إقتباس علمت مصادر شبكة العالمي الخاصة أن اللاعب النصراوي محمد الخوجلي لن يوقع غداً لنادي الاتحاد وسبق الأمير ممدوح أن خصّ شبكة العالمي بتصريح نفى فيه انتقال الخوجلي للاتحاد . وتؤكد مصادر موثوقة أن الشيخ منصور البلوي سيوقع بعد مباراة الغد مع لاعباً هلالياً تحتفظ شبكة العالمي بإسمه .

الله يستر ابي اعرف مدى صحة هذا الخبر الذي نقلته من الموقع الزفت لدى النادي المفلس

وبالنسبة للقاء الزعيم سوف ينتصر على النادي المفلس ويسخر منه هذه الليله ويفرحنا فرحة لا توصف .. بس الخبر يخوف لا يكون تتكرر سالفة خميس تكفوووووووون ردوا علي

لاتعب نفسك اخوي ان شاء الله بنفوز عليهم وماعلينا منهم لو ينتقل مو الخوجلي رئيسهم لاتشغل بالك فيهم

ما علينا من انتقال حارسهم وش علينا منهم
لكن الخوف على اللاعب الهلالي اللي بيوقع للاتحاد خايف يطير علينا ونجلس نندم عليه مثل ما ندمنا على خميس

ياجماعه الخبر غير صحيح بس انتم عارفين جمهور النصر يبون يشغلوناااا عنهم بالخبر هذاا عشان مانفكر بالنصر لا أن شاء صاحين لكم يالنصراووين وللبلوي بعد ...

أخوي حارسهم ماعلينا منه انتقل ولا ما انتقل
انا اللي شاغل بالي هو الللاعب الثاني
واظن انه الدوخي
وياخوووووفي يكون هو

وقبل كل شي أذكرك قل (( إن شاء الله نفوز عليهم اليوم وادعوا ربك انا نفوز )))
والسلام

صدقت اخوي المتوهج همنا الوحيد هو اللاعب الهلالي وانا خايف على لاعبينا ..طلب لادارة الموقع عطونا بالخبر اليقين

ياناس هاذي ناس تحب تثير الأشاعات ... عشان تخلينا نقلق ونفكر


أنسوا وفكروا في مباراه اليوم ... وأدعوا ربكم عشان يفوز الهلال

الله معك ياهلال

الله يسمع منكم .. لكن وين ادارة الاخبار تنفي هذه الاخبار وتريحنا بدل عوار الراس

مناورة نصراوية لإبعاد تركيز الهلاليين عن المباراة المصيرية .

اجريت اتصال مع زميل لي قريب من الادارة يقول الله يستر الى الان ما صار شي بس فيه مفاوضات جاريه والبلوي موجود بالرياض
بس لم يحدد لي اي لاعب اللي جارية معه المفاوضات

انا شبه متاكد بانه ليس هناك اي لاعب هلالي سينتقل بغير موافقة اصحاب القرار في الهلال وان ما اثير عار من الصحة فما يفعله الهلال الان ورجاله هو التعاقد مع اللاعبين المميزين واعتقد بانه لن يتم التفريط في اي لاعب من داخل النادي واعتقد بان رئيس الهلال لن يسمح بذلك واعتقد ان اللاعب المقصود هو احمد الدوخي لذا انا متاكد بانها مجرد كذبه واتمنى ان لا اشاهد مواضيع مقتطفه من منتديات الانديه المنافسه والتي لاتتميز بالمصداقية حتى لانلوث شبكة الزعيم بسخافاتهم