السلام عليكم ورحمه الله وبركاته
مبروك عليكم الشهر
عندي موضوع ويمكن تاخرت فيه شوي بس لابد اني افتحه
كلنا من جمهور هلالي وسعودي ويمكن عربي تابعنا برنامج صدى الملاعب مع نمر الكرة الاسيويه ابو يعقوب الفيلسوف يوسف الثنيان كنت متحمس للبرنامج ولما تابعته انصدمت بالتجاهل الكبير لنجم في مستوى ابو يعقوب لو كان لاعب مبتدى كبيرة في حقه فكيف وهي في حق نجم النجوم ربع ساعه وسوالين واحد مع المسوول عن اعتزاله والثاني من احد الجماهير كنت اتوقع انواع الاسئله لكن العتب مو على الشهرى ولا برنامجه الي مفروض يسميه فاصل ونواصل العتب على ابو يعقوب الى حضر برنامج مايستاهل ان ابو يعقوب يكون احد النجوم الي يستضيفهم
وفي البرنامج رغم اني من الهلاليين المتعصبين وعلى كثر المباريات الي شفتها للزعيم لكن اول مره اشوف مستوى ابو يعقوب والتسحيبات الي ساوها فيهم والله وراح زمن النجوم الفطاحله
صحيح ان الشهري اعتذر بس مايكفي عذره كان من الاساس مااستظاف النمر الاسيوي اذا ماكان بيعطيه حقه لكن من بعد هذيك الحلقه وانا ناوي اقاطع فاصل ونواصل دام هذا اسلوبهم مع الكبار
واخر شي قال كلمه قبل مننهي البرنامج ولا كان يبيه يتكلم لا حتى مع المسوول عن اعتزال ابو يعقوب يقوله بسرعه ماعندنا وقت خلاص الغى البرنامج من اساس وارتاح وريح