[ALIGN=LEFT][/ALIGN]
إيه يابو زواحف :p

هذه الدنيا وانا اخوك مره لك ومره عليك
مرتن تكشخ بلبنان ومرتن تتنقع بالحجز

مرتن تشوف نفسك بالداون لود إذا عندك دي اس ال
ومرتن تشحذ بطاقات إشتراك دايل اب

والخافي اعظم وولكم تو سعودي عربيه

واحد زاحف · #1 18/10/2004, 09:09 AM

،،،،،،،،،،،،،،،،،،،،،،، الموقف الثــــ 2 ـــاني +

Parking 2wo،،،،،،،،،،،،،،،،،،،،،،،

>>>-1-<<<!! اضحك وعيش مع واحد زاحف !!>>>-1-<<<

الموقف الاول

---------------العنوان----------------

قسم الشرطه

حينما تعود لاصدقائك وجمعتهم تقول :يامحلا الجمعه معهم

وحينما ترجع لمطعمك المفضل وتقول :واحد بشطه لاهنت !!

وحينما ترجع وتستلم اول موتر لك

وتقول :طربطيط !:p:p

وحينما تشتاق لخوياك وشلتك وجمعتهم وتقول : يامحلاهم ! لاول مره

وحينما تكون على قد نياتك وتوك جاي من برا وناسي انك في السعوديه !! وتدقدق كوره في حاره ومستانس مع اخوياك وتجي الدوريه وتقشكم !!

ايه تقشك للقسم مافيها شي ! انت في السعوديه وفي اخر الصيف الناس فاااااضين !!

-- القصــــــــــــــــة --

بعد الباركنق الاول وحوسه المطار وقروشته

عموماً اليكم ماحصل :p :p :

حينما تصل من المطار وتوسع صدرك بعد ماتشوف نافوره المطار الزينه وتشهق وتقول ياااااي !!

وتروح البيت

وتدخل !! وتدق الجرس على نياتك

يطلع لك واحد ويفتح لك الباب (حرامي) ويقولك سم بغيت شي يالشيخ :p :p

لابس حبيت اتميصل شوي

المهم وتدخل المفتاح بحق المفتاح

..

وتفتح الباب الا ويجيك ذاك العنكبوت المدرعم من فوق ويقول سبااااااايدر مان

وانت على اتم استعداد وتفصخ الزبيريه >>>ركز على زبيريه توك جاي من السفر وزبيريه !! الناس ميلانو شي :p :p >> كمل كمل

المهم وتطخه بالزبيريه

وتدخل البيت وترقد على طول

وتقوم الصباح على الساعه عشره :p

وتقوم والبيت فاضي ونايم

والثلاجه تصفر !! وتزقزق عصافير بطنها

وانت مطفر :p ماتلاحظون اننا في الخارج نزدهر بالفلوس وبالداخل حالتنا حاله وللي يشتري ديو بين الشله يصبح البطل :p :p >> ياكثر حكياتك

المهم وجوالاتك كلهن مفصله

والبيت مافيه حراره

والدي اس ال مافي ومخلص !!

ومايمديك تمشي الحال بالدايل اب

حينها ماذا تفعل ؟..

تدرون وش سويت ؟..

رجعت رقدت ثاني

تهربت من الدنيا :p >> ايه خايف عندكم شي

ونكمل معكم

ورقدت ثاني.

لين العصر

وقمت والقى البيت قايم والثلاجه تتاغر

كلش زين ونظيف :p :p

بس باقي هالاتصالات الي خدمتهم سريع سريع :p

وتاكل وتتغدا ومشتاق للبن

الله يازينك يالسعوديه

ويجي المغرب وتتكي عند غصب 1

ياشيخ الدنيا فله :p

ويدق عليك واحد من اخوياك الجدد

ThE nEw 9AdEeE8

ويقولك اهلين خيو

>> لاتصدقون بس كان في ديرتهم :p :p

وتقوله بونسوار

وتتواعدون وتاخذ اخوك وواحد حفظا ً لسلامتك

وابد ماغير تمشيه في كل مكان حالنا حال الشباب

وين نروح وين نجي :p

ان رحت لطريق القصيم ومادارك طريق القصيم

شيشه ومشاكل وحوسه

وحنا مانب راعين ذا الخرابيط الحمدالله

وماغير تفرفر وتلفلف

من التحليه الى ركه الى الفيصليه ثم المملكه ثم التميمي الثلاثين ثم التميمي طريق الملك فهد ثم

