معقول محد قال أي شي عنه؟؟؟

معقول انا لحالي اللي احترقت وعصبت و قمت اطامر بالغرفة مقهور منه ومن طريقة لعبه اللي تشبه لعب سعيد محمد والا مدري وش اسمه هداف الفريق الجيبوتي !!!

اللاعب رقم 24 في الهلال مازن الفرج والله فقع قلبي. شلون ذا يلعب أساسي و يكمل بعد 90 دقيقة ولا يطلعه المدرب على كثر الفرص اللي ضيعها اللي ما تضيع حتى لو من لاعب مدافع مو عاد مهاجم !!
يعني حسين العلي الله يعطيه العافية نزل بس سبع دقايق او بالكثير عشر دقايق وطلع له بهدف وصاحبنا هذا من قبل أمس بالملعب ولا قدر يسجل هدف في باب تقدر تقول عنه انه مفتوح على مصراعيه

وبعدين منهو هذا اللي ماخذ رقم أبو يعقوب؟؟ صراحة ما اقدر احكم عليه لأني ما شفت لعبه زين.

بس مهما يكن شلون يجي فجأة كذا ويتزين برقم أبو يعقوب؟؟؟

تحياتي لكم
الدوســـــــــري

عندي احساس انك ماشفت المباراه الفرج جاب هدف وصلح هدفين


تحياتي لك

شكلك اخوي انت تقصد الموري غفلة الهلال

صح

انا شايف المباراة أخوي من اولها لآخرها. و معاك حق هو جاب هدف بالأخير انا نسيته من كثرها ماشاء الله ، لكن مش معناه ان مستواه مقنع وانه كان كويس حتى لو إنه صلح هدفين ، لو إنه مصلح هدفين قدام فريق كبير نقول معليش لكن شف الفريق اللي قدامه وأحكم !!

بس انت ما شفت الفرص اللي ضيعها وش كثر؟؟ ما شفت عشوائيته في التسديد وفي التمركز وفي كل شي؟؟؟

عموما انا ما ابي اكون متحامل عليه كثير خصوصاً وإنها أول مرة أحط لاعب براسي و أركز عليه طول المباراة وان شاء الله انه يكون افضل بالمستقبل.

بس اللي فهمته من كلامك انك مقتنع بالمستوى اللي شفته !!!

هلا اخوي هلالي من المافيا.

الحق والله اني اقصد اللاعب رقم 24 مازن الفرج ما اقصد الموري.

لكن هذي وجهات نظر واختلاف وجهات النظر لا يفسد للود قضية ان شاء الله

تحياتي لك
الدوســــــــــــري

الاختلاف في الري لا يفسد للود قضية

هلالي من المافيا

مشعل الموري غفلة الهلال

لاعب من مواليد 84 وطاب فيه ؟؟؟؟؟؟؟؟؟؟؟؟؟

حمى الله الهلال من هذه الجماهير

عزيزي انت تقصد مازن الفرج ولعلمك بس تراه مو مهاجم هو لاعب وسط ايمن وانشالله انه كويس
وبالنسبه للعلي بالعكس سجل هدف وضيع هدفين او ثلاثه وهو مهاجم .

ياخي والله انك حطمته ياخي ذا موهبه توه

طالع ببطولة الصداقه ولعب أول مباراه مع الفريق

الأول لازم يرتبك والمهم انه جاب قول والحمدالله على النتيجه

والله العتب على العلي بـأخر مباراه ,,, واللي حضر للملعب اكيد سمع الجمهور كيف زعلان منه


يا جماعه لاعب مصاب ويشترك بمباراه !!

صدقوني ما يقدر يركض بأخر مباراه ورجله فيها ربطه !!

عندي احساس انك ماشفت المباراه الفرج جاب هدف وصلح هدفين

مازن الفرج لازال في بداية الطريق

لديه إمكانات جيدة
ولكن يحتاج للكثير من التوجيه

أما الشبل الهلالي حسين العلي
فبالله عليك هل يستحق أن يأخذ الفرصة من اللاعبين الصغار
والله لاعب مايستحق حتى دكة الاحتياط في الزعيم

قد ينجح ولكن ليس في فريق بحجم الزعيم

الاختلاف في الري لا يفسد للود قضية

الفرج لاعب(حول)
من كاس الأمير فيصل وبطولة الصداقة السنة الماضية
وهو كذا دايم ينفرد ويضيع وشوتاته كلها مدري وش تبي
يشوت يمين تجي يسار
(اللهم لا شماته)
أقول وش رايكم ألعب بداله ترى أصلح صانع لعب موب زيه

إقتباس الرسالة الأصلية كتبت بواسطة bfa75 معقول محد قال أي شي عنه؟؟؟ معقول انا لحالي اللي احترقت وعصبت و قمت اطامر بالغرفة مقهور منه ومن طريقة لعبه اللي تشبه لعب سعيد محمد والا مدري وش اسمه هداف الفريق الجيبوتي !!! اللاعب رقم 24 في الهلال مازن الفرج والله فقع قلبي. شلون ذا يلعب أساسي و يكمل بعد 90 دقيقة ولا يطلعه المدرب على كثر الفرص اللي ضيعها اللي ما تضيع حتى لو من لاعب مدافع مو عاد مهاجم !! يعني حسين العلي الله يعطيه العافية نزل بس سبع دقايق او بالكثير عشر دقايق وطلع له بهدف وصاحبنا هذا من قبل أمس بالملعب ولا قدر يسجل هدف في باب تقدر تقول عنه انه مفتوح على مصراعيه وبعدين منهو هذا اللي ماخذ رقم أبو يعقوب؟؟ صراحة ما اقدر احكم عليه لأني ما شفت لعبه زين. بس مهما يكن شلون يجي فجأة كذا ويتزين برقم أبو يعقوب؟؟؟ تحياتي لكم الدوســـــــــري