نلعب بمهاجم واحد ..ونهزمهم..اين المهاجمون ياباكيتا... اول شي ابارك للهلاليين الفوز المهم امس على الشباب والحاق اول هزيمه له وان شاءالله تتواصل الانتصارات الهلالييه وعقبال الصداره والبطوله باذن الله :) :) ثانيا:: باكيتا يلعب بمهاجم واحد وهو سامي الجابر وسامي صانع لعب مو مهاجم ومع ذلك نهزمهم استغرب لماذا باكيتا لايشرك الموري بجانب الجابر حتى لو رجع الجابر للخلف بيكون فيه مهاجم وسامي بياخذ راحته بصنع اللعب واين العلي ..الجمعان..الصويلح..العنبر.. :confused: :confused: **** سامي نجم فوق العاده ..والذيب مايهرول عبث ..والي الامام ياسامي يابعد كل الاسامي. **** الشلهوب الموهوب رجع للهلال من الاصابه ورجعت معه روح الهلال التي نعرفها الي الامام ياموهوب والله يكفيك شر الاصابات. **** كماتشو اتمنى ان لايلغى عقده اصبح هذا اللاعب من مباراه الي مباراه يثبت انه لاعب ممتاز ومن افضل اللاعبين الاجانب بالمملكه ..الصبر ياهلاليين على كماتشو. ****ديسلفا اتمنى الغاء عقده عاجلا لانه لاعب ثقيل وغير مفيد وعلاه على الهلال.. **** نتمى ان يكون بالمباريات القادمه للهلال ان يكون مهاجم بجاني سامي.. **** اتمنى ان يشارك بالمباراه القادمه الحارس ظافر البيشي اما الدرك ذهابا وايابا.. والسلام ختام.. |
مساء الخير يالغالي كلامك سليم بس المدرب مجبور على الخطه لان خط الهجوم كل مصاب والموري بصراحه توه صغير وصعب يجازف فيه في مبارة النصر والشباب لانه بتضر اللاعب لو ماقدم مستوى |
مساء الخير يالغالي كلامك سليم بس المدرب مجبور على الخطه لان خط الهجوم كل مصاب |
كلامك صحيح أخوي هلالي مديناوي وانتظرك في مواضيع مميزة اخوي |
مشكورين على المرور جميعااااااااا |
انا اعلمك ليه المدرب صار يلعب بمهاجم واحد في مباراة الهلال والاتفاق حضر مدرب النصر قالك بيدرس الهلال عن قرب ,,,, ايه المهم كان الهلال يلعب بمهاجمين واحيانا ثلاثه وقت الهجمه ويوم جات مباراة النصر عكس باكيتا التوقعات ولعب بمهاجم واحد حتى يفاجأ فيها مدرب النصر والظاهر ان باكيتا جازت له السالفه عموما سواءا لعب بمهاجم اولا الاهداف ياعزيزي ماعاد هي مرتبطه بالمهاجمين بس حتى الدفاع صار يسجل ,,, لا ويسجل اهداف قاتله ونادرا مايسويها مهاجم مثل ماحصل مع المنتشري في مباراة الاتحاد وشونبوك الكوري . بالتوفيق للفريق وعقبال المربع والكاس والى الامام يازعيم تحياتي ياغالي |
مشكور على مرورك ولد وايل والله يعطيك الف عافيه |
والله انا عاجبتني الخطه لان فزنا فيها على المتصدر والوصيف وشكرا |
هلالي مديناوي - كلامك صحيح. والهلال كان متعود على تسجيل ثلاثة اهداف في كل مباراة والفريق اللي يطلع بأقل يعتبر فايز. لكن هالحين والاصابات كثيرة وبعض اللاعبين صغار السن - اللي تفوز به العب به. ولك مني التحية يا الغالي ... |
اولا: تشكيله الهلال ليست كتشكيلة يوردانيسكو كي يلعب الفريق بايقاع هجومي .. ثانيا:مثل ما قال اخوي ولد الدمام: خط الهجوم اكثره اصابات. ثالثا: سامي اساسا مهاجم و ليس صانع العاب, لم يصبح صانع العاب الا في السنوات الاخيرة. رابعا: مادام المدرب يعلم ماذا يفعل و لاحظو الفرق بين هذه السنة و الموسم السابق, في الموسم السابق كان الهلال يلعب بمهاجمين و خلفهم سامي احيانا و لم تنفع. لذلك ليفعل المدرب ما يفعل مادام الفريق يظهر بصورة ممتازة و يفوز . ولك جزيل الشكر اخوي. |