الثلاثين بكبره

وماغير تتمشى

واخرتها معطم اللؤلوه

واحد ...... منيب مسوي دعايه

وتاخذ طلبك

ومايردك الا شارع القراطيس

بس حنا مانبي نوصخ بزياده

فبتلنا قدام

قعده ولا احلى

تاكل وتشرب

وفي وجهك طريق الملك فهد والفيصليه :p ياسلام على المناظر

وتخلص انت واخوياك

وتروحون تفرفرون ورا التحليه عند الحدايق

على الساعه 12

والي يسوق زيدان حارتهم :p

ويقولك يلا خل ندقدق كوره هنا

انا قلت لا وين يبو مالها داعي (كان حاس ان بيصير شي )

وابد لقينا حديقه :p قال يالله حموا انفسكم > داخلين استاد الملك فهد

ونوقف جمب الحديقه

ومادخلنا قلنا يمكن نضايق عوايل

>> شفتوا كيف حنا مؤدبين

:p

ونوقف جمب الحديقه وندقدق بالهكوره

وابد كلها 10 دقايق :p

وتجي الدوريه

انا قلت بيصير شي

قالنا زيدان الحاره :p

ماتخافون موب مسوي شي

ويوقف عندنا ويقول من الفريق الناقص بطب معه

ظنكم قال كذا ؟..

الا ياليت قال تسذا :p

قال اثباتاتكم :p

عطيناه الاثباتات

قال الرخصه والاستماره

عطيناه الرخصه والاستماره

قال يالله القسم :p والله مهوب يمزح

قلنا له ليه !!

طبينا عليه كلنا في وجه وفي نفس الوقت

ويقول والله عليكم بلاغ من واحد انكم مسوين ازعاج

عاد هالحديقه دايم يكون فيها تجمهر الجهه الثانيه ورقص ومدري وش قصتهم

هالبريك دانس

عاد قلنا له كل البيوت اللي حولنا كلها للبيع وفاضيه !

قام يتلفت قال اي والله صح

والله موب صاحي ذا :p

قلنا اجل مين مبلغ !!

تعلثم وقال موب شغلكم

وتشوفونه بالقسم

قلنا له طيب يمكن الجهه الثانيه ياخي !

قال لا لا !! يقول المبلغ هم جماعه كبيره :p

شكله ذا ساقط في الرياضيات والتعبير

حنا 4 اشخاص ظنكم جماعه كبيره ..؟؟..

قال لحظه لحظه ويدق بالجوال على دوريه ثانيه

منب خالصين ابد

ويدق عليه ويجي الثاني ذا :p

ويقول يالله القسم !!

كلهم مهوب يمزحون ابد :p

ونقوله بأي حق !! يقول التهجم على شرطي

!!

لاحول كل شوي طالعين لنا بسالفه :p

ماصارت !! خل نركب ونروح ازين!!

بس زيدان مايستسلم بسرعه !!

قال وقام يحجر له وطفش الشرطي قال كل واحد يحكي عن نفسه

جال ذاك قال انا اكبرهم واحكي عنهم كلهم

قال الشرطي القسم بس يالله :sad:

وكان زيدان يدق على عمه له منصب في الشرطه كبير

كان يدق وطلع عمه في ابها

شو هيدا الحظ يخرب بيته

وتخيلوا الجوالات اللي معك كلها استقبال !!

والساعه 12 من بيدق عليك !!

