اخبار تمرين الفريق الهلالي قبل مباراة النصر..... - نادي الهلال السعودي - شبكة الزعيم

أسير لطيفة · #1 26/04/2001, 02:37 AM

سلام من اسير..

اتمنى من كل قلبي ان لاتكون هذه الاخبار اخر اخبار لي في المنتدى عن الزعيم وهو
لاسمح الله في حالة عدم التأهل للمباراة النهائيه حتى بداية الموسم القادم ان عطانا الله
طولة عمر..

اجرى الفريق الهلالي تمرينه الاخير هذا اليوم وكان عبارة عن مناوره ترفيهية شارك بها جميع اللاعبين وقد اعطى المدرب جرعات لياقيه مكثفه لكل من سامي والثنيان
والدوخي والنزهان ..

وقد تمرن اللاعبون على تسديد ضربات الجزاء وكان ذلك بعد نهاية المناوره وبعد ذلك اجتمع المدرب مع اللاعبين الذين من المحتمل مشاركتهم من بداية المباراة وهم:
الدعيع-الدوخي- الشريده-خليل-النزهان-توليو-الغامدي-المسعري-الثنيان- سامي-روني.

صرح رئيس الهلال بعد نهاية التمرين بقوله ان الفوز بأذن الله سيكون من نصيبنا واني ارى الفوز في عيون اللاعبين واتمنى من التحكيم اعطاء الفريق الهلالي حقه القانوني عكس ماحصل في المباراة الاولى واتمنى من الجماهير الهلال الحضور والمسانده للفريق كعادتها وان نحتفل بالتأهل سويا الى المباراة النهائيه ..
والسلام على مولاي خادم الحرمين الشريفين حفظه الله.

وقد حضر التمرين عدد كبير من اعضاء الشرف يتقدمهم الرئيس والامير بندر بن محمد وفيصل بن يزيد وتركي بن طلال وبندر بن ثامر وعبدالرحمن بن سعيد وعدد اخر.

عاشق الزعيم2000 · #2 26/04/2001, 02:41 AM

الف شكر لك اخوى اسير لطيفة تاخرت بالاخبار اليوم

هاوي الهلال · #3 26/04/2001, 02:42 AM

اتاخرت علينا بالاخبار يااسير ..
والله يستر .. ويوفق الازرق

allord · #4 26/04/2001, 02:43 AM

مشكور وما قصرت والله اني اول ما افتح المنتدى اول شئ اسويه ادور على مواضيعك.......
تقول ان المسعري بيلعب ؟؟؟
صح الكلام هذا والا لا تاكد واللي يرحم والديك

خـالـد الحصان · #5 26/04/2001, 02:44 AM

يعطيك العافيه...وانشالله الفوز للزعيم.

F.M · #6 26/04/2001, 02:46 AM

نشكرك يا : اسير لطيفه على التواصل المستمر واتمنى والله الفوز للزعيم ان شاء الله بكرى على شان تفرح انت بالذات لانك مضحي بوقتك لاجل الزعيم وان شاء الله رجال الزعيم ما راح يخيبون املنا فيهم ويفوزون ويتأهلون للنهائي الغالي .

مشاري فهد · #7 26/04/2001, 02:51 AM

شكرا اخوي اسير لكنك اليوم تاخرت اقلقتنا عليك

الله يوفق الزعيم

عاشق سامي · #8 26/04/2001, 02:54 AM

مرحبا اخوي اسير...

انا تفاجئت لما تصفحت الموقع وماحصلت أخبارك الحلوه عن الزعيم. بس الحمد لله الحين اقدر انام وانا مرتاح بعد ماسمعت منك هالاخبار الحلوه.

وبالنسبة لقولتك آخر اخبار عن الزعيم (فال الله ولا فالك يارجال) انشاء الله الفوز للهلال.وعلى قولة رئيس الهلال سمو الامير سعود بن تركي نبي نحتفل بالفوز سوا.وبعدين تفائلوا بالخير تجدوه.والله الله بالدعاء للزعيم وبالتوفيق انشاء الله.

خاص لأسير...

صراحة انت شمعة هذا المنتدى ومشكور على كل الجهود اللي تبذلها و ما قصرت والله يجزاك كل خير.

وشكرا للجميع...

nagd · #9 26/04/2001, 02:54 AM

السلام عليكم

هلا بك اسير والله يعطيك الف عافيه يارب

اليوم تأخرت علينا عسى ماشر ؟؟

عموما انا شفت اسم المسعري مع التشكيله عسى ماشر ؟؟ تكفى تأكد

انا بروح الملعب ان شالله بس والله ان شفته طاب والله لاطلع . تراني علمتكم

لا وابجي اتابع المباراه من المنتدى بعد منيب شايفها في التلفزيون ، والا اقولكم

بجلس ادور لين تخلص المباراة واتصل على اخوي .

تقبلوا خالص تحياتي

نـــــــــجـــــــــــد

جابر عثرات الهلال · #10 26/04/2001, 02:57 AM

الف شكر لك عزيزي اسير لطيفة ...الله يوفق ويعين ...للزعيم باذن الله ..غداً يوم تاريخي ...

نواف العماري · #11 26/04/2001, 02:59 AM

بأذن الله لن يكون هذا الخبر اخر اخبارك يااسير وسوف
توافينا عن اخبار الزعيم قبل مبارتهم مع الأتحاد
بأذن الله

romeo · #12 26/04/2001, 03:45 AM

الـــسلام عليكم؛
مشكووووور يا اسير ولو انك اتأخرت اليوم

ليش ما يلعب بدل المسعرى الجمعان او العلي

fofofofo · #13 26/04/2001, 04:52 AM

اه من المسعرى تكفى يا ابو لطيفه قل غير ها الحكى قل انى اكذ ومجرد توقعات اللى شفناه من المسعرى ما يسوى انه يلعب فى الهلال ؟

faisel2001 · #14 26/04/2001, 05:28 AM

مشكور أخوي أسير لطيفة وما قصرت والله ينصرنا بكرة انشاء الله قولو آمين

عاشق العثرات · #15 26/04/2001, 05:49 AM

ان شالله الفوز للزعيم ان شالله ونحتفل بالكاس ان شالله ومشكور اخوي اسير لطيفه على ها التواصل والاخبار اللي توصلها دوريا...,,,,

[عدلت بواسطة عاشق العثرات التاريخ:26-04-2001 الساعة: 05:59 AM]