بسم الله الرحمن الرحيم
السلام عليكم ورحمة الله وبركاته ..
اولا: حبيت ابارك لكم هذا الفوز المستحق على بطل جيبوتي وبنتيجه عريضه وكبيره في نفس الوقت واعتقد انها درس لكل الفرق المشاركه بدوري ابطال العرب وبنفس الوقت الدوري السعوودي
لأنه الزعيم بدا بالتكشر عن انيابه ..
ثانيا : ونفس الشي حبيت انقل لكم مشاهدات من المبارة ( شي ما شفتووه ) من البدايه حتى النهايه
واتمنى انه يحووز على رضاكم واستحسانكم لما يتخلله من مواقف طريفه وجميله بنفس الوقت
واقوول للجمهور اللي ما حضروا لا تفوتون ابداع الذيب وهندسة الموهوب وانطلاقات الدوخي وبقية كوكبة النجوم في المبارة القادمه لانهم بالفعل نجووووووووم ;)
واليكم ملخص المبارة من البدايه حتى النهايه على شكل فقرات :
1-سعر تذكرة المبارة فقط 10 ريالات والله يجزاك خير يا بن كامل ويا عساه دوووم هالتخفيضات
2-نزول لاعبي الفريقين الى ارض الملعب قبل بداية المبارة بـ 45 دقيقه ومن بعدها دخوول الفريق الجيبوتي قبل بداية المبارة بـ 25 دقيقه ولا زال نجووم الهلال يجروون حركات الاحماء .
3-لفت انتباه الجمهور الهلالي البووت الاحمر للكابتن سامي ( الله يكرم القارئين
) وقالوا امام النصر ببوت جديد سجلت هدفين وبالبوت الجديد الاحمر كم بتسجل ؟؟ وبالفعل ما خيب الظن الذيب ..
4-من بداية الشووط الاول وحتى نهايته لا يتفاعل الجمهوور الهلالي بشكل جيد مع الرابطه وكانت اجتهادت من مجموعة من المشجعين !!
5-بين شوطي المبارة . طلبت هذه المجموعة والتي تتكون من 15 شخص من( ابو علي ) الاذن بالسماح لتقريب الرابطه في منتصف المدرج وبالفعل تم لهم ما يريدون
( شكلهم ناوينها نيه قشررا ) .
6-بداية الشوط الثاني كان الجمهور الهلالي من ارووع ما يكوون في هذا الموسم من حيث تفاعلهم مع الرابطه وتنويع الاهازيج بشكل ممتاز جدا والفضل بعد الله يعود للـ 15 شخص ولابو علي ومن معه وللرابطه ..
7-بعد الهدف الثامن الجمهوور الهلالي قلب الاهازيج الهلاليه الى طرب وسامري وساعة صدرر
<== اللهم اني باصووم بعد شووي
8-لفته رائعه لاقت استحسان وتصفيق من الجمهور عندما طلب المشجع المعروف (ابوعلى) من الجمهور الهلالي الحضور يوم الجمعه لمبارة الاياب لان دخل المبارة سيكون مخصص للكابتن عبدالله سليمان ولاقى ذلك استحسان و تصفيق من الجمهور .
وفي الختام اتمنى اني نقلت لكم بعض من مشاهد المباره واتمنى الحضوور الحضوور الحضوور والسبب الاول لمؤازرة الزعيم والثاني فعل للخير في فك اسر عبدالله سليمان
ولا ننسى الحديث النبوي:
(من فرج عن مسلم كربة من كرب الدنيا فرج الله عنه كربة من كرب يوم القيامه )
يالله يالله وداعة الله
اخـــــــــــــــــــــــوكم مـــــــــــــــــراوغ
الوضع العادي
