والله مايحوس الهلال الا انتم ياجمهور الـــتـــشـــرَط - نادي الهلال السعودي - شبكة الزعيم

مجنون ابوعبدالله · #1 23/10/2004, 08:50 PM

ياجماعة الخير كل مواضيع هالايام جيبو لنا عبده حكمي ولا جيبو لنا عساف القرني ولا جيبو لنا ياسر القحطاني

حنا كلنا ودنا يجون هاللاعبين بس لانضغط على الاداره بهالشكل اللي اقدر اسميه بـــجـــيـــح

ادارتنا الشابه تمشى بالفريق بخطى واثقه ان شاء الله للذهب بس اذا استمرينا بالضغط عليهم صدقوني بيندمر كل اللي قاعدين يبنونه حالياً

نقطه ثانيه وهي الاهم

مقارنات بعض الاعضاء اللي يحسب نفسه الشتالي اذا جاء يقارن؟؟؟؟؟

الهلال فايز عالنصر 2 واللاعبين كلللهم ابطال تجي تقول ايهما افضل عمر ولا الغنام؟؟؟

اسألك بلله هذا وقته؟؟؟؟؟

ولا يجيك الثاني مجاوب يقول سامي افضل راس حربه ولا صانع لعب؟؟؟؟

لعنبو ابليسك سامي قطعو جلده كل السنتين اللي راحت وقدر يرجع لحاااااااااااااله بعزيمته واصراره وجايني الحين تبي تقيم مكان سامي؟؟؟؟؟؟

ياجماعة الخير هالموضوعين في غاية الاهميه اللي هي الطلبات اللي ماتخلص كأن محمد بن فيصل ماله هم الا يشوف وش طلباتكم والموضوع الثاني موضوع المقارنه اللي الجميع يشوف ان ماله داعي وخص بهالاوقات

اذا لازم يكون مقارنات خل فيها جوائز للاعبين علشان الكل يسعى ورى هالجائزة اما مقارنه ومدح في هذا واجحاف بحق الثاني هذا سبب المشاكل

عالعموم هذي وجهة رأيي واتمنى اشوف رايكم

تحياتي للجمييييع والف مبروك الـ 9 نقاط اللي بأذن الله راح نعتبرها بداية الـ 50 نقطه والتصدر والكأس قولو امين

sakoby70 · #2 23/10/2004, 08:57 PM

اول شيء مبروك لنا رجعتك الغالية الى قلوبنا جميعا اخوي .,

اما بالنسبة لموضوعك فأنا اؤيدك بكل كلمة قلتها
فانا ارى ان احد اهم اسباب تدهور الهلال في الاربع سنوات الماضية هو وجود هذه الشبكة وبعض الجمهور المتشرط كما اسميته .,.

totti_2005 · #3 23/10/2004, 09:09 PM

اول شيء مبروك لنا رجعتك الغالية الى قلوبنا جميعا اخوي .,

اما بالنسبة لموضوعك فأنا لا اؤيدك ابدا ابدا ابدا فالرأي مشرووووع

هلالي ياراس مالي · #4 24/10/2004, 12:53 AM

أني معاك ليت الزعيم يكتفي في الموجودين كلهم خير وبركة

زعيم الكورة · #5 24/10/2004, 04:13 AM

يبنا يالجمهور السعودي عاطفيين بزيادة عن اللزوم اذا اللاعب قدم مستوى كبير رفعناه فوق السماء وحطيناله القاب

ومدحناه واذا قدم مستوى شين انتقدناه وسبيناه ونزلنا من مستواه زي ماصار لسامي من قبل مباراة النصر وكماتشو و الغامدي.......................................

طلال المحمدي · #6 24/10/2004, 04:22 AM

رااااااااااااااااااااااااااااااااااااااااائع

Cʜɑᴙᴉƨᴍɑ · #7 24/10/2004, 05:22 AM

يعطيك الف عافيه اخوي ..

فعلاً الجمهور الهلالي يتشرط كأن خزينة النادي بنك او صراف ..

وكأن لاعبي الزعيم لاعبي حواري ..

واكاد أجزم أنه لو جاء اي لاعب من خارج اسوار النادي وهو نجم راح يقولون ليه جبتوه كان عطيتو ابناء النادي فرصه بس تضيعون فلوس على الفاضي ..

جيبوا لاعب اجنبي .. وإذا جاء من يومه في المطار بينتقدونه وش ذا هذا مو شكل لاعب هذا حلاق هذا معلم شورما .. .. الخ , ماادري هم بيصورون معه ولا بيشوفون لعبه ..

وإذا لعب قطعو ابو جده في الحش ,.. من اول مباراه ...

ماأدري وش يبون هذا مو راي هذا فساد وكل واحد يحب الهلال بأخلاص وعقل .. مستحيل يكتب مثل هالأشياء ..

دام الهلال يفوز ومقدم مستوى جيد جداً ولياقه أكثر من رائعه .. ولاعبين منفذين التكتيك المطلوب منهم .

والأمير الرائع محمد بن فيصل موجود ... ومدرب ممتاز .. ومدرب لياقه أكثر من رائع .. وأخصائيين العلاج ممتازين .. والهلال يحتل مركز مطمئن نوعاً ما ..

وش يبون ؟؟؟

لو كل واحد يطلب طلب على كيفه كان ماخلصنا ابد ..

انا بعد ابي ياسر القحطاني والمنتشري وابي تكفون "راؤول" .. محمد أمين و عبده عطيف و ناجي مجرشي ...... <<< كنك مطوله ..

يعني من جد ماصارت ... والمفروض المشرفين يحذفون مواضيع المقارنه بين اللاعبين خاصه في مثل هالوقت .. ويحذفون مواضيع السب والشتم في اللاعبين ,. ويحذر العضو وإذا كررها خلوه يبسط عند باب المنتدى اصرف له

وصباحك ورد <<< مابغت تخلص

abo-15-yaqob · #8 24/10/2004, 05:34 AM

اشهد انك صادق الموضوع فعلا حساس ........ الجمهور يبغى يقول رايه ,,, مافيه مشكله ابد يقول رايه ,,,,,,

لكن......

يا جمهور ياهلالي انا مثل كاتب الموضوع ارفض وبشده المقارنات لانها تؤثر على ما اعتقد سلبا على الاعبين,,,,,,

اخيرا يا زعماء يا اصليين احذروا بعض المواضيع احذروها مثل موضوع قريته بعد مباراة الشباب عنوانه ,,,,

( سامي يسجل يوم يغيب ميه ) يالله العظيم وين المشرفين عن هيك موضوع ,,,

ارجع واقول كل هذا علشان حنا غيورين على هذا الكيان العظيم نادي الهلال ..
دمت بخير.

ياسيدهم وينك · #9 24/10/2004, 11:25 AM

أني معاك ليت الزعيم يكتفي في الموجودين كلهم خير وبركة

ولد الدمام · #10 24/10/2004, 06:40 PM

كلام سليم وعين العقل وتسلم يمناك يالغالي