وشو بيدري اهلك بعد

المهم

كان يقول يالله اركبوا والدوريه الاولى راحت وخلانا مع الثاني

وشوي تدق الوالده عليك

ويدب الفرح في جسمك :p

وتقول لها بسرعه عطيني ابوي

وتقوم ابوك من النوم

ويقولك نعم وش فيه :p

وتقوله والله ماسكينا الشرطه >>> بارد بقوه

طلع الوالد ابرد :p

يقول طيب خلني اكلمه :p

واقوله هيه انت في واحد يبي يكلمك :p

يقول لا ماستقبل مكالمات :p

واقوله يقول مايقدر يكلمك مشغول :p

وتقول لابوك يبه تعال القسم طلعنا :p

ويقولك ابوك بكل برود

ارقد عندهم الليله

وتقوله لاتستهبل يالشايب اخلص علي :p

>> حشا موب ابوك خويك :p

ويقولك طيب يالله

ويجي الدوريه يركبهم كلهم الا انت ويقول لك

يالله سق الموتر والحقني

وانت مخربها خلاص رايح رايح :p

تقوله مامعي رخصه انا والموتر موب موتري

وابوي علمني اني ماسوق سياره مهيب لي :p :p

ويناظر فيني ويقول :p لاحول الله وش طيحني فيكم انا

وكان يطلع راعي الموتر ويدخلني مع اخوي والواحد هازا :p

وكنا ننكت جوا الموتر

وقال واحد معنا : اخر نكته كانوا في شباب يدقدون كوره :p ومسكتهم الدوريه تحسبهم يرقصون :p

لاننا كنا نستعرض مهارات وكذا :p

وانا اضحك :p

قام الشرطي وطفا المكيف :p :p

ويوم وصلنا وخوينا ورانا ونزلنا مقابل قسم السليمانيه

وننزل من السياره ولا من زين الطبايع يفتح لك الباب الشرطي :p

المشكله كلنا وجيهنا بريئه وماقد طبينا سجون :p

ماقول الا حسبي الله عليهم

المهم

ويجي :p الوالد

ويقول هاها مني مطلع احد :p

ابو المزاج اللي على الليل

ولاتوه قايم من النوم بعد :p

المهم ندخل جوا :p

ويفتحون محضر مدري محظر

وينادونا باسمائنا ياولد فلان

يلا التوقيف

وكلنا نضحك وحنا بندخل

:p

عاد طحنا في واحد عصبي يوقف ويصارخ ويقول وش الي يضحك انت وياه :p :p

كان نقوله كنا ندقدق كوره في منتخب في القسم ؟..

حابين تضمونا معهم

قال ادخل بس انت وياه :p

وندخل ويجي واحد يفتشنا :p

عاد كلنا معنا ابو كاميرا بأنواعه المختلفه

ولا انا معي جوالين بعد :p والثالث في البيت

:p

وياخذهم ويحطهم عنده وندخل القسم

:p

وفي سجنين غرفتين يعني والباقي سيب :p

حنا قعدنا في السيب ولقينا ناس جوا بعد شباب زينا :p

والباب حق السجن :p فيه شباك في المربع:p

كان يطلع واحد منه ويقول لاخيس واحد فينا شكلاً :p

ابك يالزين انت:p

كان يجي خوينا ويصمخه بالشباك الصغير على وجهه :p

خخخخخخخخخخخخخخ

ياني فطست ضحك بعد :p

ونقعد والله

وتنتيف متعوب عليه :p

يطلع من السجن للثاني :p

:p

كان يجي واحد في السجن الثاني ينادي ناااايف !!

يصارخ يجي الشرطي مدرعم مشوت

ويفتح الباب

ويطلع واحد ويروح السجن الثاني ويفتحه ويطلع واحد منهم ويدخله السجن حقهم :p

ويطلع ذا ويطلع كرت زجول من جيبه ويدق على مطعم ويطلب بروستد :p

:p

ويجيهم الاكل ويستانسون وحنا منلطعين لا مويه ولاشي :p

كان نقوله نبي بروستد حنا بعد :p

يقول الشرطي لا قفلو المطاعم الحين

وشو !

طيب مويه يالطيب

ماعندنا مويه الحين

حشا موب سجن مخطوفين :p

ونقعد والله من يوم مادخلنا وضحك وهبال مع السجناء

:p

وقلت لهم ماتلعبون لعبه السجن هنا :p

>> يبي ينكت بس مايعرف :p

وكان يدخل واحد سوري

ونقوله وراك ماسكينك ؟ لاعب اجنبي ؟.:p :p

قال كنت امشي في الشارع وجابوني :p :p

والله قسم دجه :p

حنا تأخرنا :p

كان اقول للشرطي برا

يالطيب وش قاعدين تسون تحققون مع الكوره :p

وقاعدين وشوي السجناء خلصو اكلهم

ويالله جلسه كسرات ويغنون وهبال :p

خخخخخخخخخخخخخ والله موب توقيف ذا

وشوي ويدخلون بعد 2 ونسألهم ها كم العقد :p

ويقولون كنا نهجول بموترنا وجابونا هنا :p

يقولون حتا انه شاف المحفظه وسأله من وين لك هالفلوس

خخخخخخخ والله فضاوه هالصيف :p

ومن الساعه 12 ونص !!

