هنا للمطالبة بعودة الشريدة للقائمة الهلالية - نادي الهلال السعودي - شبكة الزعيم

سلطان 15 · #1 19/10/2004, 12:31 PM

لم اتوقع ان يصل مستوى النكران والجحود للهلاليين الى درجة تهميش لاعب كبير بحجم الجنرال عبدالله الشريدة الذي كان خلال تسع سنوات مثالا للاخلاق والاخلاص ولا اعتقد ان يوجد من ينكر ذلك
فهل (على شان خاطر ) باكيتا نضحي بالشريدة ، باكيتا مدرب عادي لن يضيف جديد لكن السئوال كم شهر سوف يستمر مع الهلال خمسه ،سته ، سبعه ، ثمانيه من هذا الصرح الشامخ منتدى الزعيم اراهن على عدم استمرار باكيتا اكثر من سنة كلها خسارة او خسارتين ويجد نفسه في البرازيل
فهل من اجل خاطر ابو سنه نبيع من تفانى في الدفاع وحماية الشباك الزرقاء لتسع سنوات

من هذا المنبر اطالب بعودة اللاعب عبدالله بن مبارك الشريده الى موقعه الاصلي واطالب الادارة الهلاليه بوقف باكيتا عند حده فتخبطاته واضحه ولا تنسينا مباراة النصر ان الدفاع كان في وادي والمباراة في وادي اخر

واطالب الجماهير الهلالية بالوقوف مع هذا العملاق الى ان يعود الى موقعه الطبيعي

ياسيدهم وينك · #2 19/10/2004, 12:53 PM

اول شي منه ابو سنه لو توضح .
ثاني شي الشريده لاعب ممتاز وله ثقله واتمنى استمراره

سلطان 15 · #3 19/10/2004, 01:06 PM

ابو سنه هو المدرب يعني مستحيل مدرب في الهلال يستمر اكثر من سنه يخرب فيها ويسوي مشاكل مع اللاعبين وبعدين مرده يلغى عقد

zezo 15 · #4 19/10/2004, 01:08 PM

شباب ايش فيكم ???
الشريدة من افضل المدافعين قبل مواسم لكن الحين صعب عمره 36 وبطئ مايقدر يسابق المهاجمين الصغار شفتوا مباراة النصر الهليل وتفاريس وهم صغار 24 سنه ويالله لحقوا عالدفاع كيف الشريدة؟؟؟؟؟

الأفضل يكون بديل بالاحتياط عشان يفكنا من المفرج الي خرب مباراة النصر بعد دخوله!!!

فهد من الرس · #5 19/10/2004, 05:00 PM

[QUOTE=zezo 15]شباب ايش فيكم ???
الشريدة من افضل المدافعين قبل مواسم لكن الحين صعب عمره 36 وبطئ مايقدر يسابق المهاجمين الصغار شفتوا مباراة النصر الهليل وتفاريس وهم صغار 24 سنه ويالله لحقوا عالدفاع كيف الشريدة؟؟؟؟؟

!ويالله لحقوا عالدفاع كيف الشريدة؟؟؟؟؟

Abduallah_9 · #6 19/10/2004, 10:39 PM

بوجود الهليل وتفاريس ؟ مانحتاج شريده صار بطيئ أكثر من اللازم صحيح ان الهليل بطيئ بس يجيد المراقبه رجل لـ رجل مو زي الشريده لا مراقبه ولا سرعه

اتمنى انهم يعيرونه لاحد النوادي الخليجيه والاستفاده من المبلغ المالي

ارجنتين 10 · #7 19/10/2004, 01:17 PM

الشريده لاعب له كل التقدير ولاحترام ، قدم ( ولازال ) مالديه للزعيم ، يحتاج الى الرفع من روحه المعنويه مع زميله احمد خليل ، والقادم للزعيم يحتاج جميع اللاعبين على من هم في مستوى الشريده وخليل ( دوري + كاس ولي عهد + بطولة العرب )

مخلص للهلال · #8 20/10/2004, 12:13 PM

إقتباس

الرسالة الأصلية كتبت بواسطة ارجنتين 10


	الشريده لاعب له كل التقدير ولاحترام ، قدم ( ولازال ) مالديه للزعيم ، يحتاج الى الرفع من روحه المعنويه مع زميله احمد خليل ، والقادم للزعيم يحتاج جميع اللاعبين على من هم في مستوى الشريده وخليل ( دوري + كاس ولي عهد + بطولة العرب )

غريب أمر هذا الهلال , يتخلى عن من خدمه بكل سهوله
فرطنا في
خالد التيماوي وكان بحاجة للصبر عليه كما صبرنا على غيره!!
فيصل أبو أثنين
خميس العويران
والآن نحن في طريقنا للتفريط في الشريده وخليل
المشكلة لو البديل في المستوى قلنا سنة الحياة يوجد بديل أفضل
لكن الكارثة أن البديل (الله أم إني صايم)
الهليل جيد بس يحتاج لمزيد من الوقت

دفاع الهلال في مباراة النصر شوارع هاي واي
رحمنا الله بابو عذاب وإلا كانت كارثة

الشريده مع تافاريز أفضل من يمثل الدفاع حالياً , وخليل والهليل احتياط واتركونا من الطفايس

* دحومي* · #9 19/10/2004, 02:26 PM

الشريد كان نجم يوم انه بعز شبابه والكل يشيب مثل بيليه والشريده شيب

spanish eyes · #10 19/10/2004, 03:11 PM

والله ان كان كاحتياطي معليه

بس كاساسي

فمشكلة

اظن حاليا فيه الي احسن منه واسرع واكثر شباب

وهذا حال الدنيا

يوسف وهو يوسف لعب احتياطي على ايام ماتورانا

يلوموني_فيك · #11 19/10/2004, 03:43 PM

من جدك انت يخوي؟
قلبين الدفاع الي عندنا الحين صغار ومتفاهمين ومبدعين وتبي تغيرهم؟؟؟
الهليل وتفاريس اتمنى عدم تغيرهم ابداااااا

والشريده عجز وكل لاعب يعجز

وشكرا

غايب حبيبي · #12 19/10/2004, 03:47 PM

تفاريز والهليل هم الافضل

اما الشريده خلاص قدم كل اللي عنده وكثر الله الف خيره

ولاتنسى فرق العمر من 24 سنه الى 35 سنه بين الشريده وتفاريز والهليل

عالي الشان · #13 19/10/2004, 03:57 PM

المشكله وجود المفرج والشريده برى !!

هذا اللي يقهر

ممرالبطولات · #14 19/10/2004, 04:02 PM

عمر الهليل21وليس 24

صوت من المدرجات® · #15 19/10/2004, 04:30 PM

الموضوع فعلا مهم ولا نبي نقلل من مستوى الهليل وتفاريس ولا من قيادة المدرب

لكن ابعاد الشريده هو ابعاد منافس تفاريس على الخانه من تشكيلة الفريق وهذا لازم ننتبهله
وخاصه ان البديل الاول زي ماشفنا بمباراه النصر هو المفرج يعني يوم ينصاب اي قلب دفاع بنلقى المفرج اساسي يعني ردينا للتخبط وهذا مانبيه
لازم يكون البديل الاول الشريده وبعده الخثعمي
وتكفون لا نخسر الشريده ترا الموسم طويل