نادي الهلال السعودي - شبكة الزعيم - الموقع الرسمي - يا خسارة تم صرف النظر عن موستفوي.. وايقاف الصفقه

نادي الهلال السعودي - شبكة الزعيم - الموقع الرسمي (http://vb.alhilal.com/)

- أرشيف مواضيع منتدى الجمهور الهلالي (http://vb.alhilal.com/f38/)

- - يا خسارة تم صرف النظر عن موستفوي.. وايقاف الصفقه (http://vb.alhilal.com/t177733.html)

الهلالي- ابوسارة

27/10/2004 03:15 AM

يا خسارة تم صرف النظر عن موستفوي.. وايقاف الصفقه

هارد لكم يا زعماء ..

وقلتها لكم هالعالمي صعب يجي ..

محمد بن فيصل أكد هالكلام اليوم ..

والله ظيعناها وأثبتنا أننا وجيه فقر ..

واللي راهنوا على كماتشو وديسلفا الوعد المربع .. اذا ماسبيتوهم ..

سلام ..

blueblood_999

27/10/2004 03:19 AM

خيره إن شاء الله ..

والبديل باذن الله لابد أن يكون كم اللاعبين العالميين ..

ومشكوووووووور أخوي على هالخبر السيء ..

عاشق هلالي كبير

27/10/2004 03:26 AM

هلا أخوي الهلالي- ابوسارة
يا أخوي من يوم قالوا انهم تعاقد مع مستوفوي وانا ماني مصدق قلت مااصدق الا اذا جاء

والاداره اليوم صرفت النظر عن مستوفوي بسبب تأخره في الحضور
ودي ادري ليه الاداره مستعجله في حضور مادام ان الفتره الثانيه تبدأ 17\9 وأكيد مهوب لاعب الا عقب العيد

والله يوفق الاداره في احضار لاعب متميز في صناعة اللعب بمستوى مستوفوي

ولد الدمام

27/10/2004 03:30 AM

الخيره فيما اختاره الله

الهلالي- ابوسارة

27/10/2004 03:30 AM

اخوي عاشق هلالي كبير ..
ليتنا نتعلم من الاتحاديين .. ياما عطاهم سيرجيو مليون ركبه في المطار ..
لكن جاملوه والنتيجة أعطاهم مجد جديد وانجازات ..
شغل الكرامه وعزة النفس مالها دخل مع هاللاعبين..
شخصياً لو الأمر لي .. انتظره لو بعد العيد ..مار مالنا غير القهر

المـمــلـــوح

27/10/2004 03:55 AM

الخيره فيما اختاره الله

حموووووودي

27/10/2004 04:23 AM

ان شاءالله خير يا ابو ساره

بس ما اعتقد انهم صرفوا النظر عنه بس بسبب تأخيره !!!!!!!!! اكيد فيه اسباب اخرى

تحياتي

Fai9aL

27/10/2004 04:27 AM

حبيبي هلالي ابو ساره .. الخبر اللي جاني يقول ان موستوفوي اعتذر للعب لنادي الهلال

والله يكتب اللي فيه الخير للهلال

عاشق الفيلسوف 15

27/10/2004 04:45 AM

أي والله ما خذين مقلب بكماتشو وديسلفا

يارجال والله ما برأس امهم لعب وحتى كماتشو والله ما يديرها

والا عشان الهدف الي مع الشباب الي الباب مفتوح قدامه والحمار وانتم بكرامه يجيب الهدف ومهو محترف .

هلالي حبيب

27/10/2004 05:09 AM

حبيبي عاشق الفيلسوف 15 : هدف كماتشو امام الشباب ماكان الباب مفتوح وهدفه هدف ذكي جدا جدا لأن ماشاف تغطي ، وبرضو استغل دخول احمد الدوخي والكل متوقع انه راح يعطيه للدوخي اللي داخل على منطقة ال18 والكل شاف القول ....!!!!

صراحه كماتشو جيــــــد جدا مااعطيه ممتاز ، لـــكن حكمتو عليه مبكر ...

بالنسبة لموستوفوي : الحمد لله انه ماجاء لأن راح تظلمونه مثل ماظلمتو كماتشو والبعض راح يقول انه عمره كبيــــــــر ، ولما انتهى جاء للهلال ........إلخ

خيرها بغيرها وإن شاء الله شهر ديسمبر القادم يوفق الهلال بإستقطاب لاعبيـــــن مميزيــــــن وعالمين

وبرضو يعطون فرصه اكبر للحكم على مستويات الاجانب اكثـــر ...!!!

فهد_المشيطي

27/10/2004 05:31 AM

والله اني داري
كنت حاس انها ابرة مخدرة للجمهور الهلالي

والقادم مذهل اكثر وافلقوني اذا جا لاعب عالمي للهلال

الهلالي- ابوسارة

27/10/2004 02:13 PM

با النسبه لكماتشو والله لاهو سيء ولا جيد ..

نص ونص ..

ومثله مثل سيسيه أول ما جاء من خامس مباراة طيرتوه في العجه ومدحتوه ولما جاء الجد طالبتوا بابعاده..

