بينما كنت اتصفح النت فبهذا الموضوع
يسرنا ان ننقل لكم من استاد برحة المستشفى المركزي في مدينة بريده هذه المباراه على دور نصف النهائي بين فريقي
هنود بريده * هنود الرياض
هذي المباراه المنتظره .. اللي باللعنه واختها حصلت تذكره بـ 250 ريال سعودي .. حيث وبما اني سألت بعض من الحضور الهنود عن هذه المباريات قال:
هزا كولو يوم زمئه في مباراه من زمان .. هزا زمئه روه هزا قريب مباراه بوريده * زده(جده)
بئدين بوريده فيه فوز .. الهين هزا رياز(الرياض) * بوريده ..
هزا ميدل اوف شالينج (نصف النهائي حسب مافهمت) هزا زمئه يزي فاينال ماتش (المباراه النهائيه) ..
طبعا المباراه حسب ما شفت مستعدين لها استعداد .. تخيلو شفت جمس اسعاف ..
واشوف لوحات للراعي الرسمي بس مدري وش مكتوب .. الخوف ان المكتوب (يسقط السعودي) وهذي صوره للوحات الراعي الرسمي ..
طبعا انا جيت للاسف والمباراه باديه من زمان .. يعني جيت انا على بداية الشوط الثاني ..
وعلى جيتي كانت النتيجه 2/0 لصالح فريق هنود بريده ..
هذي بعض من سيارات اللاعبين والحضور ..
وهذي سيارة الاسعاف ... حركات
وهذا جانب من الحضور
لقطات روائيه من ما شفت:
جلست اتابع المباراه جاك هندي مشووووووووت طاق طبلونه اسمع جرس انا اول .. يوم شفت الهندي قرب صوت الجرس معه صار منه .. ويطرد وراه مدافع والله لو تشوفونه جررررم ماهو بمعقول .. ويصكه بزحلقه من الخلف والله انه دخل رجلينه ببعضها .. ياويلي رحمته هذا .. احتريهم ينتعون الجمس يودونه ..
قام ونفض غباره .. عاد الحكم السوادني واستدعى الكاسر .. وعطاه كرت اصفر .. جاء الكاسر اعتذر من المكسور ..
عاد دوك الجماهير يصفقون للروح الرياضيه ..
وهذا واحد من الهنود كسر له واحد وما قال له الحكم شي .. قام زعلان وينحر اللي كسره ويصكه بكف واللعب واقف ..
انا انسدحت من الضحك يدخلون الجماهير يفكونهم .. وصارت الاخلاق بزي .. لكن عادت المياه الى مجاريها ..
وهذي لقطه من المباراه
وانا جالس اتابع المباراه .. اسمع الجماهير ..
قود قلييييييييي ققود قلي قود قليييييييي قود قلي قود قليييييييييي
ايس كلام هكم مخ مافي .. انتا ما فيه كويس انتا طووووووووووووط طوطوطوطوطوطوووووووووووط
والمباراه عموما على مستوى .. عندهم اكثر من كوره بحيث ان الكوره اذا قبعها واحد وابعدت على طول الثانيه والمه ..
واللي ضحكت عليه من جد يوم انفرد واحد منهم بالحارس .. ضيعها الجماهير يلجون عليه ويحلتون عليه قوارير مويه ..
وعلى طاري قوارير المويه .. فيه هندي يدور بعلب مويه يبيع .. اظنه معبيهن من برادة مسجد
وفيه بعد موقف يضحك .. لاعب يسخن قبل ما ينزل يلعب .. جاء بينزله المدرب يستاذن من الحكم وبعدين اللاعب ويحييونه الجمهور .. اول كوره اخذها جلس يتفنن فيها دينلسون .. جاك المدافع ويقبع رجله مع الكوره وجلس شوي وهو يتألم من القبعه .. وبعدين قام يعرج ..
وهذي صوره للمدرب وهو يوجه لاعبينه
وهذي اخر لعبه في المباراه وبعدها صفر الحكم
وهذي صورة الفريق الفائز
وان شاء الله الموضوع اعجبكم
والف مبروووووك فوز هنود بريده مستوى ونتيجه <<ايه
تحياتي
![((بلا هلال بلا نصر)) ,,,[ ديربي بين هنود بريده والرياض],,,](iconimages/t177129_rtl.gif)
مساكين يرفهون عن أنفسهم شوي ترى الغربة حيل صعبة وأنا اخوك واسأل مجرب..
على حسب ماذكرت ياليت عندنا مثل هالجمهور بمباريات الحواري.
الوضع العادي