الله يعطيك العافية وموضوعك حلو وربي يخليك ولا يحرمنا منك |
هذا ياأخوي تكتيك من المدرب ونجح في 3 مباريات يعني ماشي صح |
مشكورين على المرور جميعاا واهتمامكم بالموضوع والله يعطيكم الف عافيه هلالي مديناوي |
يعطيك العافيه اخوي ومدام الامور ماشيه الحين تمام الى مايرجعون المصابين ... |
مشكور اخوي على المرور |
اقول ياشباب هماه يفوز جعله يلعب 4-6 بدون مهاجم بس نبي الفوز. |
مشكور اخوي على المرور اقول ياشباب هماه يفوز جعله يلعب 4-6 بدون مهاجم بس نبي الفوز. هذا الخطه حقت فريق في الدرجه الثالثه ولازم المهاجمين وان شاءالله نشوف الجمعان والصويلح امام الدرك |
خطة المدرب الحالية تتمشى مع إمكانات الفريق الفريق كان يعاني من ضعف الدفاع بسبب ضعف خط النصف (الوسط) خط الوسط لا يدعم الدفاع ومن هنا تبرز الثغرات فيه حاليا المدرب يلعب بلاعبي خط وسط ذوي نزعة دفاعية (الغنام - الغامدي) وثلاثة لاعبين وسط ذوي نزعة هجومية (الشلهوب - كماتشو - الدوسري) وهذه الطريقة ماشيه معه (المدرب) زي الحلاوة أهداف : وفيه أهداف نقاط كاملة للمباراة : وفي نقاط كاملة هازمين المتصدر والوصيف : ما أدري وش نبي وحالياً في المركز الرابع وفي تقدم إن شاء الله إذا هذي الطريقة بتكسبنا نقاط وفوز : مرحباً بها , خير وبركه بس لو المدرب يبدل الدوسري الحلقة الأضعف بعبدالله المطرف بيكون الهلال رهيب |
مخلص مشكور على المرور بس لو المدرب يبدل الدوسري الحلقة الأضعف بعبدالله المطرف بيكون الهلال رهيب بالعكس الدوسري لاعب مهاري ومجتهد ظلمته يامخلص!!!! |
أحترم رأيك أخوي هلالي مديناوي بس الدوسري كرأي خاص لاعب بارد يقتل الهجمات ببروده كما أن معظم باصاته ضائعة ولا يساند الدفاع قد تقول هو يلعب في غير مركزه وأقول الدوسري لم يقنعنا لما كان يلعب في مركزه الأساسي في غياب الشلهوب تبي تعرف التأثير ,أنظر إلى خانة الوسط الأيسر قبل وبعد عودة الشلهوب عبدالله المطرف لاعب بصراحة غير محضوض أجزم لو وجد نصف الفرص التي أعطيت للدوسري أن يستحوذ على خانة الوسط الأيمن وبكل سهوله ختاماً هي في النهاية أراء شخصيه تقبل تحياتي |
المدرب كان يلعب بمهاجمين ومع ذلك مانفع ويبدو انه عرف انه عنده خلل كبير في خط الوسط وكان الملعب دائما مكشوف للخصم فكثف النص لاجل يسيطر على الملعب ولعب بمهاجم واحد ولكنه عن عشرة مهاجمين |
كلامك عين العقل ولكن هذا تكتيك المدرب بمهاجم واحد مع اللعب بخمس لاعبين بوسط وبالتوفيق للأزرق |
والله ما عرفنا لكم يالجمهور ان انهزم الهلال قلتوا وشذا المدرب ماعنده شي وان فزنا قمتوا تغذربون في الفريق اخوي هلالي طيبه جعله يلعب بنص مهاجم بس اهم شي الفريق يأدي ويحقق الانتصارات راضين .... وبعدين اسمحلي شكلك حديث عهد بالهلال :laugh: من لعب عليك وقالك ان سامي ليس مهاجم ارجع لتاريخ سامي وبتعرف ياناس ترى ماعرفنا سامي الا مهاجم وهداف وعلى فكره الي رجعه صناعة الاعب هو ناصر الجوهر وكالعاده سامي ابدع بس لاتقولي سامي ليس مهاجم لاوالف لا وشكرا |
وشكرا |
مشكورين على الردود جميعااااا وان شاءالله نشوف مهاجمين اليووووووووم وسامي لوحده بالامام مايكفي |
الوقت المعتمد في المنتدى بتوقيت جرينتش +3.
الوقت الان » 07:32 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd