هذا المنتدى بماهو مناسب ومفيد للكل ..........وشكرا مرة ثانية .

انا كلامي نفس كلامssuss