الين الساعه 4 ونص ! تقريبا وحنا قاعدين بدون جوالات والوالد تاكي برا عندهم !!

ينادونا تعالوا يالله :p

قلت انا عيت تطلعونا :p

وناخذ الجوالات سلام سلام ماحد قال كاميرا ممنوع ولاحد قالنا شي

ونطلع عند الوالد :p

وجيت اقرا وش كاتبين في المحظر مدري المحضر :p

كاتبين تجمهر ورقص :p :p :p

خخخخخخخخخخخخخخخخخخخخخخخخخخخ

قلت انا والله ان ماوراكم الا الدجه

وسبب هالتأخير يرسلون اسمائنا لوين مدري

الين مايجيهم رد على الاسماء

قلت لهم شايفنا شبهه ؟. :p

حنا عيال ناس وعيال عوايل تجرجرونا للقسم

استحى وقال اسف والله

احس اني قوي

:p :p

بغيت اقول وين اصرفها اسف بس احس اني زودتها

:p

ونطلع من السجن ويكفلنا الوالد كلنا ويطلعنا جميعاً :p

والله ازمه غريبه فعلا ً

حبيت اطرحها لكم ياخواني

القصه واقعيه بس حبيت اعلق عليها وازود من عندي شوي

وهذا الموقف الثاني اللي صار معنا :p

وفي الختام نشكر الاستاذ رمضان على اذاعته الجميله :p :p >> يبو انت في الزعيم :p موب في المدرسه:p

عفواً ونشكركم على قراءه القصه الطويله جدا ً

وان شاء الله عجبتكم

بس لاتخافون مني

تراني حليل والقصه ظلم !!

واللي زعل من شي ولا شي ليته ينبهني

مشكورين يالزعماء

بطل · #2 18/10/2004, 09:12 AM

هلا زاحف ... ;)

موضوع زاحف ورايق

تروح الساعات معه كنها دقايق

إقتباس


	حينما تعود لاصدقائك وجمعتهم تقول :يامحلا الجمعه معهم

ليه وش فيه الخميس ما هومالي عينك

:p

إقتباس


	وحينما ترجع لمطعمك المفضل وتقول :واحد بشطه لاهنت !!

واذا قالك ما فيه الا : واحد بزاحف وش تقول ؟

إقتباس


	وحينما ترجع وتستلم اول موتر لك وتقول :طربطيط

طربطيط

أقول من وين جبت هالخرابيط

إقتباس


	المهم وتدخل المفتاح بحق المفتاح

حق المفتاح هذا ماله أسم :p

إقتباس


	وللي يشتري ديو بين الشله يصبح البطل

وش قصدك

يعني انا ما أصبحت بطل الا بالديو والا شنو ؟ :p

إقتباس


	ويوقف عندنا ويقول من الفريق الناقص بطب معه

يعني محترف عسكري

إقتباس


	مشكورين يالزعماء

عفواً يالزحفاء

خبل في حب الهلال · #3 18/10/2004, 09:56 AM

القصه مسليه بصراحه

ياما في السجن ظلماء

حسبي الله ونعم الوكيل

ناس فاضيه

GANDALF · #4 18/10/2004, 10:48 AM

خخخخخخخخخخخخخخخخ
زاحف
اصلا في الصيف اغلب شباب الرياض يقضون سهراتهم في الاقسام
وياما في الحبس مظزالييييييم

وربي ضحكت يومك شفت العتكبوت في البيت خخخخخخخ اجل سبايدر مان
<<<<<<<<<<<< شكلك شفته في السينما قبل ماتجي <<<<<<<<< شفت اني كاشفك

هلالي شامخ · #5 18/10/2004, 11:14 AM

ههههههههه

خريــج سجــوون ... مــن ورانـــا ..

يعطيــك العافيــه .. وما قصــرت .. وللأســف الوضــع والله أردى من كذا بكثيــر ..

تــروح للقســم وتقعــد بالســاعــات .. ولا أحــد جــايــب لـك خبــر ..

مهــازل تصيــر فــي الأقســام بشكــل مـو طبيعــي .. وعلــى هــوى الشرطــي ..