قولوا عن كماتشو اللي تقولون .. لكن مانكون عاطفيين ونقارنه بموستفوي ..

موستفوي لو جاء لأحدث نقله نوعيه فنيه واعلاميه وجماهيريه للهلال ..

لكن بعض الأخوان منغمسين في المحليه ويحسبونه من نمونة سيسيه وكماتشو اللي يبي لهم تجارب..

خيره .. لكن خوفي اشوفه يبدع مع فريق قطري او اي فريق ثاني ثم نعض اصابع الندم..

نقطه اخيره:

اجل كماتشو احسن من موستفوي

ايه هين

يجيب الله مطر

د.هلالي

27/10/2004 02:37 PM

اظن هناك لاعب رائع في مركز صانع العاب وهو الاعب رقم 10
في فريق شونبوك الكوري الذي التقى مع الاتحاد واسم الاعب bootiundefined

الزعــــ تاج ـــــيم

27/10/2004 02:56 PM

الخيره فيما اختاره الله

ياسيدهم وينك

27/10/2004 03:01 PM

خيره ان شاء الله

هلالي صميم وافخر

27/10/2004 03:07 PM

السالفه فيها شي يا اخوان

ماهوب معقول هالكلام...

ليه ماجاء طيب ليش مافيه توضيح من الاداره؟؟

ان كان تخدير لنا فتلك مصيبه وان كان تلاعب منه يبحثون عن غيره..

هلالي نجدي

27/10/2004 10:33 PM

تحيه طيبه للجميع::
الخيره فيما اختاره الله اكيد ممافيها جدااااااال......

بس حنا ياجماعة نعرف لما أي نادي يفاوض لاعب عالمي وينشر هالشي في الصحف بتدخل مزايدات من أنديه أخرى يعني المفروض انو تم التوقيع مع اللاعب خارج المملكة وبالذات اللاعبين المعروفين دولياً عشان مايكون هناك تدخل خارجي من اندية تملك النقد الفوري وتغري اللاعبين وتغير مسارهم.............

اللي حصل لموستوفوي ان فريق الغرافة القطري دخل في الخط وأغرى اللاعب باموال جاهزة للدفع مباشرة تفوق عرض الزعيم واللاعب يرغب بمصلحته ولايهمه لا الهلال ولاغيره (( الخبر نشر بجريدة الرياضي اليوم ))...........

عموماً نتمنى من الله العلي القدير التوفيق للزعيم سواء بمستوفوي أو بنجومه الحاليين قولوا آآآآآمين ..........

تحياتـــــــــــــــــــــــــــــــــــــــــــــي ،،،،،،،،،،،،،،،،،،،،،

totti_2005

27/10/2004 10:48 PM

طليان آسيا

27/10/2004 10:55 PM

يابووو اللي مايبينا مانبيه

HILAL MADREAD

27/10/2004 11:52 PM

الخيره فيما اختاره الله

هلالي جمري

28/10/2004 12:23 AM

يعني ما في الدنيا الا هالاعب والله الاعبين العرب وش فيهم انا استغرب ليش ما نتعاقد مع العرب

king hak

28/10/2004 01:12 AM

الله يكتب اللي فيه الخير
والله اني من يوم شفت هدفه العالمي في المنتدى وانا متوقع انه مو جاي
الكبير كبير بس ان شاء الله الرئيس فيه البركه بيجيب واحد يعوض ان شاء الله.....
بالتوفيق للزعيم مع الوحده.........

ابو عبـــــــــدالله

28/10/2004 03:02 AM

اعتقد ان الادارة لم تنوي بالاصل جلب مستوفوي ولكن ماعملته ماهو الا امتصاص غضب الجمهور ..,,,

اما بالنسبة لكماتشو فانا الي اقول لك ان اللاعب هذا من الاصل مبدع والي كان حاصل له ماهو الا فقده للدعم النفسي من الجمهور والاعلام وممكن المدرب بعد , وما ان حصل على هذه الاشياء وهي الراحة النفسية وتشجيع الجمهور له ووجود المعاون له اظهر بعض امكانته التي لديه وانا متأكد ان عنده اكثر من ذلك بكثير .,.,.

اما ديسلفا فاتمنى من الادارة الغاء عقده والاكتفاء بلاعبين اجنبيين .,.,.

هلالي$الدمام

28/10/2004 03:32 AM

خيره إن شاء الله ..

والبديل باذن الله لابد أن يكون كم اللاعبين العالميين ..

المداوي

28/10/2004 04:39 AM

أمنيتي أشوف لاعب عالمي في الزعيم ..

بس أتوقع أنه صعبه ...

والله يكتب مافيه الخير ...

الهلالي- ابوسارة

29/10/2004 02:27 AM

تحيه لكل اللي مروا ..

وانشاء الله بديل ديسلفا يكون عالمي ..

الى اللقاء

الوقت المعتمد في المنتدى بتوقيت جرينتش +3.
الوقت الان » 07:06 PM.