وكــل قســم لــه نظــام يختلــف عن القســم الثــاني ..

ويــا ويــل اللـي يعتــرض أو يطلــب بحــقه ..

الله يكــون بالعـون بس ..

إقتباس


	قلنا اجل مين مبلغ !! تعلثم وقال موب شغلكم وتشوفونه بالقسم

والله أكبــر هــم لهــم .. البــلاغ اللي يجــيهــم يحــاولـون يخلصــونه

بغــض النظــر عــن الأشخــاص ..

وهــمهـم الثــاني .. مــا يرجعــون للقســم ودفتــر القســايم ما قضــى ..

إقتباس


	والله قسم دجه حنا تأخرنا كان اقول للشرطي برا يالطيب وش قاعدين تسون تحققون مع الكوره

هههههه .. كويــس لـو يحققــون مـع الكــورة .. المشكلــة تقعــد ســاعــات

بهــواه تدخــل .. وبهــواه تطــلع .. ومــا تــدري ليـش دخلــت .. وعلــى أي

أســاس طلعــت .. المســألـة بالمــزاج ..

إقتباس


	والله ازمه غريبه فعلا ً حبيت اطرحها لكم ياخواني القصه واقعيه بس حبيت اعلق عليها وازود من عندي شوي

مــا الغــريب الأ الشيطــان وأنــا أخــوك .. هالقصــة تحــصل في اليـوم

كثيــر وكثيـر .. ولكــن لأ حيــاة لـمن تنــادي ...!!!

إقتباس


	مشكورين يالزعماء

العفــو ويعطيــك الـف عــافيــة علـى اسلــوبك الممتــع ..

وخــارج مــن الشــر ..

تحياااتي ؛؛

Z3eeM_Dc · #6 18/10/2004, 11:30 AM

واحد زاحف

امحق و انا اقول وش حليلك عاقل وش زينك طلعت خريج سجون ولا ممسوك على رقص افا والله :p

واحد زاحف · #7 18/10/2004, 06:21 PM

إقتباس

الرسالة الأصلية كتبت بواسطة بطل الفيلم

اليوم 09:12 AM
بطل الفيلم

هلا زاحف ... ;)

موضوع زاحف ورايق

تروح الساعات معه كنها دقايق

ليه وش فيه الخميس ما هومالي عينك

:p

واذا قالك ما فيه الا : واحد بزاحف وش تقول ؟

طربطيط

أقول من وين جبت هالخرابيط

حق المفتاح هذا ماله أسم :p

وش قصدك

يعني انا ما أصبحت بطل الا بالديو والا شنو ؟ :p

يعني محترف عسكري

عفواً يالزحفاء

[/size]

هلا ببطل الفيلم

تصدق انك حجرت لي

لالا انت بطل:p بالفيلم حقك

وحق المفتاح بس عشان نسوي جو بالموضوع

>> اشوا انه مايعرف

(القفل )

اذا قال واحد بزاحف ابروح واتله لم الحقوق

الخميس زين ويهبل بعد :p

مشكور اخوي لردك

max666 · #8 18/10/2004, 06:55 PM

الله يعطيك العافية الصرااااااااااااااااااااحة من مبطي ماشفنا موضوع سواليف زين بالمنتدى

بعدين قلعتك هذا أللي يرقص

لوحة مميزة · #9 18/10/2004, 09:30 PM

[ALIGN=CENTER]

إقتباس


	وتروح البيت وتدخل !! وتدق الجرس على نياتك يطلع لك واحد ويفتح لك الباب (حرامي) ويقولك سم بغيت شي يالشيخ

ههههههههههههه

ذكرتني برواية قريتها

:p

إقتباس


	المهم وتدخل المفتاح بحق المفتاح ..

أسمه الكيلون

<<<<< أدري خلاص علمتك بالماسنجر خخخخخخ

إقتباس


	وانت على اتم استعداد وتفصخ الزبيريه

خخخخخخ شكلك حاطها بأمانات المطار :p

إقتباس


	وتقوم الصباح على الساعه عشره وتقوم والبيت فاضي ونايم والثلاجه تصفر !! وتزقزق عصافير بطنها وانت مطفر ماتلاحظون اننا في الخارج نزدهر بالفلوس وبالداخل حالتنا حاله وللي يشتري ديو بين الشله يصبح البطل >> ياكثر حكياتك المهم وجوالاتك كلهن مفصله والبيت مافيه حراره والدي اس ال مافي ومخلص !! ومايمديك تمشي الحال بالدايل اب حينها ماذا تفعل ؟.. تدرون وش سويت ؟.. رجعت رقدت ثاني

خخخخخخخخ حل صائب :p

:p

إقتباس


	لين العصر وقمت والقى البيت قايم والثلاجه تتاغر

الحمد لله :p

إقتباس


	وتتواعدون وتاخذ اخوك وواحد حفظا ً لسلامتك

ههههههههههه

إقتباس


	يقول طيب خلني اكلمه واقوله هيه انت في واحد يبي يكلمك

إقتباس


	واقوله يقول مايقدر يكلمك مشغول

..
.
.
.
.
.
.
.
.
.
.
.
.
.
بإختصار الموضوع على بعضه حلو خخخخخخ :p

إقتباس


	بس لاتخافون مني تراني حليل والقصه ظلم !!

وأنا أشهد

بس ماتحس قووووية رقص خخخخ

[/ALIGN]

اســــ هلالي ــــد · #10 18/10/2004, 09:47 PM

هههههههههههههههههههههههههههههههههههه

واحد زاحف طلع خريج سجون ههههههههههههههههه

والله قصه حلوووووووووه

يعطيك الف عافيه اخوي واحد زاحف

prince1111 · #11 19/10/2004, 12:27 AM

[ALIGN=LEFT][/ALIGN]
إيه يابو زواحف :p

هذه الدنيا وانا اخوك مره لك ومره عليك
مرتن تكشخ بلبنان ومرتن تتنقع بالحجز

مرتن تشوف نفسك بالداون لود إذا عندك دي اس ال
ومرتن تشحذ بطاقات إشتراك دايل اب

والخافي اعظم وولكم تو سعودي عربيه

الحاتمي · #12 19/10/2004, 02:10 AM

الـحـاتـمــي ...

مــر مـــن هـــنـــــا ....

ويــقــول : واخزياه !!

أثاريك طلعت خرّيج سجون يا الزاحف !

برايفت لبست يوزر و لوحة مميزة /

انتبهوا تماشون ناس مشبوهه مرتن ثانية !!

البارق · #13 19/10/2004, 03:03 AM

[ALIGN=CENTER]
هذا اللي يروح لبنان ولا يعلمنا ..

<---- شكلي اشغلتك فيها ..

أقول ترى ما بنفسي شيء لا تجي وتقول إنها من حوبتي فيك

..

--------------------------------------------------------------

لكن من جد والله مثل هالموقف هذا ..وش السواة !! يعني من جد وين اصرفها آسف ؟!!!

كان رفعت عليهم دعوى أو إنك تتنازل مقابل مليون يورو ..

تحياتي لك يالزاحف ومبارك عليك الشهر ..

[/ALIGN]

واحد زاحف · #14 19/10/2004, 11:48 AM

بالأمس 09:56 AM
هلالي مديناوي

إقتباس

الرسالة الأصلية كتبت بواسطة هلالي مديناوي


	القصه مسليه بصراحه

إقتباس

الرسالة الأصلية كتبت بواسطة هلالي مديناوي


	ياما في السجن ظلماء حسبي الله ونعم الوكيل ناس فاضيه

مشكور اخوي

اي والله وانا اشهد

تحيتي وشاكر لك مرورك

-------------------------------------------------------------------------------------------------------------------------------------

بالأمس 10:48 AM
GANDALF

إقتباس

الرسالة الأصلية كتبت بواسطة GANDALF


	خخخخخخخخخخخخخخخخ

إقتباس

الرسالة الأصلية كتبت بواسطة GANDALF


	زاحف اصلا في الصيف اغلب شباب الرياض يقضون سهراتهم في الاقسام وياما في الحبس مظزالييييييم وربي ضحكت يومك شفت العتكبوت في البيت خخخخخخخ اجل سبايدر مان <<<<<<<<<<<< شكلك شفته في السينما قبل ماتجي <<<<<<<<< شفت اني كاشفك

اي والله

ايه والله قافطني انت :p

ياذكي

مشكور لردك اخوي :p

Blues4Ever · #15 19/10/2004, 06:21 PM

هههههههههههههههه

من جد زاحف

الله يرجك

ومشكور على القصه الحلوه